Hebrews 10:32 - De Beebaa Dabu

³² Goodou manadua oodou dagodo i denga laangi i mua, i dua de maalama oodou lodo; goodou ne golomagi oodou lodo gai ne tuu ga makaga i de masavaa ne kona ai doodou hagaduasala.

Hebrews 10:32 Referans Kwoze

Hebrews 6:4

Gai noo dangada gu maalama olaadeu lodo, gai gilaadeu gu mamia ange de mee ngadi gaavange mai i de langi, ma de kave de Hagasaalunga Dabu,

Hebrews 12:4

Goodou ne hai baasi ange ai gi de haisala, gai goodou tee hai baasi ange ga dae ai gi de ssali oodou dodo.

2 John 1:8

Goodou dagidiiloo gi dee dilia e goodou mee oodou gu hagaduu ngae ma gu hai hegau ange aagena, aagai goodou gi maua i de kave doodou hagaoanga alodahi.

Philippians 3:16

Gai gidaadeu ga duudagi hogi de daudali i mee odaadeu gu lava i de agoago ai.

Revelation 3:3

Deenei ai, manadua au mee gu lava i de kave ma de longo; daohia mee laa, gai dahuli oo lodo. Aagai noo koe e dee alahage, gai au e humai naa bei dagodo o tangada gaiaa. Gai koe e dee iloo donu de aoaa oogu e dae adu ai.

Colossians 2:1

Au e lodo goodou gi iloo bolo go oodou hiidinga oogu e hagaduu ngae ai nei, ma hiidinga o denga daina i Laodicea, aama dangada alodahi tigi gidee e gilaadeu au.

Revelation 2:5

Koe gi ahe ange gi manadua oo dagodo i mua doo ahe dua, gai dahuli oo lodo, ga hai au hegau nogo hai i taamada. Gai noo e deai, gai au e humai naa e aau gee dau mee dugu laama i dono duulanga, deelaa donu huu noo koe e dahuli oo lodo.

2 Corinthians 4:6

Gai de Maadua ne hagadaba, “De maalama gi hanage gi hagamaalama ina lo te gohu,” go de Maadua hogi e hagamaalama ina omaadeu lodo, ga gaamai ai de maalama gi iloo ai e gimaadeu dagodo de mahamaha o de Maadua e gidee laa i luu mada o Klisdo.

Acts 26:18

gi maahuge ai olaadeu mada, ma de hulo gee i de gohu ga daudali i de maalama, aama de hulo gee mai i lalo ssauaa o Satan ga daudali ange i de Maadua, gai ia ga degi ange ai gi olaadeu haisala gai gilaadeu gu dau madali gilaadeu gu vvae gee i de kai i ogu lodo.’

Romans 12:12

Goodou gi malangilangi i de tali hagalodolodo, ma de golomagi oodou lodo i doodou hagaduasala ina, gai dalodalo i masavaa alodahi.

Hebrews 5:12

Iainei goodou gu maua donu i de agoago, gai e deai, goodou goi aahe ange huu ma e agoago i muna heohi a de Maadua i taamada. Goodou goi mouli donu huu i vai uu, goodou tigi maua donu i de gai mee makaga;

Hebrews 6:10

Gai de Maadua e dee haisala donu dana hagamodu; ia e dee ngalo naa donu oodou hegau danuaa, i doodou bale ange ono dangada dabu, i hiidinga doodou aaloha i de ia, gai goodou goi duudagi donu huu de bale ange gilaadeu iainei.