Habakkuk 3:16 - De Beebaa Dabu

¹⁶ Au ne langona mee nei, gai dogu angaanga gu bolebole, luoogu malaungudu gu bolebole hogi i dagu longo mee nei; ogu ivi gu daamada de pobo, gai luoogu vae gu pole. Aagai au e noho naa ga tali de masavaa o de hai ngadaa e humai ai gi honga o dangada gu hebagi mai gi gimaadeu.

Habakkuk 3:16 Referans Kwoze

Jeremiah 23:9

Dagodo o denga pelaabisi: Gu mmae mmao ogu lodo; ogu ivi alodahi gu bolebole. Au gu bei tangada gu unu laa ma gu senga, ma tangada gu dagina laa i denga uvaini, i hiidinga o Tagi Maolunga aama hiidinga o ana muna dabu.

Habakkuk 3:2

Tagi Maolunga, au gu langona oo longo, Tagi Maolunga, gai au gu lele ogu mouli i au hegau. Ahe ange haia au hegau i demaadeu masavaa, haia gi iloo e gimaadeu dagodo o au hegau; gai koe manadua de lodo aloha i doo bole.

Daniel 10:8

Gai go au donu huu e doe i kilaa, gai au ne gidee de midi hagaago ange hagamaatagu. Gai gu deai donu ogu mahi, luoogu mada gu mada tea bei dagodo o tangada magau, gai au gu dee maua i de ngalue.

Psalm 119:120

Dogu angaanga gu bolebole i dogu madagu i de goe, gai au e madagu i au hagamodu.

Psalm 91:15

Au e basa ange naa gi de ia, i de masavaa aana e hagahi mai ai au; au e noho naa i ono daha i de masavaa hai ngadaa, gai au e hagaola naa ia ma de hagadubu ia.

Daniel 8:27

Gai au, Daniel, gu deai ogu mahi ma de magi i hanu laangi. Dua mee nei gai au ne hidi age ga hai hegau a de hodooligi. Gai au gu dee baba ogu lodo i de midi hagaago ange nei; au gu dee donu ange aagena.

Ezekiel 3:14

Gai de Hagasaalunga ne hagamalanga age au ga kave gee, gai au ne hano ma tee lodo ma de lili, gai de lima mmahi o Tagi Maolunga ne poo au.

Luke 21:19

Noo goodou e hagaduu ngae i de golomagi lodo, gai goodou e maua donu de mouli.

De Beebaa go Job 30:17

Ogu ivi e ssae i de boo, gai dogu mmae e dee haganoho donu.

De Beebaa go Job 30:30

Dogu gili gu uliuli ma de daga, gai dogu angaanga gu kona de vvela.

Proverbs 12:4

De hine danuaa e bei de hau mahamaha i honga de biho o dono bodu, aagai de hine hagadogaa dangada e bei de mee e haia laa ga pobo ono ivi.

Proverbs 14:30

De baba i lodo o tangada e hai ga mmahi de angaanga, aagai de lodo gaiaa e hai ga pobo ivi o tangada.

Jeremiah 4:19

Au gu duasala mmao, au gu duasala mmao, gai gu kona mmao dogu mmae! Au gu dee baba mmao ogu lodo! Gai gu bonabona age ogu lodo. Au gu dee maua i de noho donu ga dee muu. Go hiidinga au gu langona de ili de hanga manu, au gu langona de hagailoo o de hebagi.

Jeremiah 5:15

Tilo, dangada o Israel, au e hai naa gi humai dahi huaahenua i de mommee mmao gi hebagi adu gi goodou, go Tagi Maolunga e hagadaba. Se huaahenua gu dahi madagidagi gai gu daulooloa, gai se henua niiodou e dee iloo alaadeu muna aabe e tonu ange gi alaadeu muna.

Lamentations 1:13

Ia ne hai gi hano iho de ahi i de mommee maolunga, gi duungia lodo ogu ivi. Ia ne hhola dahi galauna e buulou ai luoogu vae; gai ia ga hagaahe dua ai au. Ia ne tili au gi noho sogosogo, ma teai ogu mahi mai i taiao ga boo ai.

Isaiah 21:3

Deenei ai, au gu kona mmao dogu manavasaa ma de mmae, au gu mmae, bei de hine gu hai laa ono hagalangona; au gu ino gi lalo i hiidinga o agu mee gu langona, ma de madagu i agu mee gu gidee.

Jeremiah 30:7

E vakaa naa dangada i de laangi laa! Gai e deai ange naa donu se laangi bei nei. De laangi laa e hai naa ga se masavaa hai ngadaa ange gi Jacob, aagai ia e ola mai ai naa donu.

Lamentations 1:20

Tagi Maolunga, galo mai diiloo, au gu duasala mmao! Au gu daemaha mmao, gai ogu lodo gu dee baba i hiidinga au ne kona mmao de hai dagu hai. De gadilaasa e daa denga dama i duaahaho; gai de magau gu dagodo hogi i lodo.

Daniel 10:9

Gai au ne langona dono leo e basa ai; de masavaa aagu e hagallongo ai ana muna, gai au gu daia mai donu sseni, gai luoogu mada gu i honga de gelegele.