Hebrews 10:37 - De Beebaa Dabu

³⁷ Go hiidinga, “E dee mmule naa donu, gai de ia e humai laa e humai donu, ia e dee mmule mai naa donu,

Hebrews 10:37 Referans Kwoze

Luke 18:8

Au e hai adu gi goodou, e deai, ia e hagamoolau naa donu ga bale ange gilaadeu. Gai e aha, e maua naa e Tama a Tangada i de gidee hanu e kai i henua i lalo, i dono masavaa e ahe mai ai?”

Isaiah 26:20

Ogu dangada, goodou hulo ulu gi lodo oodou aabi, ma gi bonodia ange oodou haitoga, ga mmuni ai i dahi masavaa bodobodo, ga dae ai gi de ui de masavaa o de bole.

Revelation 22:20

Gai de ia e daalaa hagadonu mee nei ne hagadaba, “Ni muna abodonu, au gu dai humai donu.” Amen. Tagi Maolunga go Iesu, humai!

Isaiah 60:22

Dangada hugadoo e sogoisi i goodou e hai naa ga se aamuli soa, gai de hagabuulinga damaa mee hugadoo e hai naa ga se huaahenua soa. Go au donu go Iahweh, au e hai gi moolau de hai mee nei i de masavaa gu hagamodu.

2 Peter 3:8

Ogu soa hagamogomogo, goodou gi dee ngalo bolo dahi laangi sogosogo, e bei de mano ngadau i daho Tagi Maolunga, gai de mano ngadau e bei donu huu dahi laangi.

Matthew 11:3

gi siilia ange, “Go koe de ia gu tala laa bolo e humai, aabe gimaadeu e tali ange dahi dangada gee?”

Philippians 4:5

Haia gi iloo e dangada alodahi bolo goodou e daudonu. Tagi Maolunga gu dai ahe mai donu!

Hebrews 10:25

gidaadeu gi dee dilia taadeu hagabuni e daumaha, bei dagodo hegau a hanu, aagai gi hagadau hagammahi ina goodou, i doodou gidee bolo de Laangi laa gu baa mai donu.

2 Peter 3:9

Gai Tagi Maolunga e dee hai mee mudumudu i de hagassula dana mee gu hagatoo donu ai, bei de hai a hanu e maanadu ai, gai e golomagi ono lodo i oodou hiidinga; ia e dee lodo dahi dangada daudahi gi magau, aagai dangada alodahi gi daahuli olaadeu lodo.