Habakkuk 3:6 - De Beebaa Dabu

⁶ Ia ne duu age, gai henua i lalo gu ngalungalue; ia ne galo ange ga tilo, gai denga huaahenua gu bolebole. Denga mounga mai i mua gu maoha ma gu malili iho, gai denga duuduu gu daulooloa laa gu baakuu — aagai ia e noho ga hano ai.

Habakkuk 3:6 Referans Kwoze

Genesis 49:26

Denga manuuia a doo damana e danuaa ange i denga manuuia mai i denga mounga e dee ngado mai, ma de lava o denga duuduu gu daakodo mai laa huu madagidagi. Denga manuuia nei gi hagamanuuia ai Joseph, ma honga de biho o de ia gu hili laa mai i magavaa o ono daina daane.

Nahum 1:5

Denga mounga e ngalungaalue i ono mada i mua, gai denga duuduu e vaivai. Henua i lalo e bolebole i mada luoono mada, go de henua ma dangada alodahi e nnoho ai.

Deuteronomy 33:15

ma mee danuaa alodahi e hhua i honga denga mounga mai madagidagi, ma mee danuaa lagolago o denga duuduu e tuu laa ga hano ai,

Acts 17:26

Gai ia ne hai denga huaahenua alodahi i daho dahi dangada daudahi, gai gilaadeu ga nnoho ai i honga henua i lalo alodahi. Madagidagi gai ia gu hagamodu denga masavaa ma goinga o olaadeu mommee e nnoho ai,

Luke 1:50

Gai ia e degi ange gi gilaadeu e maatagu i de ia, mai i dahi atangada ma dahi atangada.

Hebrews 13:8

Iesu Klisdo go tagodo mau donu huu anaahi, ma anailaa nei ga hano ai e dee ngado mai.

Matthew 24:35

De langi ma henua i lalo e llilo naa donu, aagai agu muna e dee llilo donu.

Habakkuk 3:10

denga mounga ne bolebole i delaadeu gidee goe. Denga vai gu ssali iho; de moana gelo gu hagangolo gai ono beau gu kona de nnui.

Micah 5:8

Gai dangada o Jacob e doe e nnoho laa i magavaa o denga huaadangada soa, e bei de laiono i magavaa o denga manu lodo henua, ma de laiono mmahi i magavaa o denga hagabuulingaa ssiibi, e hagalagolagohia laa ma de hangahanga ina mee i honga dono haiava, gai e deai naa donu se dangada e maua i de hagaola.

Isaiah 51:8

Go hiidinga de lengisi e gai naa gilaadeu bei dahi malo, gai de ilo e gai naa gilaadeu bei malo e hai laa i huluhulu o denga manu. Aagai dogu heohi e dee ngado mai donu, gai dagu hagaola e dagodo i denga atangada alodahi.”

Isaiah 51:6

Goodou kalo age diiloo lo te langi, ma de tilo honga henua i lalo; de langi e lilo naa bei de useahi, gai henua i lalo e hano naa ga duai bei de malo, gai dangada i kilaa e maakau naa bei denga lango. Aagai dagu hagaola e dagodo naa donu huu ga hano ai, dogu heohi e dee maoha naa donu.

Psalm 103:17

Aagai de abodonu o Tagi Maolunga se mee ange gi gilaadeu e maatagu i de ia, mai i de masavaa e dee ngado mai ga dae ai gi de masavaa e dee ngado mai, gai dono heohi e dohu ange gi denga atangada alodahi,

Psalm 90:2

I mua de hai ga hanu mounga, aabe go dau hai henua i lalo ma mee alodahi iai, gai go koe de Maadua, mai i de masavaa e dee ngado mai ga dae ai gi de masavaa e dee ngado mai.

Psalm 68:16

Denga mounga kangi ulu, gu aha gu llodo gaiaa ange ai goodou gi de mounga a de Maadua gu hili e noho ai e dagi, gai go de mommee o Tagi Maolunga e noho ga hano ai?

Judges 5:5

Denga mounga gu ngalungaalue i mada luu mada o Tagi Maolunga, Sinai gu ngalungalue hogi i mada luu mada o Tagi Maolunga, de Maadua o Israel.

Joshua 10:42

Joshua ne hagadee kii denga hodooligi laa alodahi, ga kave olaadeu henua i de masavaa laa, i e dahi donu huu hanonga, go hiidinga Tagi Maolunga de Maadua o Israel, ne hebagi i hiidinga o Israel.

Deuteronomy 32:8

De masavaa a de Ia Maolunga Mmao laa ne bolo ai denga huaahenua, ma de vaevae ai dangada, gai ia ne hagatuu goinga o denga huaadangada gi heohi ange gi taelodo o dama a de Maadua.

Exodus 21:31

Gai de hainga nei e hai hegau donu e dee hilihili be se dama daane aabe se damaa hine a de kaau daane laa ne velo ga magau.

Exodus 15:17

Koe e kave naa gilaadeu ga hagannoho i honga doo mounga donu; Tagi Maolunga, deenei de mommee gu hai ai doo mommee noho; de Ia Aamua, deenei de hale dabu aau gu hagaduu.

De Beebaa go Job 21:18

Gai gu hia maa hanonga olaadeu ne bei ai dagodo o denga lau manu mmasa i ma te madangi, ma gili o denga grain e ilihia saele laa i de madangi?

Psalm 35:5

Gai gilaadeu gi bei denga gili grain e ilihia saele laa i de madangi, gai tangada de langi o Tagi Maolunga gi dolohia gilaadeu gi hulo.

Habakkuk 1:12

Tagi Maolunga, e aha, koe tee noho mai laa i taamada? Go koe dogu Maadua, dogu Ia Dabu, gimaadeu e dee maakau donu. Tagi Maolunga, koe ne hagatau bolo gilaadeu gi hagaduasala ina gimaadeu; gai go koe, de Baba, ne hagamodu ina ange gilaadeu gi haelea gimaadeu.

Exodus 15:14

Denga huaadangada e maatagu naa i delaadeu langona mee nei; dangada o Philistia gu kona de manavasaa olaadeu lodo.

Exodus 15:15

Denga dagi o Edom e puni ange naa olaadeu lodo, denga daane mmahi o Moab gu bolebole i delaadeu maatagu, dangada alodahi i Canaan e llilo naa;

Exodus 19:18

Gai de mounga go Sinai gu buu ai de useahi, go hiidinga Tagi Maolunga gu hano iho gi ono elunga i de ahi. Gai de useahi laa gu haoli kilaa bei dagodo o de useahi o de ahi mmahi, gai de mounga laa alodahi gu ngalungalue.

De Beebaa go Job 9:5

Ia e hagangaalue denga mounga, gai denga mounga e dee iloo; ia e hagahuuhuli gilaadeu gi lalo i dono lili.

Psalm 97:5

Denga mounga e vaivai naa bei de candle i mada luu mada o Tagi Maolunga, ma mada i mua o de Ia Aamua o henua i lalo alodahi.

Psalm 104:32

henua i lalo e bolebole, i dono galo ange aagena; denga mounga e buu ai de useahi, i dono poo ange aagena.