Hebrews 10:39 - De Beebaa Dabu

³⁹ Aagai gidaadeu e dee bei dagodo o dangada gu aahe dua laa gai gu maakau, aagai gilaadeu e kai e hagamouli donu olaadeu hagasaalunga.

Hebrews 10:39 Referans Kwoze

1 John 5:5

Gai goai e maua i de hagadee kii henua i lalo? Go tangada e hagadonusia bolo Iesu go Tama Daane donu a de Maadua.

1 Peter 1:5

go goodou e hagaloosia laa i ssauaa o de Maadua, i doodou kai ange gi de ia, ga dae ai gi de hagaago mai de hagamouli gu baba ange laa e hagaago mai i laangi hagaodi.

Mark 16:16

Gai be goai e hagadonusia ga babudaisi gai ia e hagamouli. Aagai be goai e dee hagadonusia, gai ia e hagaduasala donu.

1 John 5:16

Noo koe e gidee doo daina gu haisala i de mee oona e dee magau ai, gai koe gi dangidangi ai, gai de Maadua ga hagamouli ai tangada bee nei — go de ia gu haisala i mee oona e dee maakau ai. E dahi donu haisala e magau ai tangada. Gai au e dee hai adu koe gi dalodalo i de mee nei.

1 Samuel 15:11

“Au gu vvela de aloha i dagu hai a Saul gi hodooligi, go hiidinga ia ne dahuli gee i de au, ia tee hagassula agu muna ange gi de ia.” Gai Samuel gu dee baba ono lodo, gai ia ne dangi ange gi Tagi Maolunga i de boo laa alodahi.

2 Peter 3:7

Gai go muna mau nei hogi e hagadabena ange ai de langi ma henua i lalo nei, e dudu i de ahi, ma de dugu ange gi de laangi hagamodu muna ma de daa ai gi maakau de gau baubau.

Hebrews 11:1

De gai go de iloo abodonu bolo mee adaadeu e tali hagalodolodo ange laa aagena e hai donu, ma de iloo abodonu bolo mee adaadeu e dee gidee laa e hanu donu.

1 Thessalonians 5:9

De Maadua tee hili gidaadeu e hagaduasala i dono bole, aagai ne hili gidaadeu gi hagamouli i daho taadeu Dagi Maolunga go Iesu Klisdo.

John 17:12

De masavaa oogu ne noho ai madali gilaadeu, gai au ne buibui gilaadeu i ssauaa o doo ingoo aau ne gaamai laa gi de au; au ne dagitilo ga buibui gilaadeu, gai teai donu se gilaadeu ne tili, go de ia donu huu gu hagailonga ange laa gi de magau e dee ngado mai, e hagassula muna a de Beebaa Dabu.

John 6:40

Gai deenei de mee o dogu Damana e lodo ai, tangada e gidee Tama ga hagadonusia ia e maua de mouli e dee ngado mai; gai au e hagamouli age naa ia i de laangi hagaodi.”

Luke 11:26

Gai ia ga hano ga ssala mai ange e dogohidu hagasaalunga e baubau ange i de ia, gai gilaadeu ga ulu i kilaa ga nnoho ai. Gai dagodo o tangada laa i muli mai gu kii ange de baubau i taamada age.”

Psalm 44:18

Gimaadeu tigi hulo gee i de goe i omaadeu lodo, gai gimaadeu tee hulo gee i doo haiava.

2 Thessalonians 2:3

Goodou gi dee dugua ange dahi dangada gi hagasengalia goodou. Go hiidinga de laangi laa e dee hai naa donu, ga dae ai gi de sula age de hai baasi, gai de ia e oohaa de hainga e hagasula mai naa, go de ia gu hagadabena ange laa e hagaduasala.

John 20:31

Aagai mee nei ne sisi gi hagadonusia ai e goodou, bolo Iesu go de Klisdo donu, go Tama Daane a de Maadua, gai gi maua ai e goodou de mouli i doodou hagadonusia ia.

Proverbs 14:14

Tangada e huli gee laa i de mee heohi e kave naa donu de hagaoanga o ana hegau, gai tangada danuaa e kave naa hogi de hagaoanga o ana hegau.

Proverbs 1:32

Gai de daahuli gee o de gau llodo ssenga e daa gilaadeu ga maakau; gilaadeu e maakau naa donu, i delaadeu maanadu bolo gilaadeu e danuaa donu huu;

Revelation 17:11

Gai de manu alasala nogo mouli laa, gai gu dee maleva, ia go de valu hodooligi, gai ia se hodooligi hogi madali denga hodooligi dogohidu laa, gai e daa naa ga magau.

Hebrews 10:26

Gai noo gidaadeu se hagabau donu e haisala, i dua taadeu iloo de muna abodonu, aagai gu deai ange donu se sigidaumaha e maua i de kave gee odaadeu haisala,

1 Timothy 6:9

Aagai dangada e llodo gi lava gilaadeu e too ange donu gi denga hagatale, gai e noodia i denga maanadu o de lodo senga aama lodo baubau alodahi e dagina ange laa gilaadeu gi de hagaduasala aama de magau.

John 5:24

Ni muna abodonu, ni muna abodonu aagu e hai adu nei gi goodou, tangada e hagalaangona agu agoago ga hagadonusia de ia ne haia nei au gi humai e maua donu de mouli e dee ngado mai. Ia e dee hagaduasala, aagai ia gu hagaui gee i de magau ma gu kave de mouli.

Revelation 17:8

De manu alasala aau ne gidee laa nogo mouli i mua, gai gu dee maleva, gai gu dai hanage ange naa i lo te geelonga e deai laa sono dagelo, gai gu baba ange e daa gi magau. Gai dangada i henua i lalo tigi sisi laa olaadeu ingoo i de Beebaa o de Mouli, mai i taamada de hai o henua i lalo, e llele naa olaadeu mouli i delaadeu gidee de manu laa, go hiidinga de manu alasala laa nogo mouli i mua, gai gu dee maleva, gai e ahe ange naa ga mouli age.

Hebrews 10:38

aagai dogu dangada heohi e mouli donu i de gai. Gai noo ia e ahe dua, gai au e dee malangilangi i de ia.”