Habakkuk 2:6 - De Beebaa Dabu

⁶ E aha, dangada alodahi e dee hagammae manava naa ma de hakadanga i de ia ga hagataba, ‘E vakaa naa tangada e hagabudulia denga goloa gaiaa ma de hai gi lava ia i de mee ne hai gi de mahi! Dee hee maa taulooloa de hai mee nei?’

Habakkuk 2:6 Referans Kwoze

Micah 2:4

De laangi laa gai dangada e hagadogaa naa i goodou; gilaadeu e hagammae manava naa goodou i dahi daahili, ga hai adu, ‘Gu vakaa loo gimaadeu; de henua o ogu dangada gu vaevae ma gu kave gee. Ia gu kave gee mee nei mai i de au! Ia gu gaavange omaadeu gelegele gi dangada ne hagadee kii ina gimaadeu.’ ”

Jeremiah 50:13

Go hiidinga de bole o Tagi Maolunga, de henua e deai naa dangada e nnoho ai, aagai e hai naa ga se mommee e ngadi dagodo. Gai dangada alodahi e seesee i gaogao o Babylon e llele naa olaadeu mouli, ma de hagavogivogi i dono maoha.

Jeremiah 29:22

Gilaau e hai naa ga ni mee hagamalaia i daho dangada ne gaavee gee laa i Judah ga kave gi Babylon, gilaadeu e hagataba naa, ‘Tagi Maolunga gi haia goe gi bei dagodo o Zedekiah ma Ahab, luu daane a de hodooligi o Babylon ne dudu laa i de ahi.’

Numbers 23:7

Gai Balaam ga basa pelaabisi, ga hai ange, “Balak ne aalu adu ga gaamai au i Syria, de hodooligi o Moab ne gaamai au i de mommee iai mounga i baasi dua: ‘Humai balea mai au hagamalaia ina ai Jacob; humai, hagabaubau ina Israel!’

1 Peter 4:7

De hagaodi o mee alodahi gu baa mai donu. Deenei ai, goodou gi mada ala ma de dagitilo ga dalodalo.

Luke 12:20

Aagai de Maadua ga hai ange gi de ia, ‘Taane lodo senga! Aaboo nei gai au ga kave nei doo mouli, gai goai ai naa e hagadanuaa i mee aau gu hagadabena adu naa gi de goe?’

Habakkuk 2:13

Tilo, e aha, tee hagatau ina e Tagi o denga hagabuulinga hebagi bolo hegau a dangada ni mee donu huu e dudu i de ahi, gai denga huaahenua gi hagadaalea ange gi hanu ngadi mee?

Habakkuk 1:15

De hagadaumee e hhudi gilaadeu alodahi i denga maadau, ia e buulou gilaadeu i dana galauna, ma de hhudi mai gilaadeu i dana galauna; deelaa ai, ia gu malangilangi ma de lodo danuaa.

Ezekiel 32:21

Denga daane mmahi i de mommee o de gau maakau, e tala naa dagodo o Egypt ma gilaadeu e balea ange ia, ‘Gilaadeu gu loiho ga naa daakodo madali gilaadeu tigi tuu dagaholiage, ma gilaadeu ne daa ga maakau i de gadilaasa.’

Isaiah 55:2

Gu aha gu moumou ai oodou sseene i mee e dee ni gai, ma de moumou oodou mahi i mee oodou e dee boobosu ai? Nnoho mai hagalaangona agu muna, ma de gai mee danuaa, gi malangilangi ai goodou i denga gai mammami.

Isaiah 44:20

Ia gu gai donu denga lehu, gai ono lodo gu hagasenga ia; ia gu dee maua i de hagaola ia, aabe hagadaba, “E aha, e dee se mee hhadu aagu e poo nei i dogu lima madau?”

Proverbs 22:16

Be goai e vaivai haia tangada hagaau aloha gi kii ange ai dono lava, ma tangada e ngadi gaavange mee gi tangada lava — gilaau ngaadahi e hagaau aloha donu.

Psalm 94:3

Tagi Maolunga, dee hee maa taulooloa, dee hee maa taulooloa de malangilangi o de gau baubau?

Numbers 23:18

Gai Balaam ga basa pelaabisi, ga hagadaba, “Balak, hidi age, ma gi hagalaangona; tama daane a Zippor, hagalaangona agu muna:

Isaiah 10:13

Go hiidinga ia ne hagadaba, ‘Au ne maua i de hai mee nei i ogu mahi donu ma dogu iloo mee, go hiidinga de dahi ogu donu ange. Au ne aau gee goinga o denga huaadangada, ma de kave olaadeu goloa hagamogomogo; au ne hagadee kii gilaadeu e nnoho i kilaa bei dagodo hegau a dahi kaau daane.

Habakkuk 2:12

E vakaa naa tangada e hagaduulia dahi aduhale i de daa dangada ga maakau, ma de hagaduu dahi aduhale i hegau baubau!

Isaiah 5:8

E vakaa naa gilaadeu e haia ga lagolago olaadeu hale, ma de hagallaha ange olaadeu alahenua, ga dae ai gi teai ange mommee e doe, gai go goodou donu huu e nnoho i honga de gelegele laa.

Jeremiah 17:11

Tangada e hagaduulia dono lava i hegau dee heohi, e bei dagodo o de manu lele go de partridge e baalasi laa ga masae denga ngago aana tee haanau. Gai de masavaa oona goi mmahi ai, gai gilaadeu ga tili ia, gai dono hagaodi e bei dagodo o tangada lodo senga.