Haggai 1:6 - De Beebaa Dabu

⁶ Goodou e doo manu lagolago, aagai e sogoisi donu huu oodou mee e hagihagi. Goodou e gaimee aagai e dee boobosu. Goodou e unu, aagai e goi hieunu huu. Goodou e kahu i denga malo, gai e dee maua gi mahanahana. Goodou e kave oodou hagaoanga, gai e dagodo be goodou e hhao ange gi lo te beagi e avaava tagelo.

Haggai 1:6 Referans Kwoze

Haggai 1:9

Goodou e tali bolo oodou mee e lagolago naa, aagai ne sogoisi donu oodou mee ne mau. Gai au ne hai gi deai mee oodou ne gaamai gi oodou hale. Aahee hiidinga? go Tagi o denga hagabuulinga hebagi e siilia adu. Go hiidinga dogu hale gu maoha ma e dagodo ai, gai tangada nei ma tangada nei e dee saohia donu huu i de hai dono hale.

Hosea 4:10

Gilaadeu e gaimee naa aagai e dee maua gi boobosu; gilaadeu e hai be se manu naa, aagai e dee maua i de hagadili; go hiidinga gilaadeu gu daahuli gee i Tagi Maolunga gai ga dugu ange gilaadeu

Haggai 2:16

ma de masavaa o tangada ne hano ai gi dahi hagabuulingaa grain gu hagabau ange laa bolo se madalua hagabaaunga iai, gai gu se madaangahulu donu huu hagabaaunga i kilaa. Gai de masavaa o tangada e hano ai e asu e madalima hagabaaunga uvaini i de mommee e hhao ai uvaini, gai gu madalua donu huu i kilaa.

Hosea 8:7

Gilaadeu ne doo de madangi, gai e hagihagi naa hua o ssio. Alaadeu grain e deai olaadeu hua, gai e dee maua i de hai ai pelaoaa. Gai noo e hanu olaadeu hua grain, gai de gau henua gee e loomai naa ga kave.

Malachi 2:2

Noo goodou e dee hagallongo mai, noo goodou e dee daohi muna nei i oodou lodo, e hagadubu ai dogu ingoo, go Tagi o denga hagabuulinga hebagi e hagadaba, gai au e hai naa gi humai de malaia gi goodou, gai au e hai naa doodou manuuia gi se malaia. Ni muna abodonu, au gu hagamalaia donu mee nei, i hiidinga goodou e dee daohi mee nei i oodou lodo.

Isaiah 5:10

Gai de madaangahulu acre o denga veelengaa grape e dahi donu huu bath uvaini e maua ai, e dahi homer golee e doo naa aagai e dahi ephah e maua ai.”

Zechariah 8:10

Laangi i mua, gai e deai donu se dangada e hagao ina tangada aabe go de manu aana e hagahai hegau laa. E deai hogi se dangada e baba ono lodo i dono hano saele, i hiidinga o de hagadaumee, go hiidinga au ne hai gi hagadau hai baasi dangada.

Zechariah 5:4

Tagi o denga hagabuulinga hebagi e hagadaba: Au e hai naa gi humai de hagamalaia gi ulu i de hale o tangada gaiaa, ma de hale o tangada e basa hagatoo donu i de hadu muna i dogu ingoo; gai e dagodo naa i dono hale ga dae ai gi dana oha ga odi denga laagau ma hadu iai.”

Jeremiah 44:18

Aagai dua demaadeu dee dudu mee manongi ange gi de hine hodooligi o de langi, ma de sigidaumaha ange mee unu gi de ia, gai gimaadeu gu deai donu amaadeu mee, gai gu daia ma gu maakau i de gadilaasa ma de onge.”

Jeremiah 14:4

De gelegele gu mmasa ma de mahangahanga, i hiidinga tee pala de langi i honga de henua; de gau hai veelenga gu manavasaa ma de haoli olaadeu biho.

Psalm 107:34

de gelegele iai manu hhua lagolago gi se gelegele e dee ssomo ai manu, i hiidinga baubau o dangada e nnoho i kilaa.

De Beebaa go Job 20:28

Gai goloa i dono hale e gaavee gee naa i de laangi o de lili o de Maadua.

De Beebaa go Job 20:22

Gai lo te masavaa donu oona e lagolago ai ana mee, gai ia e hai ngadaa naa; tuasala laumalie e dae mai naa gi de ia.

1 Kings 17:12

Gai de hine laa ga hai ange, “Au e hai adu i de mouli o Tagi Maolunga, doo Maadua, bolo e deai donu agu pelaoaa mmoa, gai ni momo pelaoaa mada donu huu e doe i lo te ssaa, ma hanu momo lolo i lo te ssaa. Gai au e hano nei ma e hagabudu hanu lahhie e dunu ai momo mee e doe laa, e gai gimaau ma dagu dama daane, muli mai gai gimaau ga maakau ai.”

2 Samuel 21:1

De masavaa o David e hodooligi ai, gai ne duudagi de hai de onge i honga de henua i e dolu ngadau. Gai David ne ssili ange gi Tagi Maolunga dagodo o de onge. Gai Tagi Maolunga ne hai ange, “De onge nei ne hai i hiidinga o Saul ma dono huaabodu daa dangada; go hiidinga gilaadeu ne daa ga maakau de gau Gibeon.”

Leviticus 26:26

De masavaa naa huu aagu e hai ai gi deai oodou gai, gai e dinoangahulu haahine e dao naa alaadeu momo pelaoaa i e dahi umu, gai gilaadeu e hagahidi naa pelaoaa laa ga duha dagi de momo. Goodou e gaimee naa, gai e dee maua gi boobosu.

Leviticus 26:20

Goodou e hai hegau kona naa gai e deai naa donu haigamaiana, i hiidinga oodou gelegele e deai naa donu hua iai, gai oodou manu ssomo ange laa e deai naa hogi olaadeu hua.

Nehemiah 5:2

Gai hanu dangada ga hagataba, “Gimaadeu ma amaadeu dama e soa, gidaadeu ga hulo e gaamai hanu grain e gaimee ai gidaadeu gi mouli ai gidaadeu.”

Jeremiah 12:13

Gilaadeu e doo denga grain aagai e hagihagi denga manu daladala; gilaadeu ne ngadi hagadaalea donu huu gilaadeu, aagai e deai donu mee e maua ai. Gilaadeu e dookaa i de momo alaadeu mee ne hagihagi, go hiidinga de lili o Tagi Maolunga gu laumalie.”

Haggai 1:5

E hagadaba Tagi o denga hagabuulinga hebagi: Goodou nnoho muhuu hagasaelea age dagodo o oodou hegau.

Haggai 1:7

E hagadaba Tagi o denga hagabuulinga hebagi: Goodou nnoho muhuu hagasaelea age dagodo o oodou hegau.

Haggai 1:10

Deenei ai, go oodou hiidinga tee hano iho ai de mee maluulu i de langi, ga hagadee ssomo ai manu i honga de henua.

Haggai 2:17

Au ne hai gi mmae ma de dongidongi oodou manu, ma de gaamai denga dibadibaa haisi gi oohaa oodou manu; aagai goodou tee aahe mai gi de au, go Tagi Maolunga e hagadaba.

Deuteronomy 28:17

Dau gede ma dau gumedi mmili pelaoaa e hagamalaia naa hogi.

Proverbs 11:24

Dahi dangada e abodonu i de ngadi gaavange mee, aagai ia e kii ange naa donu de lagolago ana mee; tangada ange laa e daohi mee e heohi dana gaavange, aagai ia e hano naa donu ga hagaau aloha.