Hebrews 11:11 - De Beebaa Dabu

¹¹ De gai o Sarah ne hai ga maua e ia i de haanau hanu dama, e dee galemu donu gu ui dono masavaa e maua ai gi hai dama, go hiidinga ia ne hagadaba bolo de ia ne haia de hagatoo donu laa, e hai hegau i de muna abodonu.

Hebrews 11:11 Referans Kwoze

Hebrews 10:23

Gidaadeu ga hagammahi e daohi taadeu tali hagalodolodo gu tala hagadonu laa, gidaadeu gu dee llodo lagolago, go hiidinga de ia ne haia de hagatoo donu laa e hai hegau i de muna abodonu.

Luke 1:36

Gai tilo, doo dangada go Elizabeth gu hai dama hogi i dahi dama daane i dono masavaa gu madumadua ai nei, gai deenei de ono malama o de hine e hagabinga laa bolo se hine dee hua.

Romans 9:8

Deenei tagodo, e dee go denga dama alodahi a Abraham ne hagadili e dau bolo go dama a de Maadua, aagai go dama donu huu a de Maadua ne hagatoo donu ange ai laa gi Abraham e dau bolo go dono hagadiilinga.

Galatians 4:23

Tama a de hine hai hegau ne haanau bei dagodo hagatau a dangada, aagai tama a de hine ilaage ne haanau bei dagodo de hagatoo donu a de Maadua.

2 Kings 4:17

Aagai de hine laa ne hai dama ga haanau dahi dama daane i de ngadau i ono dua, i de masavaa mau, bei de hai a Elisha gu tala ange gi de ia.