Hebrews 10:25 - De Beebaa Dabu

²⁵ gidaadeu gi dee dilia taadeu hagabuni e daumaha, bei dagodo hegau a hanu, aagai gi hagadau hagammahi ina goodou, i doodou gidee bolo de Laangi laa gu baa mai donu.

Hebrews 10:25 Referans Kwoze

Acts 2:42

Gai gilaadeu nei ne hagaduu ngae ga daudali i agoago a de gau tala ma de hagabuni madali gilaadeu ga gaimee ma de dalodalo.

Matthew 18:20

Gai be go hee naa huu e buni ai e dogolua aabe dogodolu i dogu ingoo, gai au e noho hogi i olaadeu daha.”

1 Thessalonians 5:11

Deenei ai, goodou hagadau hagaaneane ina oodou lodo aama de hagadau bale i de tuu gi makaga, bei oodou dagodo iainei.

Hebrews 3:13

Aagai goodou hagadau hagammahi ina goodou i laangi alodahi, i de masavaa goi hagabinga ai bolo go “anailaa nei,” gai dahi ma dahi gi dee hagamakaga ina ono lodo, i dono hagasengalia i de haisala.

Hebrews 10:24

Gai gidaadeu ga maanadu taadeu hai e hagadau hagammahi ange ai gidaadeu gi de aloha ma denga hegau danuaa,

1 Corinthians 5:4

De masavaa oodou e hagabuni ai i de ingoo o Tagi Maolunga go Iesu, gai dogu hagasaalunga e madali goodou i ssauaa o taadeu Dagi Maolunga go Iesu,

1 Thessalonians 4:18

Deenei ai, goodou hagadau hagaaneane i muna nei.

Acts 2:1

De masavaa huu ne dae mai ai de laangi o de Pentecost, gai gilaadeu alodahi ga hagabuni i dahi mommee.

Acts 20:7

Aagai tahi laangi o de uvigi, gai gimaadeu ne hagabuni ga gaimee. Gai Paul ne agoago dangada ga dae ai gi lo te boo, go hiidinga ia ne maanadu bolo gimaadeu e malanga i de laangi i ono dua.

1 Corinthians 14:3

Aagai deenei tagodo, tangada e basa pelaabisi, e hai ga hagadagadaga age dangada ma de hagammahi olaadeu lodo, aama de hagaaneane ange gilaadeu.

Romans 12:8

tangada e hagammahi ina lodo o dangada, gi hagammahi ina ange lodo o dangada; tangada e ngadi gaavange mee, gi lodo mmahi i de ngadi gaavange mee; tangada se dagi gi hagaduu ngae gi dagina; gai tangada e abodonu ange laa gi dangada, gi abodonu ange gi dangada i de malangilangi.

Philippians 4:5

Haia gi iloo e dangada alodahi bolo goodou e daudonu. Tagi Maolunga gu dai ahe mai donu!

2 Peter 3:9

Gai Tagi Maolunga e dee hai mee mudumudu i de hagassula dana mee gu hagatoo donu ai, bei de hai a hanu e maanadu ai, gai e golomagi ono lodo i oodou hiidinga; ia e dee lodo dahi dangada daudahi gi magau, aagai dangada alodahi gi daahuli olaadeu lodo.

James 5:8

Goodou golomagina hogi oodou lodo ga tuu gi makaga, go hiidinga Tagi Maolunga gu dai humai donu.

1 Corinthians 14:23

Deenei ai, noo de nohoanga dabu alodahi gu hagabuni, gai dangada alodahi e pasa i denga hagadaagangaa muna, gai hanu dangada gee aabe ni dangada tigi hagadonusia e ulu mai, gai gilaadeu e dee hagataba naa bolo goodou gu ssenga ange?

Jude 1:19

Aanei gilaadeu e hagadee heloongoi ina dangada, gilaadeu e daudali i olaadeu lodo donu huu, gai de Hagasaalunga ⌊Dabu⌋ e dee nnoho i olaadeu lodo.

2 Peter 3:14

Deenei ai, ogu soa hagamogomogo, go hiidinga goodou e tali de hai mee nei, goodou hagaduu ngae haia gi deai duulangaa mee gelegele, aabe ni mee baubau i oodou daha, aama de nnoho paba.

1 Peter 4:7

De hagaodi o mee alodahi gu baa mai donu. Deenei ai, goodou gi mada ala ma de dagitilo ga dalodalo.

2 Peter 3:11

Go hiidinga mee alodahi e odi naa donu i de oha, gai dee hee ai naa doodou hai e mouli ai iainei? Goodou gi ni dangada e dabu ma de hai lodo o de Maadua,

1 Corinthians 11:20

De masavaa oodou e hagabuni ai, gai goodou tee hagabuni donu e gai taonga dabu a Tagi Maolunga.

1 Corinthians 3:13

dagodo hegau a dahi ma dahi e ssula danuaa mai naa; i hiidinga e hagaago mai naa i de Laangi laa, de ahi e hai naa ga iloo ono dagodo. Gai de ahi e hagatale ange naa ga tilo be aahee dagodo hegau a dahi ma dahi.

Acts 16:16

Dahi laangi gai gimaadeu ne hulo gi de mommee dalodalo, gai gimaadeu ne hedae ange gi dahi damaa hine gu noho ai dahi hagasaalunga baubau, e daalaa laa mee tigi loomai. Gai ne hai ga lagolago sseene a dono dangada aamua i dana tala mee tigi loomai.

Matthew 10:15

Ni muna abodonu aagu e hai adu nei gi goodou, Sodom ma Gomorrah e danuaa ange i de aduhale laa i de laangi hagamodu muna.

John 12:48

Tangada e kino i de au ma tee daohi agu muna e dahi donu mee e hagamodu ai ono muna; go agu muna gu tala e hagamodu ai ono muna i de laangi hagaodi.

Hebrews 10:37

Go hiidinga, “E dee mmule naa donu, gai de ia e humai laa e humai donu, ia e dee mmule mai naa donu,

Hebrews 13:22

Denga daina, au e dangidangi adu goodou gi golomagi ina oodou lodo i agu muna e bale adu ai goodou, go hiidinga e sogoisi donu huu agu muna e sisi adu.