Hebrews 10:29 - De Beebaa Dabu

²⁹ Gai e laumalie ange donu de hagaduasala o tangada e hagangadi mee ina Tama Daane a de Maadua, ma de dagadagahia gi lalo luoono vae dodo o Klisdo, go dodo o de hagatoo donu hagaheloongoi ne haia ia ga se dangada e dabu, aama de hagadogaa de Hagasaalunga o de abodonu.

Hebrews 10:29 Referans Kwoze

Hebrews 6:6

gai noo gilaadeu gu daahuli gee — aagai gilaadeu gu dee maua ange i de daahuli olaadeu lodo, go hiidinga e bei donu gilaadeu gu aahe ange, ma gu daudau Tama Daane a de Maadua i de laagau lui, ma de hagangadi mee ia i madamada o dangada.

Ephesians 4:30

Gai goodou gi dee hagadaemaha ina de Hagasaalunga Dabu o de Maadua, go de ia oodou ne hagailonga ange ai gi de laangi e hagahonu ai doodou hagaola.

Isaiah 63:10

Aagai gilaadeu ne hagamaanege, ma de hagadaemaha dono Hagasaalunga Dabu. Gai ia gu sui ga se hagadaumee niiolaadeu, gai ia ga hebagi ange gi gilaadeu.

1 Corinthians 11:27

Deenei ai, be goai e gaina pelaoaa aabe e unu i de ubu a Tagi Maolunga gai ia e dee heohi ange aagena, gai ia e haisala ange donu gi de angaanga ma dodo o Tagi Maolunga.

Luke 12:10

Gai be goai e hagangadi mee ina Tama a Tangada i ana muna, gai de Maadua e tala donu ono haisala. Aagai be goai e hagangadi mee ina de Hagasaalunga Dabu i ana muna, gai e dee tala donu ono haisala.

Hebrews 2:3

gai dee hee ai taadeu hai e hagaola ai gidaadeu, noo gidaadeu e hagangadi mee de hagamouli maolunga nei? De hagamouli nei ne tala i mua i daho Tagi Maolunga, gai dangada ne langona ne tala hagadonu mai gi gidaadeu.

Acts 7:51

Goodou ni dangada e makaga oodou lodo! Oodou lodo e makaga gai oodou dalinga e longoduli. Gai goodou e hai baasi ange donu gi de Hagasaalunga Dabu i masavaa alodahi; goodou e bei donu oodou dubuna madagidagi!

Hebrews 12:25

Goodou dagidiiloo gi dee hagangadi mee ina e goodou de ia e basa adu nei. Go hiidinga noo tee maua gi ola dangada ne hagangadi mee ina muna a de ia ne basa ange gi gilaadeu i henua i lalo, gai e kii ange donu taadeu dee maua gi ola, noo gidaadeu e dee daudali i muna a de ia e basa mai gi gidaadeu i de langi.

Hebrews 9:13

Go hiidinga noo dodo o denga guudi ma kaau madali lehu o de kaau hahine e hagasii laa gi honga olaadeu e dee gilimalali, ne maua i de hai gi dabu ma de hagagilimalali de angaanga o tangada,

1 Corinthians 11:29

Gai tangada e gaina ma de unu mee nei gai tigi donu danuaa ange gi dagodo o de angaanga o Klisdo, e hagaduasala donu.

Hebrews 6:4

Gai noo dangada gu maalama olaadeu lodo, gai gilaadeu gu mamia ange de mee ngadi gaavange mai i de langi, ma de kave de Hagasaalunga Dabu,

Hebrews 2:11

Gai de ia ne haia ga dabu dangada ma gilaadeu ne hai ga dabu ne loomai i se huaabodu daudahi. Deelaa ai, ia e dee dogaa i de hagadaba bolo gilaadeu ni daina niiona,

John 17:19

Au e vvae gee au i olaadeu hiidinga, gi maua ai hogi e gilaadeu i de vvae gee gilaadeu i de mee abodonu.

Matthew 7:6

Goodou gi dee gaavange gi denga gaaduu denga mee dabu; goodou gi dee dilia ange oodou ango gi denga biigi, gilaadeu kana dagadagahi gi lalo olaadeu vae, gai ga huuhuli adu ga hangahanga goodou.

Zechariah 12:10

“Gai au e gaavange naa gi de huaabodu o David de hagasaalunga o de lodo aloha ma talodalo. Gilaadeu e daumada naa donu au, de ia alaadeu ne velo laa ga hagalagohia, gai gilaadeu ga tangi ai naa i ono hiidinga, bei de dangi o tangada i dana dama dagidahi, ma de kona de hinangalosaa i de ia bei de dangi o tangada i de magau o dana dama madua.

Hebrews 13:20

De Maadua o de baba, go de ia ne hagamouli ina Iesu taadeu Dagi Maolunga, de Ia Hagaloosi Maolunga o denga ssiibi, i dodo o de hagatoo donu hagaheloongoi e deai laa se ngado mai,

John 10:36

Gai gu aha goodou gu hai ange ai naa gi de ia a Tamana ne hagadabu ga hai gi humai gi henua i lalo, ‘Koe e hagangadi mee de Maadua i au muna’, i hiidinga au e hagadaba, ‘Go au Tama Daane a de Maadua’?

Micah 7:10

Dogu hagadaumee e dogaa naa i dana gidee de hai mee nei, tangada ne hai mai laa gi de au, “I hee iai Tagi Maolunga doo Maadua?” Au e gidee naa de hagadee kii ina o dogu hagadaumee; iainei donu gai ia e dagadagahi au gi lo te gelegele bei bela pigi i honga denga haiava.

Isaiah 14:19

Aagai koe e tili gee naa i lo too daanunga bei dahi laa manu e aau laa ga tili; koe gu haolia ma gu lilo i de gau maakau, madali gilaadeu ne daia ga maakau i de gadilaasa, go gilaadeu e loiho gi lodo hadu i lo te geelonga. Koe gu bei de angaanga o tangada magau e dagadagahia laa.

2 Kings 9:33

Gai ia ga hai ange, “Magaa ina iho de hine naa gi lalo!” Gai gilaadeu ga maga iho ia gi lalo, gai hanu ono dodo gu ssii ange gi de baasi o de hale aama denga hoosa laa, gai denga hoosa laa ne dagadagahi ia.

Hebrews 9:20

ga hagadaba, “Aanei dodo o de hagatoo donu hagaheloongoi a de Maadua ne tala adu goodou gi daudali ai.”

1 Corinthians 15:25

Go hiidinga Klisdo e dagi naa donu ga dae ai gi dana hagadee kii ono hagadaumee alodahi, ga hai gilaadeu gi nnoho i lalo luoono vae.

Romans 16:20

De Maadua o de baba e moolau naa donu dana dagadagahi Satan gi lalo luoono vae. De abodonu o Iesu Klisdo taadeu Dagi Maolunga gi dagodo i oodou daha.

Matthew 26:28

go hiidinga mee nei go ogu dodo, go dodo o de hagatoo donu hagaheloongoi, ne hagassali laa i hiidinga o dangada soa, e tala ai haisala.

Lamentations 1:15

De Ia Aamua gu tili denga daane hebagi alodahi i lo te aduhale; ia ne hagahi dahi hagabuulinga hebagi gi humai gi daia agu dama daane. De Ia Aamua gu dagadagahi tamaa hine o Judah, bei de hai e dagadagahi ai laa denga grape i de mommee kumi uvaini.

Isaiah 28:3

De aduhale a de gau ssenga o Ephraim e tuhi laa e dagadagahia naa gi lalo vae o dangada.

Psalm 143:10

Agoagona mai au i de hai oo lodo, i hiidinga go koe dogu Maadua; doo Hagasaalunga danuaa gi dagina adu au i de mommee soe.

1 Corinthians 15:27

Go hiidinga “de Maadua gu dugu mee alodahi gi lalo luoono vae.” Gai muna e hai ange laa, “mee alodahi gu dugu i ono lalo” gai gidaadeu e tonu ange, bolo de ia ne dugua ange mee alodahi gi lalo luoono vae e dee madali mee nei.

Ezekiel 16:6

Gai de masavaa oogu ne hanadu ai ga gidee goe e dagai saele i lodo oo dodo, gai au ne hai adu, “Koe gi mouli!” Au ne hai adu gi de goe i de masavaa oou e dagodo ai i lodo oo dodo, “Koe gi mouli!”

Jeremiah 1:5

“I mua dagu hai goe i de mommee o denga dama, gai au gu iloo huu goe, gai i mua doo haanau, gai au ne vvae gee goe ga hagadabu; au ne hili goe e hai ai de pelaabisi o denga huaahenua.”

Psalm 91:13

Koe e dagadagahi naa de laiono ma de labodo, ma de laiono mmahi aama de labodo hagammau gi lalo oodou vae.

Exodus 24:8

Gai Moses ga kave denga dodo ga dabudabui ange gi honga o dangada, ga hai ange gi gilaadeu, “Aanei dodo o de hagatoo donu hagaheloongoi a Tagi Maolunga ne hai madali goodou, bei dagodo o muna nei alodahi.”

Daniel 8:13

Gai au ne langona dahi dangada de langi dabu e basa laa, gai dahi dangada de langi dabu ange laa ne ssili ange gi de ia, “Dee hee maa de masavaa e hagasula ai de midi o denga sigidaumaha dudu i de laa tubua, ma de haisala e haia laa ga ngadi dagodo de mommee dabu laa, aama de dagadagahia o de hagabuulinga hebagi laa?”

Mark 7:2

gai gilaadeu gu gidee hanu ana dangada agoago e dee gilimalali olaadeu lima, e bei e dee hhui olaadeu lima e gaimee ai.

1 Corinthians 6:11

I mua gai hanu goodou e dagodo bee nei. Aagai iainei goodou gu hagagilimalali ma gu vvae gee ma gu hai gi dabu, goodou gu hagaheohi i de ingoo o Tagi Maolunga go Iesu Klisdo aama ssauaa o de Hagasaalunga o taadeu Maadua.

Ephesians 5:26

gai ia ga hai ai gi dabu de nohoanga dabu i dana hakaugau ia i vai o muna a de Maadua,

Hebrews 4:14

Go hiidinga e dahi odaadeu dangada haimeedabu maolunga gu hano gi de langi, go Iesu, Tama Daane a de Maadua, deenei ai, gidaadeu ga hagammahi e daohi de gai adaadeu e tala hagadonu laa.

Hebrews 10:10

Gai de lua hagatau ne hai ga dabu gidaadeu i ssigidaumaha o de angaanga o Iesu Klisdo i e dahi donu huu hanonga.

Revelation 1:5

aama mai i daho Iesu Klisdo, de ia tala hagadonu i de muna abodonu, go de ia ne mouli age i taamada, gai go tagi o denga hodooligi o henua i lalo. Gidaadeu ga tuhi de ia ne aloha laa i gidaadeu, ma de hagaola gidaadeu mai i odaadeu haisala i ono dodo,