Hebrews 11:26 - De Beebaa Dabu

²⁶ Ia ne hagadaba bolo de hagangadi mee ina i hiidinga o Klisdo, e hagamogomogo ange i de lava o Egypt, go hiidinga ia ne galo ange gi de hagaoanga i muli mai.

Hebrews 11:26 Referans Kwoze

Hebrews 11:6

Noo e deai se gai, aagai e dee maua donu i de hagamalangilangi de Maadua, go hiidinga tangada e humai gi de Maadua, gi hagadonusia bolo e dahi donu Maadua, gai ia e hagao ange gilaadeu e hagaduu ngae e saalaa ia.

Hebrews 10:35

Deenei ai, goodou gi dee dilia doodou lodo mmahi; go hiidinga goodou e kave naa donu oodou hagaoanga.

Revelation 3:18

Deenei ai, au e hai adu koe gi hagao ina hanu goolo gu lava laa i de hagadanuaa i de ahi i ogu daha, gi lava ai goe, ma de gahu i malo tea, gi dee hagadookaa ai oo dagodo i teai oo malo. Hagao ina hogi hanu valaai e hai ai luoo ganomada gi gide ai goe.

1 Peter 4:14

Noo goodou e hagadookaa ina i hiidinga de ingoo o Klisdo, gai goodou gu manuuia, go hiidinga de Hagasaalunga o de mahamaha, e bei go de Hagasaalunga o de Maadua, e noho i oodou elunga.

Hebrews 2:2

Gai noo muna ne tala i daho denga dangada de langi e too donu, gai denga haisala alodahi ma dee hagallongo i muna ne kave donu de hagaduasala e heohi ange laa aagena,

2 Corinthians 6:10

ni dangada e hagadaemaha ina, aagai e malangilangi i masavaa alodahi; ni dangada hagaau aloha, aagai e hai lava dangada soa; ni dangada e deai omaadeu mee, aagai gu bolo ange aagena mee alodahi.

Luke 14:14

gi manuuia ai goe, go hiidinga gilaadeu e dee maua i de hagao adu goe. Gai koe e kave naa doo hagaoanga i de masavaa e mouli age gilaadeu e heohi.”

Matthew 5:12

Goodou llodo danuaa ma de malangilangi, go hiidinga e laumalie doodou hagaoanga i de langi. Gilaadeu ne vaivai hai donu hogi denga pelaabisi i mua.

Ephesians 3:8

Gai dagu hai go au hugadoo e maolalo i dangada o de Maadua alodahi, aagai tuuhanga nei ne gaamai gi de au i dono abodonu, gai au ga agoago ange ai denga Gentile, i dagodo de lava o Klisdo e dee maua laa i de tala ono dagodo,

2 Corinthians 12:10

Deenei ai, au e malangilangi donu i ogu mee e baageaa ai, ma de hagadogaa ina ai, ma hai ngadaa, ma vaivai haia, ma hagaduasala i hiidinga de ingoo o Klisdo. Go hiidinga de masavaa oogu e baageaa ai, go de masavaa donu oogu e mmahi abodonu ai.

Psalm 37:16

Momo goloa o tangada heohi e danuaa ange i de lava o de gau baubau soa;

1 Peter 1:11

gilaadeu ne ssala gi iloo e gilaadeu tangada ma de masavaa a de Hagasaalunga o Klisdo e noho laa i olaadeu lodo gu tala laa, i de masavaa aana ne tala pelaabisi ai dagodo de hagaduasala o Klisdo aama dono hagamahamaha i dua mee nei.

Hebrews 13:13

Deenei ai, gidaadeu ga ssao e hulo gi ono daha i tua de mommee nnoho gaainga, ma de kave de hagadogaa aana ne hagauda laa.

Hebrews 10:33

Hanu masavaa goodou ne hagadookaa ina ma de vaivai haia i madamada o dangada; gai hanu masavaa goodou ne malangilangi donu i de hagaduasala madali gilaadeu ne vaivai haia laa hogi.

Philippians 3:7

Aagai mee alodahi aagu ne mau i dagu hai i mee nei, gai au e hagabinga bolo ni ngadi mee donu i hiidinga o Klisdo.

Ephesians 1:18

ma de hagamaalama de ganomada i oodou lodo, gi iloo ai e goodou dagodo o de tali hagalodolodo aana gu hagahi ange goodou aagena, ma de mahamaha laumalie aana gu bolo ange gi ono dangada,

Acts 5:41

Gai de gau tala ga hulo gee mai i daho de hagabuulinga hagasaele, gu malangilangi i delaadeu hagaduasala ina i hiidinga o de ingoo o Iesu.

Matthew 10:41

Be goai e abodonu ange gi de pelaabisi i hiidinga ia se pelaabisi, e kave naa hogi de hagaoanga o de pelaabisi; gai be goai e abodonu ange gi tangada heohi i hiidinga ia se dangada heohi, e kave naa hogi de hagaoanga o tangada heohi.

Matthew 6:1

“Goodou kana dagidiiloo gi dee haia e goodou denga hegau danuaa gi gidee ai e dangada. Noo goodou e hai mee nei, gai e deai donu oodou hagaoanga mai i daho doodou Damana i de langi laa.

Isaiah 51:7

Goodou e iloo de mee heohi, hagalaangona agu muna, goodou de huaadangada e daohia agu hainga i oodou lodo: goodou aude maatagu i de hagabaubau a dangada goodou, aabe gi manavasaa i delaadeu hagadookaa goodou.

Proverbs 23:18

Ni muna abodonu, e dahi donu au tali ange gi de masavaa e humai, gai dau tali e dee helui naa donu.

Proverbs 11:18

Tangada baubau e kave denga hagaoanga hagasenga, aagai tangada e hai hegau laa i de mee heohi, e kave donu de hagaoanga abodonu.

Psalm 69:20

Au gu kona mmao de mmae ogu lodo i dogu hagadogaa ina, gai au gu dee baba ogu lodo. Au ne ssala dahi gi lodo aloha mai gi de au, aagai au tee gidee dahi dangada daudahi; au ne ssala dahi dangada gi hagaaneane ina ogu lodo, gai au tee gidee dahi dangada daudahi.

Psalm 69:7

I hiidinga au gu hagadogaa ina i oo hiidinga, gai au gu haoli luoogu mada i hiidinga de kona dogu dogaa.

Ruth 2:12

Tagi Maolunga gi hagamanuuia ina goe i hiidinga au hegau gu hai, gai gi laumalie doo manuuia mai i daho Tagi Maolunga, go de Maadua o de gau Israel, oou gu humai naa gi ono daha gi buibuia goe i lalo de malu o luoono bakau.”

Revelation 2:9

Au e iloo dagodo o doo vaivai haia ma doo hagaau aloha (aagai koe e lava mmao), gai au e iloo hagabaubau a dangada e hagataba laa bolo gilaadeu ni dangada Ssuu, gai e dee se muna abodonu, aagai gilaadeu go synagogue donu o Satan.

Luke 14:33

Deenei ai, be goai e dee maua i de dugu mee alodahi, gai ia e dee maua i de hai gi se dangada agoago niiagu.