Habakkuk 3:13 - De Beebaa Dabu

¹³ Koe se humai e hagaola oo dangada, ma de hagamouli de ia aau gu hagadabu i de lolo. Koe ne hagabalaginagina tagi o de henua baubau, gai ne aau malo mai i dono biho ga dae iho ai gi dono bido i lalo. Selah

Habakkuk 3:13 Referans Kwoze

Psalm 110:6

Ia e hagamodu naa muna o denga huaahenua, ga hhao olaadeu mommee gi honu i de gau maakau; ia e daa naa denga dagi o henua i lalo alodahi.

Psalm 105:15

“Goodou e dee poo ange gi gilaadeu aagu gu hagadabu i de lolo, gai gi dee hagammae ina ogu pelaabisi.”

Psalm 105:26

Ia ne kave Moses, dono dangada hai hegau, ma Aaron, taane aana gu hili.

Psalm 99:6

Moses ma Aaron ni dangada haimeedabu hogi niiona, Samuel se dangada hogi e dalodalo ange gi de ia. Gilaadeu nei ne dalodalo ange gi Tagi Maolunga, gai ia ne basa ange gi alaadeu dalodalo.

Psalm 77:20

Koe e dagi oo dangada bei dahi hagabuulingaa ssiibi i daho Moses ma Aaron.

Psalm 68:7

De Maadua, de masavaa naa huu oou e hano ai i mada i mua o oo dangada, de masavaa oou ne dagi ai gilaadeu i de vao, Selah

Psalm 28:8

Go Tagi Maolunga e hagammahi ina ono dangada, gai go ia de mommee buibui makaga e hagaola ai de ia aana gu hagadabu i de lolo.

Psalm 20:6

Au gu donu iho bolo Tagi Maolunga e hagaola de ia aana gu hagadabu i de lolo; ia e basa ange gi de ia mai i dono mommee dabu i de langi ma de hagaola ia i dono lima madau mmahi.

Joshua 11:12

Gai Joshua ne hagadee kii denga aduhale laa alodahi ma olaadeu hodooligi ga daa gilaadeu gu maakau. Ia ne oha hogi denga aduhale alodahi, bei de hai a Moses, tangada hai hegau o Tagi Maolunga, gu tala ange gi de ia.

Joshua 11:8

Gai Tagi Maolunga ga dugu ange gilaadeu gi de gau Israel gi hagadee kii ina, gai gilaadeu ga daa hanu gu maakau, gai ga doolohi hanu gilaadeu ga dae ai loo gi Sidon Laumalie ma Misrephoth Maim, gai ne hulo hogi ga tae gi baasi dua i de geelonga go Mizpeh, ga daa ai gilaadeu gu maakau; gai gilaadeu tee dugu donu dahi dangada daudahi gi ola.

Joshua 10:42

Joshua ne hagadee kii denga hodooligi laa alodahi, ga kave olaadeu henua i de masavaa laa, i e dahi donu huu hanonga, go hiidinga Tagi Maolunga de Maadua o Israel, ne hebagi i hiidinga o Israel.

Joshua 10:24

Gai de masavaa alaadeu ne hagassao mai ai denga hodooligi laa ga gaamai gi daho Joshua, gai ia ga hagahi denga daane alodahi o Israel, gai ia ga hai ange gi denga dagi o denga daane hebagi ne hulo laa madali ia, “Goodou hulo gi paa ange goodou mage dugua ange oodou vae gi honga ua o denga hodooligi laa.” Gai gilaadeu ga hulo ga dugu ange olaadeu vae gi honga olaadeu ua.

Joshua 10:11

Gai de masavaa olaadeu e saavini ai e hulo gee i de gau Israel, i de madadaagodo i Beth Horon, gai Tagi Maolunga ga tili iho denga duudangaa haisi nui i de langi gi olaadeu elunga, ga dae ai loo gi Azekah. Gai ne soa ange gilaadeu ne maakau i hiidinga o denga duudangaa haisi, i gilaadeu a de gau Israel ne daa ga maakau i de gadilaasa.

Isaiah 63:11

Gai ono dangada e manadua naa denga masavaa madagidagi go laangi o Moses ma ono dangada — i hee iai de ia ne dagina mai gilaadeu laa lo te vai, madali de gau hagaloosi o dana hagabuulingaa ssiibi? Gai i hee iai de ia ne dugua ange dono Hagasaalunga Dabu gi olaadeu magavaa,

2 Samuel 5:20

Gai David ne hano gi Baal Perazim ga hagadee kii ai gilaadeu i kilaa. Gai ia ga hagadaba, “Tagi Maolunga gu hagadee kii ogu hagadaumee bei dagodo o tolona e oohaa laa ga sao i de baasi laa.” Deelaa ai, de mommee laa gu hagaingoo ange go Baal Perazim.

Psalm 137:7

Tagi Maolunga, manadua mee a de gau Edom ne hai, i de laangi o Jerusalem ne oohaa ai. Gilaadeu ne hagataba, “Oohaa ina, oohaa iho donu gi sula age tagelo!”

Isaiah 64:1

Mee naa koe gi saea de langi ga iho mai gi lalo, gi ngalungaalue ai denga mounga i mada luoo mada!

Ezekiel 13:14

Au e oha naa de buibui oodou ne lebu naa i mee tea, ga hagabaguu gi honga de gelegele, ma de hai gi sula age dono dagelo. Gai de masavaa naa huu e baguu ai, gai goodou e maakau naa hogi i kilaa; gai goodou e iloo naa bolo go au donu go Iahweh.

Amos 9:1

Au ne gidee de Ia Aamua e duu i gaogao de mommee o ssigidaumaha, gai ia ne hagadaba, “Hagailiilihia de ulu o denga duludulu gi ngalungalue ai de hale alodahi, ma de maoha iho gi honga biho o dangada alodahi. Gai dangada e doe gai au e daa naa gi maakau i de gadilaasa; e deai donu se gilaadeu e maua i de savini e hano; e deai donu se gilaadeu e hagaola.