Habakkuk 3:8 - De Beebaa Dabu

⁸ Tagi Maolunga, koe ne lili laa i denga leevaa? Koe ne lili laa i denga saalingaa vai? Koe ne uluhia ange laa gi tai, i de masavaa oou ne savini ai i honga au hoosa, ma honga oo hada ne kii ai?

Habakkuk 3:8 Referans Kwoze

Psalm 68:17

Hada hebagi o de Maadua e lagolago ange i tahisemada, gai e lagolago ange i tahiseguli; de Ia Aamua gu humai i Sinai gi dono mommee dabu.

Isaiah 50:2

Gai gu aha gu deai ai laa dangada i de masavaa oogu ne humai ai? Gai gu aha gu deai ai laa dangada e pasa mai, i de masavaa aagu ne hagaagahi ai? E aha, gu kona laa de bodobodo dogu lima, gu dee maua i de hagaola goodou? Aabe gu deai ogu mahi e hagaola ai goodou? Tilo, au ne hagasee tai gu masa, au ne hai denga saalingaa vai ga se vao; denga mamu i kilaa gu pilo i teai dai ma de maakau i delaadeu hieunu.

Psalm 114:5

Tai, gu aha gu savini ai laa goe ma gu hano? Jordan, gu aha gu ahe dua ai laa goe?

Psalm 114:3

Tai ne gidee, gai gu savini ga hano, ssaalingaa vai go Jordan ne ahe dua.

Psalm 18:10

Ia e gage i honga dahi cherubim ma e lele ai; ia e lele i luu bakau o de madangi.

Mark 4:39

Gai ia ga alahage ga hagasee de madangi ma de beau, ga hai ange, “Gi sili de madangi, gai gi malino honga de vai!” Gai gu sili de madangi, gai gu malino mmao.

Habakkuk 3:15

Koe ne hai au hoosa gi dagadagahia honga tai, gi beabeau ai honga denga tai mmahi laa.

Nahum 1:4

Ia e hagasee tai ga hai gu masa; ia e hai denga saalingaa vai gi maamasa. Bashan ma Carmel gu mmae, gai huaala o Lebanon gu mmae.

Isaiah 19:1

Muna hagadaemaha i dagodo o Egypt. Tilo, Tagi Maolunga e gage i honga dahi giliiga gemo, gai ia e humai naa gi Egypt. Denga diinonga o Egypt e bolebole naa i mada luoono mada, gai dangada o Egypt e manavasaa naa olaadeu lodo.

Psalm 104:3

ma de hagatau dogai o dono aabi i lunga i honga denga vai. Ia ne hai dono hada hebagi i denga giliiga, gai ne gage i honga luu bakau o de madangi.

Psalm 68:4

Daahili ange gi de Maadua, daahili duuhia dono ingoo; daahili ange gi de ia e gage laa i honga denga giliiga — dono ingoo go Iahweh — gai gi malangilangi i ono mada i mua.

Revelation 19:14

Gai denga hagabuulingaa daane hebagi o de langi gu kahu i denga malo linen danuaa, gai e tea ma de gilimalali, gai gilaadeu e kage i honga denga hoosa tea ma e daudali ange ai i de ia.

Revelation 19:11

Gai au ne gidee de langi gu mahuge, gai tilo, dahi hoosa tea gu sao mai. Gai de ia e gage i ono elunga e hagaingoo ange go de Mee Abodonu ma de Heohi. Gai ia e hagamodu muna ma de hebagi i de heohi.

Revelation 16:12

Gai de ono dangada de langi ne llingi iho mee i lo tana boolo gi honga de vai laumalie go Euphrates, gai de vai laa gu masa, e hai ai de haiava e hagadabena ange gi denga hodooligi mai i baasi dua.

Revelation 6:2

Gai au ne galo age ga gidee dahi hoosa tea, gai de ia e gage ai e poo dahi mee hholu, gai gu dugu ange dahi hau gi honga dono biho, gai ia ga sao ga hano e hagamaakulu aama de hagadee kii.

Psalm 45:4

Savini i honga de hoosa i de mahamaha gai koe gi kii, i de muna abodonu, ma de daudonu, aama de mee heohi; gai koe gi hagaagona mai hegau hagalele mouli a doo lima madau e hai.

Exodus 7:20

Gai Moses ma Aaron ne hai donu ga bei muna a Tagi Maolunga gu tala ange gi gilaau; Aaron ne haalo togo ga hagaili ai honga ssaalingaa vai go Nile i mada i mua o Pharaoh ma ono dangada hai hegau, gai denga vai alodahi o de Nile gu sui ga ni dodo.

Exodus 7:19

Gai Tagi Maolunga ga hai ange gi Moses, “Hai ange gi Aaron ia gi boogia dono dogo gi haalo ina ange gi honga denga vai alodahi o Egypt; go honga alaadeu leevaa ma saalingaa vai, ma geelonga iai laa vai, aama mommee alodahi e dugu ai vai, gai denga vai e sui naa gi ni dodo. Gai gi ni dodo ai denga vai alodahi i honga de henua go Egypt, ma denga vai hogi i lodo mee hao vai laagau aama mee hao vai hadu.”

Exodus 14:16

Aagai koe boogia doo dogo mage haalo ina ange gi honga de vai e vvae lua ai de vai, gai de gau Israel ga seesee i lo te vai i honga de gelegele mmasa.

Psalm 77:16

De Maadua, denga vai ne gidee goe, denga vai ne gidee goe, gai gilaadeu gu maatagu, gai denga mommee kelo gu bolebole.

Isaiah 66:15

Tilo, Tagi Maolunga e humai naa madali de ahi, gai ono hada hebagi e bei dahi sio; ia e hagahai hegau naa dono lili i dono bole, gai dana hagasee e hai naa madali de ahi ula.