Hebrews 10:14 - De Beebaa Dabu

¹⁴ Gai ne dahi donu huu ana sigidaumaha ne hai ga hagaheohi ai ga hano ai, gilaadeu ne hai laa ga dabu.

Hebrews 10:14 Referans Kwoze

Hebrews 10:1

De hainga se ada donu huu niio mee danuaa gu dai loomai, e dee go de mee abodonu. Deenei ai, sigidaumaha e hai laa i ngadau alodahi, e dee maua donu i de hai gi heohi abodonu gilaadeu e loomai e hagapaa ange gi de Maadua.

Hebrews 7:25

Deelaa ai, ia e maua i de hagamouli ga hano ai, gilaadeu e loomai gi de Maadua i ono hiidinga, go hiidinga ia e mouli i masavaa alodahi, gai ia ga dalodalo ai gilaadeu.

Hebrews 9:14

aagai e kii ange donu dodo o Klisdo i de maua i de hai de mee nei. Ia ne dugu ange dono angaanga gi de Maadua, e deai laa mee baubau iai, i ssauaa o de Hagasaalunga e dee ngado mai laa, gai ia ga hai ai ssigidaumaha e hagagilimalali ai tagi i odaadeu lodo mai i hegau o de magau, gi maua ai e gidaadeu i de daumaha ange gi de Maadua e mouli laa.

Hebrews 2:11

Gai de ia ne haia ga dabu dangada ma gilaadeu ne hai ga dabu ne loomai i se huaabodu daudahi. Deelaa ai, ia e dee dogaa i de hagadaba bolo gilaadeu ni daina niiona,

Romans 15:16

go dogu hai ga se dangada hai hegau niio Klisdo Iesu ange gi denga Gentile. Ia gu gaamai gi de au tuuhanga hegau o tangada haimeedabu, gai au ga tala de longo danuaa a de Maadua, gi maua ai i de hai denga Gentile gi se ssigidaumaha e hagamalangilangi ina de Maadua, gu hagadabu i daho de Hagasaalunga Dabu.

Hebrews 13:12

Deelaa ai, Iesu ne hagaduasala hogi i tua de haitoga o de aduhale, gai ia ga hagagilimalali ai dangada i ono dodo.

Hebrews 7:19

(de hainga e dee maua donu i de hai dahi mee gi heohi abodonu,) gai de tali hagalodolodo e danuaa ange laa gu gaamai, gai go ia odaadeu e maua ai i de loomai e hagapaa ange gi de Maadua.

Ephesians 5:26

gai ia ga hai ai gi dabu de nohoanga dabu i dana hakaugau ia i vai o muna a de Maadua,

Acts 20:32

Aagai iainei au e dugu ange goodou gi de Maadua gi diiloo ange, aama dono abodonu, go ia e maua i de hagatuu goodou gi makaga, ma de hai gi maua e goodou de manuuia madali dangada alodahi gu lava i de vvae gee.

Jude 1:1

Mai i daho Jude, tangada hai hegau o Iesu Klisdo, taina daane o James. Ange gi dangada a de Maadua gu hagahia laa, ma de hagamogomogo i daho de Maadua Tamana ma de buibui i daho Iesu Klisdo.

1 Corinthians 1:2

Ange gi de nohoanga dabu o de Maadua i Corinth, go gilaadeu gu hagadabu laa i lodo o Klisdo Iesu, ma de hagahi e hai ai ono dangada dabu, madali gilaadeu alodahi e hagahia ange laa de ingoo o Tagi Maolunga go Iesu Klisdo, i mommee alodahi — go Tagi Maolunga olaadeu aama gimaadeu hogi:

Hebrews 9:10

Gai mee nei ni mee ange donu huu gi denga gai, ma mee unu, aama de hai e hagagilimalali ai. Mee nei alodahi ni hainga ange gi mee e hai ange gi de angaanga ga dae ai gi de masavaa o de hagatau hoou.

Acts 26:13

De hodooligi, au ne gidee hogi i honga de haiava dahi maalama mai i de langi i daha de hualaangi, gai e maalama ange i de maalama o de laa, gai gu hagamaalama de mommee omaadeu ma dangada ne hulo madali au iai laa.

Hebrews 10:10

Gai de lua hagatau ne hai ga dabu gidaadeu i ssigidaumaha o de angaanga o Iesu Klisdo i e dahi donu huu hanonga.

Hebrews 10:12

Aagai dua huu de hai a Klisdo ssigidaumaha i dono angaanga donu, i dahi hanonga, i hiidinga o denga haisala, gai ia gu noho i de baasi madau o de Maadua.