Hebrews 10:28 - De Beebaa Dabu

²⁸ Tangada tee daudali laa i hainga a Moses ne daa donu ga magau, gai tee degi ange donu noo ne dogolua be ne dogodolu dangada ne tala hagadonu.

Hebrews 10:28 Referans Kwoze

Hebrews 2:2

Gai noo muna ne tala i daho denga dangada de langi e too donu, gai denga haisala alodahi ma dee hagallongo i muna ne kave donu de hagaduasala e heohi ange laa aagena,

Deuteronomy 19:15

Muna a dahi dangada tala hagadonu e dee maua i de hagahaisala tangada, i dahi mee oona gu hagabaubau ina ai, aabe go dono mee gu haisala ai. Gai mee alodahi e hagadonu i muna a e dogolua aabe e dogodolu dangada tala hagadonu.

2 Corinthians 13:1

Deenei tolu hanonga oogu e hanadu ai gi oodou daha. “Mee alodahi e hagadonu i muna a e dogolua aabe e dogodolu dangada tala hagadonu.”

John 8:17

Gai gu sisi i lodo oodou hainga bolo noo e buni e dogolua dangada i delaau tala hagadonu, gai alaau muna se muna abodonu.

Matthew 18:16

Aagai noo ia e dee lodo e hagallongo adu gi de goe, gai koe gaavee e dahi aabe e dogolua dangada hagadonu madali goe, gai mee alodahi e hagadonu i muna a e dogolua aabe e dogodolu dangada hagadonu.

2 Samuel 12:13

Gai David ne hai ange gi Nathan, “Au gu haisala ange gi Tagi Maolunga.” Nathan ne hai ange, “Tagi Maolunga gu degi adu gi oo haisala; koe e dee magau naa donu.

Deuteronomy 19:13

Goodou e dee llodo aaloha ange donu gi de ia, gai goodou ga aau gee ai de baubau i Israel, gi danuaa adu ai gi goodou.

Numbers 15:36

Gai de hagabuulingaa dangada alodahi ne kave taane laa, gi tua de mommee nnoho gaainga, ga maga ai ia gu magau, bei de hai a Tagi Maolunga gu tala ange ai gi Moses.

James 2:13

Go hiidinga de Maadua e dee degi ange donu gi tangada e dee degi ange laa gi dangada i de masavaa hagamodu muna; aagai tegi e kii i de hagamodu muna.

Romans 9:15

Go hiidinga ia ne hai ange gi Moses, “Au e abodonu ange gi de ia oogu e lodo e abodonu ange aagena, gai au e lodo aloha ange gi tangada oogu e lodo e lodo aloha ange aagena.”

Jeremiah 13:14

Au e hai naa gilaadeu gi bei denga ssaa hadu e hagadau hoohoa laa; go denga damana ma denga dama alodahi, go Tagi Maolunga e hagadaba. Au e dee aloha ange naa donu, be e abodonu ange, aabe e lodo aloha ange gi gilaadeu, ga dee daa ai gilaadeu gi maakau.’ ”

Isaiah 27:11

De masavaa naa huu o ono laa vaaligi e mmasa ai, gai gu hadihadi, gai denga haahine ga hai ai alaadeu ahi. Gai de huaadangada nei e dee maua donu gi tonu ange, gai de ia ne haia gilaadeu tee lodo aloha i gilaadeu; de ia ne haia gilaadeu tee abodonu ange gi gilaadeu.

2 Samuel 12:9

Gai gu aha gu hagangadi mee ai naa goe muna a Tagi Maolunga, ma de hai de hegau baubau nei i mada luoono mada? Koe gu daa ma gu magau Uriah, taane Heth, ma de kave dono bodu ma gu hai bodu ange aagena, aama de hai gi maua e denga daane o Ammon i de daa ia gi magau.

Hebrews 12:25

Goodou dagidiiloo gi dee hagangadi mee ina e goodou de ia e basa adu nei. Go hiidinga noo tee maua gi ola dangada ne hagangadi mee ina muna a de ia ne basa ange gi gilaadeu i henua i lalo, gai e kii ange donu taadeu dee maua gi ola, noo gidaadeu e dee daudali i muna a de ia e basa mai gi gidaadeu i de langi.