Habakkuk 3:18 - De Beebaa Dabu

¹⁸ aagai au e malangilangi donu i hiidinga o Tagi Maolunga, au e lodo danuaa naa donu i de Maadua, dogu Ia Hagaola.

Habakkuk 3:18 Referans Kwoze

De Beebaa go Job 13:15

Gai ga daia naa donu e ia ga magau au, gai au e dahi donu agu tali ange gi de ia; gai au e tala ange donu dogu donu gi de ia.

Philippians 4:4

Goodou gi malangilangi i lodo o Tagi Maolunga i masavaa alodahi! Au e ahe ange e hai adu, goodou gi malangilangi!

Micah 7:7

Aagai ogu dagodo, au e dagitilo naa ma de tali ange Tagi Maolunga, au e tali ange de Maadua dogu Ia Hagaola; gai dogu Maadua e hagallongo naa donu dagu dangi.

Isaiah 61:10

Au gu malangilangi mmao i Tagi Maolunga, dogu hagasaalunga e lodo danuaa mmao i dogu Maadua. Go hiidinga ia gu hakahu mai au i de hagaola, ma de saabini au i de heohi bei de malo laa daha, bei de hai a taane e hagahai bodu e gahu hagadanuaa ai laa bei tangada haimeedabu gai bei de hai a de hine e hagahai bodu e dau ai laa denga hadu hagamogomogo.

Isaiah 12:2

Tilo, de Maadua go dogu Ia Hagaola; au e hagadonu ia, deelaa ai, au e dee madagu. De Ia Aamua, Tagi Maolunga, go ogu mahi ma dagu daahili, gai go ia dogu Ia Hagaola.”

Psalm 25:5

dagina ngau i de mee abodonu ma de agoago mai ai au, i hiidinga go koe dogu Maadua ma dogu Ia Hagaola; go koe dagu tali hagalodolodo i laangi alodahi.

1 Peter 1:8

E dee galemu donu goodou tee gidee ia, gai goodou e aaloha i de ia; e dee galemu donu goodou e dee gidee ia iainei, gai goodou e hagadonusia ia ma de malangilangi i de malangilangi e dee maua laa i de tala ono dagodo aama de lodo danuaa mmao,

Psalm 27:1

Go Tagi Maolunga dogu hagamaalama ma dogu hagaola; gai goai ai naa donu oogu e madagu ai? Go Tagi Maolunga de buibui makaga o dogu mouli; gai goai ai naa donu oogu e madagu ai?

1 Samuel 2:1

Gai Hannah ne dalodalo ga hagadaba, “Ogu lodo e malangilangi mmao i Tagi Maolunga; au e hagaamua Tagi Maolunga i ogu mahi. Au e gadagada i ogu hagadaumee, i hiidinga au gu malangilangi i dau hagaola.

Exodus 15:2

Go Tagi Maolunga ogu mahi ma dagu daahili, gai go ia dogu Ia Hagaola. Go ia dogu Maadua, gai au e tuhi naa donu ia; ia go de Maadua o dogu damana, gai au e daahili e tuhi ia.

Psalm 97:12

Goodou e heohi gi malangilangi i Tagi Maolunga, gai duuhia dono ingoo dabu.

James 1:2

Denga daina, goodou gi malangilangi i de masavaa oodou e tuu ange ai gi denga hagadaagangaa hagatale,

Luke 2:30

Go hiidinga luoogu mada gu gidee dau hagaola,

Isaiah 41:16

Koe e nonu naa mee nei i de madangi, gai de madangi e ili naa ga kave gee, de madangi mmahi e hagassii saele naa gilaadeu. Gai goodou e malangilangi naa i Tagi Maolunga, goodou e hagamahamaha naa de Ia Dabu o Israel.

Psalm 85:6

E aha, koe e dee ahe ange e hagaola mai gimaadeu, gi malangilangi ai oo dangada i oo hiidinga?

Psalm 33:1

Goodou e heohi laa, hevaalogi daahili ange gi Tagi Maolunga; e heohi de daahili olaadeu e heohi ga tuhi.

Psalm 149:2

De gau Israel gi malangilangi i de ia ne haia gilaadeu; dangada o Zion gi lodo danuaa i delaadeu Hodooligi.

Psalm 104:34

Gai agu dalodalo gi hagamalangilangi ina ia; gai au e malangilangi i Tagi Maolunga.

Zechariah 10:7

Ephraim e bei naa dagodo o denga daane dau i de hebagi; gilaadeu e malangilangi naa bei dangada e unumia laa uvaini. Alaadeu dama e malangilangi naa i delaadeu gidee mee nei; gilaadeu e malangilangi naa i Tagi Maolunga.

Deuteronomy 12:18

Gai goodou e gai donu huu mee nei i mada luu mada o Tagi Maolunga doodou Maadua, i de mommee a Tagi Maolunga doodou Maadua e hili. Gai goodou gaimee ai madali oodou dama daane ma oodou damaa hine, ma oodou daane ma haahine hai hegau, aama tangada de aamuli o Levi i doodou aduhale; gai goodou ga gaimee ga malangilangi i mada luu mada o Tagi Maolunga doodou Maadua i mee alodahi oodou e hai hegau ange aagena.

Exodus 15:1

Gai Moses ma de gau Israel alodahi ne daahili ange gi Tagi Maolunga i taahili nei, ga hai ange, “Au e daahili ange gi Tagi Maolunga i hiidinga ia gu kii i de hebagi. Ia gu maga ange denga hoosa ma dangada e savini ai gi lo te vai.

Joel 2:23

Dangada o Zion, goodou llodo danuaa, ma de malangilangi i Tagi Maolunga doodou Maadua, go hiidinga ia gu gaavadu gi goodou de langi pala, i malama hagaodi o de ngadau i hiidinga dono heohi. Ia ne hai gi pala iho de langi laumalie, i de hagaodi ma taamada o de ngadau, bei denga masavaa gu hulo.

2 Samuel 6:15

Gai David ma de gau Israel alodahi ne gaamai de ngavesi a Tagi Maolunga ga loomai ai, i de hevaalogi ma de ili denga hanga manu.

Isaiah 25:9

De laangi laa gai gilaadeu e hagataba naa, “Tilo, deenei donu taadeu Maadua; gidaadeu ne tali ange ia gi hagaola ina gilaadeu. Deenei Tagi Maolunga adaadeu ne hagadonusia laa; gidaadeu ga malangilangi ma de lodo danuaa i dana hagaola.”