Hebrews 11:25 - De Beebaa Dabu

²⁵ Gai ia ne hilihili de hagaduasala madali dangada o de Maadua, ia tee lodo i denga mee hagamalangilangi o de haisala, e dee maua laa gi daulooloa.

Hebrews 11:25 Referans Kwoze

Psalm 84:10

Dahi laangi i lo too hale e danuaa ange i e mano laangi i dahi mommee ange. Au e kii ange dogu lodo gi se dangada hagaloosi i de haitoga o de hale o dogu Maadua i dogu noho i de hale o tangada baubau.

2 Corinthians 5:17

Deenei ai, noo tangada gu noho i lodo o Klisdo, ia gu se dangada hoou. Mee duai gu llilo; tilo, mee hoou gu daamada.

De Beebaa go Job 36:21

Kana ange gi dee dahuli ange goe gi de baubau, go de mee aau ne hilihili e dee go doo hagaduasala.

Revelation 18:7

Hagaduasala ina ia ma de hagadaemaha ina ia gi bei de hagamahamaha ma de mouli danuaa aana ne kave. Ia ne hagadaba i ono lodo, ‘Au se hine hodooligi e noho i honga dogu nohoanga hodooligi. Au e dee se hine gu magau dogu bodu, au e dee haihai naa donu ga hinangalosaa.’

De Beebaa go Job 20:5

gai de kii o tangada baubau e dee daulooloa donu, gai delaadeu malangilangi se masavaa bodobodo donu huu.

1 Peter 2:10

I mua gai goodou e dee se huaahenua, aagai iainei goodou go de huaahenua o de Maadua; i mua gai goodou tee kave tegi o de Maadua, aagai iainei goodou gu kave hogi dono degi.

James 5:5

Goodou ne duadonu ma de hagamalangilangi donu huu goodou i doodou nnoho i henua i lalo. Goodou gu hai gi pedi goodou bei dagodo o manu gu paba ange e daa gi maakau i de laangi laa.

James 1:20

go hiidinga de lili o tangada e dee hagahai hegau de heohi o de Maadua.

Hebrews 11:37

Gilaadeu ne magaa ga maakau i hadu; hanu ne soaa ga modumodu lua, hanu ne daia ga maakau i de gadilaasa. Gai gilaadeu ne kahu i gili o denga ssiibi ma guudi ga hulo saele ai, ne duasala ma de vaivai haia,

Hebrews 10:32

Goodou manadua oodou dagodo i denga laangi i mua, i dua de maalama oodou lodo; goodou ne golomagi oodou lodo gai ne tuu ga makaga i de masavaa ne kona ai doodou hagaduasala.

Hebrews 4:9

Deelaa ai, goi dahi huu Sabbath e hagammabu ai dangada o de Maadua;

2 Timothy 1:8

Gai koe gi dee dogaa i de tala hagadonu dagodo o taadeu Dagi Maolunga, aabe gi dogaa i de au, go tangada gu noho i lo te hale pono i ono hiidinga. Aagai koe gi hagaduasala madali au i hiidinga o de longo danuaa i ssauaa o de Maadua,

Colossians 1:24

Gai au e malangilangi donu i de hagaduasala i oodou hiidinga, gai dogu hagaduasala i de angaanga nei e bale de hagaodi ange de hagaduasala o Klisdo i hiidinga o dono angaanga, go de nohoanga dabu.

Romans 5:3

Gai e dee deenei donu huu, aagai gidaadeu e tuhi hogi taadeu hagaduasala ina, i hiidinga gidaadeu e iloo bolo taadeu hagaduasala ina e hai ga lodo mmahi gidaadeu;

Luke 16:25

Aagai Abraham ga hai ange gi de ia, ‘Dagu dama, koe gi manadua doo masavaa nogo mouli ai gai koe ne kave au mee danuaa, aagai Lazarus ne kave mee baubau, aagai iainei gu hagaaneane ono lodo gai koe gu duasala.

Matthew 13:21

Aagai go hiidinga e deai donu ono aga, deelaa ai, ia e dee daulooloa donu. Gai de masavaa huu e dae mai ai de hai ngadaa ma de vaivai haia i hiidinga o muna laa, gai ia e moolau de ahe dua.

Isaiah 21:4

Ogu lodo gu manavasaa, gai au gu bolebole i dogu madagu; de maalama aagu e tali laa gu sui ma gu se mee hagamadagu mai gi de au.

Psalm 47:9

De gau aamua o denga huaahenua gu hagabuni madali dangada o de Maadua o Abraham, go hiidinga denga mee hungihungi i henua i lalo nii de Maadua; ia e hai naa ga aamua mmao!

Daniel 3:18

Aagai noo e deai, gai koe gi iloo bolo gimaadeu e dee daumaha ange donu gi oo diinonga aabe e ino ange gi dau diinonga goolo gu hagaduu naa.”

Acts 7:34

Au gu gidee de duasala o ogu dangada i Egypt, au gu langona delaadeu tangi, gai au gu hano iho e hagaola gilaadeu. Humai, gai au ga hai goe gi ahe gi Egypt!’