Haggai 2:17 - De Beebaa Dabu

¹⁷ Au ne hai gi mmae ma de dongidongi oodou manu, ma de gaamai denga dibadibaa haisi gi oohaa oodou manu; aagai goodou tee aahe mai gi de au, go Tagi Maolunga e hagadaba.

Haggai 2:17 Referans Kwoze

Deuteronomy 28:22

Tagi Maolunga e hai naa goe gi mmagi iviivi, ma de mahana, ma de hua doo angaanga ma de vvela, ma teai vai i honga de henua, ma manu ma mee dongidongi e daia laa denga manu ssomo. Mee nei e hai adu naa donu gi de goe ga dae ai gi doo magau.

Haggai 1:11

Au gu hagahi tau laohie gi hano iho gi honga oodou veelenga ma honga mounga, ma honga denga grain, ma grapevine, ma denga olive e hai ai laa lolo, ma honga mee alodahi e ssomo i honga de gelegele, ma honga o dangada, ma denga manu haangai, aama hegau alodahi oodou e hai.”

Haggai 1:9

Goodou e tali bolo oodou mee e lagolago naa, aagai ne sogoisi donu oodou mee ne mau. Gai au ne hai gi deai mee oodou ne gaamai gi oodou hale. Aahee hiidinga? go Tagi o denga hagabuulinga hebagi e siilia adu. Go hiidinga dogu hale gu maoha ma e dagodo ai, gai tangada nei ma tangada nei e dee saohia donu huu i de hai dono hale.

1 Kings 8:37

De masavaa naa huu e humai ai de onge be go de mee hagamaakau gi honga de henua, be go manu e haia ga mmae ma de dongidongi denga manu ssomo, be go de loomai o denga itebuubuu ma madanigono, be go de masavaa o de hagadaumee e duuli ai hanu olaadeu aduhale, aabe go de tae mai o de hai ngadaa ma de magi,

Jeremiah 5:3

Tagi Maolunga, e aha, e dee go de muna abodonu aau e ssala? Koe ne hagailiili gilaadeu, aagai gilaadeu tee langona iho de mmae; koe ne hagahai ngadaa gilaadeu, aagai gilaadeu tee llodo e hai de mee heohi. Gilaadeu ne hagamakaga olaadeu lodo bei de hadu, ma tee llodo e daahuli olaadeu lodo.

Revelation 2:21

Gai au ne dugu ange dahi masavaa e dahuli ai ono lodo, gai ia tee lodo e dahuli gee mai i ana dahulinga hai be se manu.

Amos 4:6

Au ne hai gi deai gai i lodo oodou aduhale alodahi, ma de hai gi deai gai i oodou mommee alodahi, aagai goodou tee aahe mai gi de au, go Tagi Maolunga e hagadaba.

Jeremiah 3:24

Mai i odaadeu gauligi, gai denga diinonga hagadookaa ne ngole hegau a odaadeu maadua: alaadeu ssiibi ma alaadeu kaau, aama alaadeu dama daane ma damaa hine.

Isaiah 62:8

Tagi Maolunga gu haalo dono lima madau ma gu hagatoo donu i dono sauaa ma gu hagadaba, “Au e dee ahe ange naa donu e gaavange oodou grain e gai oodou hagadaumee, gai de gau henua gee e dee aahe ange naa donu e unu uvaini hoou oodou ne hagadaalea ange aagena;

Isaiah 42:25

Deelaa ai, ia ne gaamai gi de ia de hagaduasala i de kona dono lili, ma de hebagi laumalie. Gai ne duuli luoono baasi i de ahi ula, aagai ia tee donu ange aagena; de ahi ne dudu ia, aagai gilaadeu tee maanadu dagodo o mee laa.

Isaiah 37:27

Gai dangada e nnoho i kilaa gu deai olaadeu mahi, gilaadeu gu maatagu ma de dookaa. Gilaadeu gu bei denga manu ssomo i lo te duu malaelae, se goodo matili age laa, ma helii e ssomo laa i tua denga hale, gai e mmae laa i mua de ssomo age.

Isaiah 9:13

Aagai de huaadangada laa tee aahe mai donu gi de ia ne hagaduasala ina gilaadeu, gilaadeu tee ssala hogi Tagi o denga hagabuulinga hebagi.

Psalm 78:46

Ia ne gaavange hua o alaadeu veelenga gi de itebuubuu, gai ne gaavange alaadeu hua manu gi itebuubuu.

De Beebaa go Job 36:13

De gau baubau e daohi de lili i olaadeu lodo; gai gilaadeu e dee dangidangi i de bale, i de masavaa aana e noonooa ai gilaadeu.

2 Chronicles 28:22

Gai dono masavaa ne hai ngadaa ai, gai de hodooligi go Ahaz gu kii ange donu dono dee hai hegau ange gi Tagi Maolunga i de muna abodonu.

2 Chronicles 6:28

De masavaa naa huu e humai ai de onge be go de mee hagamaakau gi honga de henua, be go de manu e haia ga mmae ma de dongidongi denga manu ssomo, be go de loomai o denga itebuubuu ma madanigono, be go de masavaa o de hagadaumee e duuli ai hanu olaadeu aduhale, aabe go de tae mai o de hai ngadaa ma de magi,

Genesis 42:27

Gai dahi gilaadeu ne hhuge age dana beagi e gaavange ai hanu grain e gai dana donkey i de mommee nnoho gaainga; gai ia gu gidee bolo ana sseene goi daakodo donu huu i lo tana beagi,

Genesis 42:23

Gai gilaadeu tee iloo donu bolo Joseph e donu ange gi alaadeu muna, go hiidinga tangada hagadonu ne hagadonu ange alaadeu muna.

Genesis 42:6

De masavaa laa gai go Joseph de goobenaa i de henua; go ia e hagao ina ange denga grain gi dangada. Deelaa ai, de masavaa huu ne tae mai ai daina daane o Joseph, gai gilaadeu ga ino gu paa olaadeu mada gi honga de gelegele i mada i mua o Joseph.

Isaiah 28:2

Tilo, de Ia Aamua e dahi ana ia sauaa ma de mmahi. Bei denga duudangaa haisi ma de madangi mmahi e oohaa laa mee, ma de langi mmahi ma de maadolu e pala iho laa, gai ia e poo ga maga iho naa gi honga de gelegele.

Psalm 128:2

Koe e gai naa hua o au hegau, gai koe manuuia naa ma de duadonu.

Haggai 1:6

Goodou e doo manu lagolago, aagai e sogoisi donu huu oodou mee e hagihagi. Goodou e gaimee aagai e dee boobosu. Goodou e unu, aagai e goi hieunu huu. Goodou e kahu i denga malo, gai e dee maua gi mahanahana. Goodou e kave oodou hagaoanga, gai e dagodo be goodou e hhao ange gi lo te beagi e avaava tagelo.

Haggai 2:16

ma de masavaa o tangada ne hano ai gi dahi hagabuulingaa grain gu hagabau ange laa bolo se madalua hagabaaunga iai, gai gu se madaangahulu donu huu hagabaaunga i kilaa. Gai de masavaa o tangada e hano ai e asu e madalima hagabaaunga uvaini i de mommee e hhao ai uvaini, gai gu madalua donu huu i kilaa.

Malachi 3:11

Gai au e hai naa gi dee gaina oodou huamanu, gai denga grapevine i honga oodou gelegele e dee tuu naa donu de hhua lagolago, go Tagi o denga hagabuulinga hebagi e hagadaba.