Hebrews 11:34 - De Beebaa Dabu

³⁴ ma de diinei denga ahi ula, ma de ola mai i de gadilaasa, gilaadeu e baageaa gai gu hai ma gu ni dangada mmahi; gilaadeu ne mmahi i de hebagi, ga hagadee kii ai denga hagabuulinga hebagi o de gau henua gee.

Hebrews 11:34 Referans Kwoze

Judges 15:8

Gai Samson ne daa ga maakau hanu dangada soa i kilaa; muli mai gai ia ne hano ga noho i dahi haonga i lo te baba o Etam.

Isaiah 43:2

De masavaa oou e hano ai laa lo te vai, gai au madali goe; gai ga seesee naa donu goe i lodo saalingaa vai, gai koe e dee maua donu gi abulu, gai de masavaa oou e seesee ai i lo te ahi, gai koe e dee maua donu gi vela, gai de ula o de ahi e dee maua donu i de dudu goe.

Psalm 144:10

ange gi de ia e dugua ange gi kii denga hodooligi, ma de hagaola dono dangada hai hegau go David mai i de gadilaasa hagamaakau.

2 Kings 6:32

De masavaa laa gai Elisha e noho i dono hale, gai denga daane maatua e nnoho madali ia. Gai de hodooligi ne hai dahi daane gi hano i ono daha. Gai i mua de dae o taane laa gi daho Elisha, gai Elisha ne hai ange gi denga daane maatua laa, “Goodou kalo ange diiloo, taane daa dangada laa gu gaamai dahi daane gi duudia dogu ua! Tilo, dono masavaa e dae mai ai, gai goodou ga pono de abaaba ga hagamakaga gi dee ulu mai ai ia. E aha, e dee go dono dangada aamua e humai laa i ono dua?”

1 Kings 19:3

Gai Elijah gu madagu ga savini ga hano. Gai de masavaa oona ne hano ai ga dae gi Beersheba o Judah, gai ia ne dugu dono dangada hai hegau i kilaa,

1 Peter 4:12

Ogu soa hagamogomogo, goodou gi dee llele oodou mouli i de tuu adu denga hagaduasala hagammae gi goodou e hagatale ai goodou, ga maanadu bolo hanu mee e dee heohi de hai gu tuu adu gi goodou.

Jeremiah 26:24

Aagai Ahikam tama daane a Shaphan ne hagabuni ange gi Jeremiah. Deelaa ai, tee maua e dangada i de daa ia gi magau.

Psalm 66:12

Koe ne hai dangada gi dagina ma de vaivai hai gimaadeu; gimaadeu ne hulo laa lo te ahi ma de vai; aagai koe ne gaamai gimaadeu gi dahi henua iai mee lagolago.

Psalm 6:8

Goodou hulo gee mai i ogu daha, go goodou e haia de baubau, go hiidinga Tagi Maolunga gu langona dogu dangi.

De Beebaa go Job 42:10

Gai dua huu de dalodalo o Job i ono soa, gai Tagi Maolunga ga ahe ange ga hai gu kii ange dono lava.

De Beebaa go Job 5:20

Ia e hagaola naa goe mai i de magau i de masavaa o de onge, ma mai i de gadilaasa i de masavaa o de hebagi.

1 Samuel 20:1

Gai David ne saavini mai i Naioth i Ramah ga humai gi daho Jonathan, ga ssili ange gi de ia, “Se aha aagu gu hai laa? Gai gu aha gu hagabuu mai ai nei ssala gi de au? Gai se haisala aha aagu gu hai ange gi doo damana, gai ia ga ssala ai nei au e daa gi magau?”

Exodus 18:4

Gai ia ne hagaingoo ange tama daane ange laa go Eliezer (go hiidinga ia ne hagadaba, “De Maadua o dogu damana ne bale mai au ma de hagaola mai au i de gadilaasa a Pharaoh”).

1 Samuel 18:11

Gai ia ne hai tao laa ga velo ai David, go hiidinga ia ne hagadaba, “Au ga velo nei David gi pigi ange gi de baasi de hale.” Aagai David ne hagaui gee i tao laa i e lua hanonga.

1 Samuel 19:10

gai a Saul ne hagatale de velo David i dono dao, gi pigi ange ai gi de baasi o de hale. Gai David ne ngalue gee i tao laa, gai gu pigi ange gi de baasi o de hale. De boo laa, gai ia ne savini ga hano gee mai i kilaa.

1 Kings 19:1

Gai Ahab ne tala ange gi Jezebel mee alodahi a Elijah ne hai, ma dana daa ga maakau denga pelaabisi alodahi i de gadilaasa.

2 Kings 6:1

De masavaa laa gai de hagabuulinga o denga pelaabisi ne hai ange gi Elisha, “De mommee odaadeu e nnoho ai nei e dee oo ai gidaadeu.

Psalm 124:7

Gidaadeu gu ola bei de manu lele gu ola mai laa i ssele a tangada dili manu; ssele laa gu modu gai gidaadeu gu ola!

Luke 21:24

Hanu gilaadeu e daia naa ga maakau i de gadilaasa, hanu e gaavee naa gi denga henua gee; aagai denga Gentile e dagadagahi naa Jerusalem gi lalo olaadeu vae, ga dae ai gi de odi delaadeu masavaa.