Hebrews 11:17 - De Beebaa Dabu

¹⁷ De gai o Abraham ne hai ga maua e ia i de gaavange Isaac e hai ai ssigidaumaha, i de masavaa a de Maadua ne hagatale ai dono gai. Taane ne gaavee de hagatoo donu laa, ne baba ange donu e sigidaumaha dana dama dagidahi,

Hebrews 11:17 Referans Kwoze

Genesis 22:16

ga hai ange, “E hagadaba Tagi Maolunga: Au e hagatoo donu i dogu ingoo, go hiidinga koe gu hai de hegau nei, koe tee daohi donu dau dama dagidahi,

Revelation 3:10

Koe ne daohi agu muna i doo hagaduu ngae ga golomagi oo lodo, deelaa ai, au e doange naa hogi goe i de masavaa o de hagaduasala e dae mai ai gi henua i lalo alodahi, e hagatale ai dangada e nnoho i henua i lalo.

James 5:11

Tilo, gidaadeu e hagataba bolo gilaadeu ne manuuia i delaadeu llodo mmahi. Goodou gu langona hogi dagodo de lodo mmahi o Job, gai goodou ne gidee hogi dagodo de hagatau a Tagi Maolunga; ia e lodo aloha ma de degi.

1 Peter 4:12

Ogu soa hagamogomogo, goodou gi dee llele oodou mouli i de tuu adu denga hagaduasala hagammae gi goodou e hagatale ai goodou, ga maanadu bolo hanu mee e dee heohi de hai gu tuu adu gi goodou.

Proverbs 17:3

De anibada se mee ange gi denga selevaa, gai de ahi mmahi se mee ange gi denga goolo, aagai Tagi Maolunga e hagatale dagodo lodo o tangada.

Hebrews 7:6

Aagai taane go Melkizedek nei e dee se dangada de aamuli o Levi, aagai ia ne kave tahi diba i diba e madaangahulu mai i daho Abraham, aama de hagamanuuia ia, go de ia ne gaavange laa aagena denga hagatoo donu laa.

Zechariah 13:9

Gai au e hai naa tahi diba i diba e dolu nei gi hulo laa lo te ahi; gai au ga hagagilimalali ai gilaadeu bei denga selevaa, ma de hagatale ange olaadeu dagodo bei denga goolo. Gilaadeu e hagaagahi naa dogu ingoo, gai au ga basa ange gi gilaadeu. Au e hagadaba naa, ‘Gilaadeu go ogu dangada,’ gai gilaadeu e hagataba naa, ‘Tagi Maolunga go taadeu Maadua.’ ”

Daniel 11:35

Hanu dangada iloo mee laa e maakau naa, e hagadanuaa ai ma de hagagilimalali ai aama de hai gi deai mee baubau i gilaadeu ga dae ai gi de hagaodi; gai e dae mai naa i de masavaa gu hagamodu laa.

2 Chronicles 32:31

Gai de masavaa a denga dagi o Babylon ne hai ai gi loomai hanu daane gi siilia dagodo o mee hagalele mouli gu hai laa i de henua, gai de Maadua tee bale ange ia, gai ne hagatale ia e tilo ai mee alodahi i ono lodo.

2 Corinthians 8:12

Go hiidinga noo tangada gu baba ange, gai ia gi gaavange gi bei mee e hanu i ono daha, e dee go mee e deai i ono daha.

Deuteronomy 8:2

Gai goodou manadua de hai a Tagi Maolunga doodou Maadua ne dagi mai ai goodou i lodo henua, i denga ngadau e madahaa nei; ia ne hagamaolalo goodou ma de hagatale goodou e tilo ai dagodo o oodou lodo, be goodou e daohi ana muna gu tala adu gi goodou be deai.

John 3:16

“Gai de Maadua ne aloha mmao i henua i lalo, deelaa ai aana ne gaamai ai laa dana Dama Daane dagidahi, gai be goai e hagadonusia gai ia e dee magau donu, aagai e maua de mouli e dee ngado mai.

Hebrews 11:13

Gilaadeu nei alodahi ne mouli i de gai ga dae ai gi delaadeu maakau. Gilaadeu tee kave mee gu lava laa i de hagatoo donu; aagai gilaadeu ne gidee donu huu, bolo mee nei e loomai naa i muli mai ma de malangilangi ai. Gai gilaadeu ne tala bolo gilaadeu ni dangada henua gee, gai ni dangada e nnoho gaainga i henua i lalo.