Hebrews 1:7 - De Beebaa Dabu

⁷ Ia ne hagadaba hogi i dagodo o denga dangada de langi, “Ia e hai ono dangada de langi gi bei denga madangi, gai gi ni dangada hai hegau niiona e bei de ahi e ula.”

Hebrews 1:7 Referans Kwoze

Psalm 104:4

Ia ne hai denga madangi go ono dangada hagailoo, gai denga uila go ono dangada hai hegau.

Hebrews 1:14

E aha, de gau de langi e dee go hagasaalunga e hai laa gi hulo gi hai hegau ange gi gilaadeu gu hagamouli?

2 Kings 6:17

Gai Elisha ga dalodalo, ga hai ange, “Tagi Maolunga, au e dangidangi adu koe gi huugea luoono mada gi gidee ai e ia.” Gai Tagi Maolunga ga hhuge luu mada o taane laa, gai ia gu gidee bolo honga de mounga gu honu i denga hoosa ma denga hada hebagi e ula bei de ahi, gai gilaadeu e duuli luu baasi de mommee o Elisha iai.

2 Kings 2:11

De masavaa olaau e seesee ai ma e hulo ma de madaangudu, gai tilo, dahi hada iai de ahi ma denga hoosa iai de ahi ula gu humai ga vvae gilaau. Gai Elijah gu gaavage gi de langi i lo te sio.

Zechariah 6:5

Tangada de langi laa ne hai mai gi de au, “Aanei denga madangi e haa o de langi ne ssao mai laa i dua delaadeu hulo gi mada i mua o de Ia Aamua o henua i lalo alodahi.

Daniel 7:10

Gai e dahi ahi e sali laa bei ssaalingaa vai, e sali mai i ono mada i mua. Gai e mano e hagalagolago ange gi e mano dangada e daumaha ange gi de ia; gai e dahisemada e hagalagolago ange gi e dahisemada dangada e tuu i ono mada i mua. Gai de mommee hagamodu muna gu hagadabena, gai gu hhuge denga beebaa.

Isaiah 6:2

Gai hanu seraph e tuu i ono elunga. Gilaadeu e dagiono olaadeu bakau; e dagilua e haoli ai olaadeu mada, e dagilua e haoli ai olaadeu vae, gai e dagilua olaadeu e llele ai.

Genesis 3:24

Gai dua huu dana hai taane laa gi hano gee mai i de veelenga, gai ia ga dugu hanu cherubim i de baasi gi dua o de veelenga go Eden, ma dahi gadilaasa ula e luilui saele laa, e hagaloosi ai de haiava e hano laa, gi de manu somo o de mouli.

1 Kings 22:19

Gai Micaiah ne hai ange hogi, “Deenei ai, koe gi hagalaangona muna a Tagi Maolunga: au ne gidee Tagi Maolunga e noho i honga dono nohoanga hodooligi, gai denga hagabuulinga o de langi e tuu i dono baasi madau ma dono baasi masui.