Hebrews 10:22 - De Beebaa Dabu

²² Deenei ai, gidaadeu ga loomai e hagapaa ange gi de Maadua i de lodo se mee abodonu ma de gai e honu abodonu, gai tagi i odaadeu lodo gu hagagilimalali mai i de baubau, gai odaadeu angaanga gu gaugau i vai gilimalali.

Hebrews 10:22 Referans Kwoze

Ezekiel 36:25

Au e hagassii adu naa denga vai gilimalali gi goodou, gi gilimalali ai goodou. Au e hagagilimalali naa goodou mai i oodou dahulinga hakino gee alodahi, aama mai i oodou diinonga alodahi.

John 3:5

Iesu ne hai ange, “Ni muna abodonu, ni muna abodonu, aagu e hai adu nei gi de goe, noo tangada e dee haanau i de vai aama de Hagasaalunga ⌊Dabu⌋, gai ia e dee maua donu, i de ulu i de nohoanga hodooligi o de Maadua.

1 Peter 3:21

Gai de babudaisi e hagadagodo ange gi de mee nei, go de babudaisi e hagamouli ai laa goodou iainei — e dee go de aau gi deai gelegele i odaadeu angaanga, aagai go de dangidangi ange gi de Maadua gi hagagilimalali ina tagi o de lodo, i hiidinga de mouli age o Iesu Klisdo,

Ephesians 5:26

gai ia ga hai ai gi dabu de nohoanga dabu i dana hakaugau ia i vai o muna a de Maadua,

1 Corinthians 6:11

I mua gai hanu goodou e dagodo bee nei. Aagai iainei goodou gu hagagilimalali ma gu vvae gee ma gu hai gi dabu, goodou gu hagaheohi i de ingoo o Tagi Maolunga go Iesu Klisdo aama ssauaa o de Hagasaalunga o taadeu Maadua.

Hebrews 7:19

(de hainga e dee maua donu i de hai dahi mee gi heohi abodonu,) gai de tali hagalodolodo e danuaa ange laa gu gaamai, gai go ia odaadeu e maua ai i de loomai e hagapaa ange gi de Maadua.

2 Corinthians 7:1

Denga daina hagamogomogo, go hiidinga denga hagatoo donu nei ni mee mai gi gidaadeu, deenei ai, gidaadeu ga hagagilimalali gidaadeu mai i denga mee alodahi e haia gi dee gilimalali de angaanga ma de hagasaalunga. Gai gidaadeu ga hai gi honu taadeu hai gi dabu gidaadeu i de madagu i de Maadua.

Hebrews 4:16

Deenei ai, gidaadeu gi lo taane i de loomai e hagapaa ange gi de nohoanga o de abodonu laa, gi maua ai e gidaadeu i de kave de abodonu ma tegi e bale mai ai gidaadeu i de masavaa odaadeu e duasala ai.

Hebrews 12:24

ma daho Iesu, de ia e hano i magavaa o dangada ma de Maadua, i de hagatoo donu hagaheloongoi hoou, ma de hagatoo madaua ange dodo e daalaa muna e danuaa ange laa i dodo o Abel.

Titus 3:5

gai ia ga hagamouli gidaadeu; gai e dee go hiidinga o adaadeu hegau heohi, aagai go hiidinga dono degi, i dana hagagilimalali i de hagahoou odaadeu lodo i daho de Hagasaalunga Dabu,

Psalm 73:28

Aagai au, e danuaa dogu hagabaa ange gi de Maadua; au gu hai de Ia Aamua go Iahweh go dogu buibui, gai au ga tala ai dagodo o au hegau alodahi.

1 Peter 1:2

go dangada ne hili bei dagodo de iloo mee o de Maadua Tamana, gai gu hai gi se huaadangada dabu i ssauaa o de Hagasaalunga ⌊Dabu⌋, gai gi hagallongo ange ai gilaadeu gi Iesu Klisdo ma de hagagilimalali i ono dodo: Gi laumalie de abodonu ma de baba i oodou daha.

Ephesians 3:12

go de ia odaadeu e lo taane ai ma tee maatagu i de loomai gi mada luu mada o de Maadua i de gai.

James 4:8

Goodou hagapaa ange gi de Maadua, gai ia ga hagabaa adu gi goodou. Goodou de gau haisala, hagagilimalali ina oodou lima! Goodou de gau llodo lagolago, hagagilimalali ina oodou lodo!

Hebrews 9:19

Gai ga lava huu i de tala ange a Moses muna alodahi o de hainga gi de huaadangada, gai ia ga kave dodo o hanu kaau gauligi ma dodo o hanu guudi madali hanu vai, ga hai hanu huluhulu mmea, ma laa o de hyssop ga hagassii ange ai gi honga de beebaa mulo laa, aama honga o dangada alodahi,

Matthew 3:11

Au e babudaisi goodou i vai i de daahuli oodou lodo, gai de ia e humai i ogu dua e maolunga ange i de au; au e dee bau ange gi de aau ono mee vae. Ia e babudaisi naa goodou i de Hagasaalunga Dabu ma de ahi.

Ezekiel 16:9

Gai au ne hakaugau goe i vai ga ssolo gi deai dodo e pigi adu gi de goe, ma de hulu goe i de lolo.

Jeremiah 24:7

Gai au e hai naa gi iloo e gilaadeu i olaadeu lodo, bolo go au donu go Iahweh. Gai gilaadeu go ogu dangada, gai au go delaadeu Maadua, go hiidinga gilaadeu e aahe mai naa gi de au i olaadeu lodo alodahi.

Leviticus 8:6

Gai Moses ga gaamai Aaron ma ana dama daane ga hagagilimalali gilaadeu i vai.

James 1:6

Aagai tangada gi dangidangi i de gai, ia gi dee lua lodo, go hiidinga tangada lua lodo e bei dagodo o de beau i honga tai e ilihia saele laa i de madangi.

Proverbs 23:26

Dagu dama, dugua mai oo lodo gi de au, gai luoo mada gi diiloo ogu haiava.

Psalm 119:7

Au e tuhi goe i de lodo se muna abodonu, i de masavaa aagu ne iloo ai dau hagamodu.

Psalm 51:10

De Maadua, hagagilimalali ina ogu lodo, gai hagahoou ina de hagasaalunga heohi i ogu lodo.

Numbers 8:7

Gai deenei dau hai e hai ai gi gilimalali gilaadeu: hagatoo madau ange denga vai hagagilimalali gi gilaadeu, gai gilaadeu ga dahi ngaangaaulu i olaadeu angaanga alodahi, ga taa olaadeu malo ga hai gi gilimalali gilaadeu.

Leviticus 14:7

Gai ia gi hagatoo madaua ina ange dodo laa gi honga o tangada gu ieiangi i de gili lebelaa; gai ia gi hagadaba bolo tangada laa gu gilimalali. Muli mai, gai ia gi dugua de manu lele ange laa gi lele gi lo te duu malaelae.

Hebrews 11:28

Go de gai ne haia ga maua e ia i de dao Taonga Hagasili, ma de hulu ange dodo gi denga haitoga, gi dee poo ange ai tangada de langi o de magau gi denga ganimua daane a de gau Israel.

Hebrews 10:19

Deenei ai, denga daina, gidaadeu gu lo taane i de ulu i de Mommee Dabu mmao laa i dodo o Iesu,

Zechariah 13:1

“De laangi laa gai e dahi naa vai e sali age e hagagilimalali ai haisala ma hakino gee o de huaabodu o David aama dangada e nnoho i Jerusalem.

Isaiah 29:13

Gai e hagadaba de Ia Aamua: “De huaadangada nei e hagapaa mai gi de au i olaadeu ngudu, ma de hagadubu donu huu au i alaadeu muna e tala, aagai olaadeu lodo e mmao gee donu i de au. Alaadeu hai daumaha mai gi de au, e daudali i dahulinga ne ago mai i daho dangada.

1 Chronicles 28:9

Gai koe, dagu dama go Solomon, koe gi iloo de Maadua o doo damana, ma de hai hegau ange gi de ia i oo lodo alodahi ma au maanadu alodahi, go hiidinga Tagi Maolunga e iloo dagodo o denga lodo alodahi, ma de donu ange gi maanadu alodahi. Noo koe e ssala ia, gai koe e gidee naa donu ia; aagai noo koe e huli gee i de ia, gai ia e huli gee naa hogi i de goe ga hano ai.

Exodus 29:4

Gai koe ga gaamai Aaron ma ana dama daane gi de haitoga o de hale malo hagabuni, ga hagagilimalali gilaadeu i vai.

Hebrews 9:10

Gai mee nei ni mee ange donu huu gi denga gai, ma mee unu, aama de hai e hagagilimalali ai. Mee nei alodahi ni hainga ange gi mee e hai ange gi de angaanga ga dae ai gi de masavaa o de hagatau hoou.

1 Timothy 4:2

Gai agoago nei e loomai i daho de gau hadu muna, go gilaadeu gu maaga tagi i olaadeu lodo i de baalanga ula.

Jeremiah 30:21

Gai delaadeu dagi se dangada donu i olaadeu magavaa; delaadeu dangada aamua e haanau naa i olaadeu magavaa. Gai au e gaamai naa ia gi baa mai, gai ia e humai naa ga hagabaa mai gi de au, Gai goai naa donu e maua i de humai e hagabaa mai noo au e dee dugu ange? go Tagi Maolunga e hagadaba.

Jeremiah 3:10

Gai mee nei alodahi tee maua i de hai dono daina hahine dee hai hegau i de mee abodonu go Judah gi ahe mai gi de au i ono lodo alodahi, aagai ne daahanga mai au,” go Tagi Maolunga e hagadaba.

Isaiah 52:15

gai ia e hai naa ga llele mouli denga huaahenua soa, denga hodooligi e pono naa olaadeu ngudu i ono hiidinga. Gilaadeu e gidee naa mee tee tala ange gi gilaadeu, gai e tonu ange naa gi mee alaadeu tee langona.

Psalm 119:145

Tagi Maolunga, au e hagahi adu goe i ogu lodo alodahi; basa mai gi dagu dangidangi, gai au ga daudali i au hainga gu hagasauaa.

Revelation 1:5

aama mai i daho Iesu Klisdo, de ia tala hagadonu i de muna abodonu, go de ia ne mouli age i taamada, gai go tagi o denga hodooligi o henua i lalo. Gidaadeu ga tuhi de ia ne aloha laa i gidaadeu, ma de hagaola gidaadeu mai i odaadeu haisala i ono dodo,

Ephesians 6:5

De gau hai hegau, goodou hagallongo ange gi oodou dangada aamua i henua i lalo nei, i de maatagu ma de bolebole, i de lodo se muna abodonu, bei doodou hagallongo ange gi Klisdo.

Acts 8:21

E deai donu sau diba aabe se duuhanga daudahi mai i mee nei, go hiidinga oo lodo e dee heohi i mada luu mada o de Maadua.

John 8:9

Gai ga langona huu e gilaadeu muna laa, gai gilaadeu ga daamada de hulo gee mai i kilaa, mai i de gau maatua ga hano iho ai, gai go Iesu donu huu e duu madali de hine laa i kilaa.

Psalm 119:80

Au gi dee haisala ange gi au muna gu hagasauaa, gi dee dogaa ai au.

Psalm 119:69

De gau lodo maolunga e hagabaubau au i denga muna hhadu, aagai au e daohi au muna gu hagasauaa.

Psalm 119:58

Au e dangidangi adu i doo abodonu i ogu lodo alodahi; abodonu mai gi de au bei dagodo o au muna.

Psalm 119:34

Haia gi donu ange au, gai au ga daohi dau hainga ma de daudali i mee nei i ogu lodo alodahi.

Psalm 119:10

Au e ssala goe i ogu lodo alodahi; koe gi dee dugua ngau gi hano gee i au hainga!

Psalm 119:2

E manuuia gilaadeu e daohia ana muna, ma de ssala ia i olaadeu lodo alodahi,

Psalm 111:1

Duuhia Tagi Maolunga! Au e hagaahe ange de abodonu gi Tagi Maolunga i ogu lodo alodahi, i magavaa o de hagabuulinga o olaadeu e heohi.

Psalm 94:15

Gai de hagamodu muna heohi e ahe ange naa ga hagahai hegau, gai gilaadeu alodahi e heohi olaadeu lodo e hai hegau ai naa.

Psalm 84:11

Go hiidinga Tagi Maolunga de Maadua e bei de laa ma de mee hungihungi; ia e abodonu mai aama de hagadubu au. Ia e dee daohi donu dahi mee danuaa daudahi i gilaadeu e seesee i de heohi.

Psalm 32:11

Goodou alodahi e heohi, lodo danuaa ma de malangilangi i Tagi Maolunga! Goodou alodahi e heohi oodou lodo, hevaalogi i de malangilangi!

Psalm 9:1

Tagi Maolunga, au e tuhi goe i ogu lodo alodahi, ma de tala dagodo o au hegau hagalele mouli.

1 Chronicles 29:17

Dogu Maadua, au e iloo bolo koe e tilo dagodo o de lodo, gai koe e malangilangi i de lodo e hai hegau i de heohi. Au ne malangilangi donu i de ngadi gaavadu mee nei i de lodo se muna abodonu, gai au gu gidee hogi bolo oo dangada gu hagabuni nei i kinei anailaa nei, ne malangilangi hogi i de ngadi gaavadu gi de goe.

1 Chronicles 12:33

denga daane o Zebulun, ni daane gu paba ange gi de hebagi, madali denga hagadaagangaa goloa hebagi alodahi, gai ne buni bolo gilaadeu tee lua lodo donu i de bale ange David — se limasemada;

1 Kings 15:3

Gai Abijah ne ago ange i haisala alodahi a dono damana ne hai i mua; ia tee daudali ange i Tagi Maolunga, dono Maadua i de muna abodonu, bei dagodo o dono dubuna go David.

Leviticus 16:4

Gai ia gi gahu i de malo gahu dabu e hai laa i linen, ma de malo huna linen, ga nnoa lo tono ungaalodo i de malo nnoa linen, ma de hagauda de goobai linen. Aanei denga malo dabu. Gai ia gi gaugau i mua dono gahu i malo nei.

Luke 1:1

Gu soa dangada ne hagatale de sisi taalanga o mee ne hai i omaadeu daha,

Acts 22:16

Gai se aha aau e tali naa? Hidi age e babudaisi goe, ma de hai gi maatala oo haisala i doo dalodalo ange gi de ia.’

Hebrews 6:11

Gai gimaadeu e llodo goodou alodahi gi duudagi ina de hai hegau hagammahi ga dae ai gi de hagaodi, gi maua abodonu ai e goodou mee oodou e tali hagalodolodo ange laa aagena,

Hebrews 10:1

De hainga se ada donu huu niio mee danuaa gu dai loomai, e dee go de mee abodonu. Deenei ai, sigidaumaha e hai laa i ngadau alodahi, e dee maua donu i de hai gi heohi abodonu gilaadeu e loomai e hagapaa ange gi de Maadua.