Hebrews 10:30 - De Beebaa Dabu

³⁰ Gai gidaadeu e iloo de ia ne hagadaba laa, “Go au e suuia ange de baubau.” Ia ne hagadaba hogi, “Tagi Maolunga e hagamodu naa muna o ono dangada.”

Hebrews 10:30 Referans Kwoze

Romans 12:19

Ogu soa hagamogomogo, goodou gi dee suuia ange de baubau, aagai dugua ange gi hai hegau de bole ⌊o de Maadua⌋, go hiidinga gu sisi e hai ange: “Go au e suuia ange de baubau; au e sui ange naa donu,” go Tagi Maolunga e hagadaba.

Nahum 1:2

Tagi Maolunga e lodo gaiaa, gai se Maadua e sui ange de baubau; Tagi Maolunga e sui ange baubau o ono hagadaumee. Tagi Maolunga e sui ange hegau a ono hagadaumee, ma de hagaduasala gilaadeu e kino i de ia i dono bole.

Psalm 50:4

Ia e hagahi de langi i lunga ma henua i lalo, gai ia ga hagamodu ai muna o ono dangada:

2 Corinthians 5:10

Go hiidinga gidaadeu alodahi e tuu naa i mada i mua de nohoanga hagamodu muna o Klisdo, gai dahi ma dahi e kave naa de hagaoanga o ana hegau ne hai i de angaanga nei, e dee hilihili be e danuaa aabe e baubau.

Psalm 135:14

Gai Tagi Maolunga e hagamodu naa bolo ono dangada e dee haisala, ma de lodo aloha ange gi ono dangada hai hegau.

Psalm 96:13

i mada luu mada o Tagi Maolunga, go hiidinga ia e humai naa, ia e humai naa e hagamodu muna o henua i lalo. Ia e hagamodu naa muna o henua i lalo i de heohi, gai e hagamodu muna o dangada i de muna abodonu.

Romans 13:4

Go hiidinga ia go tangada hai hegau o de Maadua ne hai gi danuaa adu ai gi de goe. Aagai noo koe e hai de mee dee heohi, gai koe gi madagu, go hiidinga ia e dee se ngadi dau donu dana gadilaasa; ia se dangada hai hegau niio de Maadua e hagasula ina dono lili ange gi dangada e haia mee dee heohi.

Isaiah 61:2

ma de tala dagodo o de ngadau o de abodonu o Tagi Maolunga, ma de laangi a taadeu Maadua e sui ange ai de baubau; ma de hagaaneane ai lodo o dangada alodahi e hinangalosaa,

Psalm 98:9

i mada i mua o Tagi Maolunga, go hiidinga ia e humai naa e hagamodu muna o henua i lalo. Ia e hagamodu muna o henua i lalo i de heohi, ma de hagahedae dangada.

Ezekiel 18:30

Deenei ai, dangada o Israel, au e hagaduasala naa goodou, dangada alodahi e hagaduasala naa donu gi bei dagodo o alaadeu hegau, go de Ia Aamua go Iahweh e hagadaba. Goodou daahuli oodou lodo mage huuhuli gee mai i oodou haisala alodahi, kana maakau goodou i hiidinga oodou baubau.

Ezekiel 34:17

Gai oodou dagodo, dagu hagabuulingaa ssiibi, go de Ia Aamua go Iahweh e hagadaba: Tilo, au e hagamodu naa muna i magavaa o dahi ssiibi ma ssiibi ange laa, ma magavaa o denga ssiibi daane ma guudi daane.

Isaiah 63:4

Gai au ne maanadu bolo gu dae mai de laangi e sui ange ai de baubau, gai de ngadau aagu e hagaola ai gu dae mai.

Isaiah 59:17

Ia e dau de heohi bei de mee dau i hadahada ma de hagauda de goobai baalanga o de hagaola i honga dono biho; gai e gahu i malo e sui ange ai i de hagaduasala, ma de saabini ia i de lodo mmahi bei de malo laa daha.

Psalm 94:1

Tagi Maolunga se Maadua e suuia ange de baubau. De Maadua e suuia ange de baubau, hagaagona mai dono mahamaha.

Leviticus 19:18

Aude suuia ange de baubau, aabe e golo age doo lili i dahi oo dangada, aagai koe aloha i tangada e baa adu gi de goe, bei doo aloha donu i de goe. Go au go Iahweh.

1 Samuel 25:26

Deenei ai, dogu dangada aamua, au e hagatoo donu i de mouli o Tagi Maolunga ma doo mouli: go hiidinga Tagi Maolunga ne daohi goe gi dee daia gi maakau dangada, ma de daohi goe gi dee sui ange alaadeu mee gu hai, deenei ai, oo hagadaumee aama gilaadeu e nnoho e haia adu de baubau gi de goe gi bei dagodo o Nabal.

1 Samuel 26:10

Gai David ga hai ange, “Au e hagatoo donu i de mouli o Tagi Maolunga, bolo go Tagi Maolunga e daa ina ia gi magau; e dee hilihili be ia e magau i dono laangi e magau ai, aabe ia e magau i de hebagi.