Hebrews 10:4 - De Beebaa Dabu

⁴ go hiidinga e dee maua donu e dodo o denga kaau ma guudi i de kave gee haisala o dangada.

Hebrews 10:4 Referans Kwoze

Hebrews 10:11

Laangi alodahi gai tangada haimeedabu e duu ga hai ana hegau daumaha; ia e aheahe ange ga hai denga sigidaumaha mau, gai ni mee e dee maua i de kave gee haisala o dangada.

1 John 3:5

Aagai goodou e iloo bolo Klisdo ne humai, gai ia ga kave gee ai odaadeu haisala. Gai ia e deai donu ono haisala.

Romans 11:27

Gai deenei dagu hagatoo donu hagaheloongoi e hai madali gilaadeu i dagu masavaa e aau gee ai olaadeu haisala.”

Hebrews 10:8

Ia ne hagadaba i taamada, “Koe tee lodo i sigidaumaha ma mee ngadi gaavange, koe tee malangilangi i sigidaumaha dudu ma sigidaumaha o haisala” (go mee ne hai bei muna o de hainga).

Hebrews 9:9

De mee nei se ada ange gi de masavaa go iainei. Gai aanei dagodo o de hagatau nei, denga mee ngadi gaavange ma sigidaumaha e dee maua donu i de hai gi heohi abodonu lodo o tangada e daumaha i mee laa.

John 1:29

De laangi i ono dua, gai a John ne gidee e ia Iesu e humai gi ono daha, gai ia ne hagadaba, “Tilo, Ssiibi Gauligi a de Maadua, go de ia e gaavee gee haisala o henua i lalo!

Mark 12:33

Gai gi aaloha i de ia i oo lodo alodahi, ma au maanadu alodahi, aama oo mahi alodahi, gai gi aloha i tangada e baa adu gi de goe bei doo aloha donu i de goe, e hagamogomogo ange i denga sigidaumaha dudu ma sigidaumaha ange laa.”

Hosea 6:6

Go hiidinga au e lodo i de lodo aloha, e dee go ssigidaumaha; au e lodo i de iloo mee o de Maadua, e dee go denga sigidaumaha dudu.

Psalm 51:16

Au e maua i de gaamai dahi sigidaumaha gi de goe, gai e dee deenei doo mee lodo danuaa ai; koe e dee malangilangi i sigidaumaha dudu.

Hosea 14:2

Goodou gaavee muna nei madali goodou gai aahe mai gi Tagi Maolunga, ga hai ange gi de ia: “Degi mai gi omaadeu baubau alodahi, ma de abodonu mai gi gimaadeu i doo lodo aloha, gai gimaadeu ga tuhi goe i omaadeu ngudu bei demaadeu hai gu hagatoo donu ai.

Jeremiah 6:20

Ni haigamaiana aha denga frankincense mai i Sheba, aabe go laagau maanongi mai i dahi henua mmao? Au e dee malangilangi i oodou sigidaumaha dudu; gai oodou sigidaumaha e dee ni mee niiogu e malangilangi ai.”

Isaiah 66:3

Aagai tangada e daia dahi kaau e hai ai ssigidaumaha, e bei hogi tangada e daia tangada ga magau; tangada e haia ssigidaumaha i dahi ssiibi gauligi, e bei hogi tangada e milo laa de ua o dahi gaaduu; tangada e haia ssigidaumaha i denga grain, e bei hogi tangada e sigidaumaha i dodo o de biigi, gai tangada e haia ssigidaumaha hagamaanadu o mee maanongi, e bei hogi tangada e daumaha ange gi dahi diinonga. Gilaadeu ne hilihili de hai donu huu olaadeu lodo, gilaadeu ne malangilangi i olaadeu diinonga hakino gee;

Hebrews 10:1

De hainga se ada donu huu niio mee danuaa gu dai loomai, e dee go de mee abodonu. Deenei ai, sigidaumaha e hai laa i ngadau alodahi, e dee maua donu i de hai gi heohi abodonu gilaadeu e loomai e hagapaa ange gi de Maadua.