Habakkuk 2:5 - De Beebaa Dabu

⁵ E dahi ange mee, denga uvaini e hagasenga ia; ia e lodo maolunga gai e dee hagamabu donu. Go hiidinga dono nnoo hagamau mee e bei de mommee o de gau maakau, gai e bei de magau e dee maua laa gi lava ana dangada e kave; ia e hagabudu denga huaahenua alodahi, ma de hagadee kii denga huaadangada alodahi.

Habakkuk 2:5 Referans Kwoze

Proverbs 27:20

De mommee o de gau maakau ma Abaddon e dee maua donu gi hoohonu, gai luu ganomada o tangada e dee maua hogi gi lava ana mee e tilo.

Proverbs 20:1

De uvaini e bei tangada doo mee, gai mee mmahi e hai ga hagalongaa tangada; be goai e dugua ange de mee nei gi dagina ia e dee heiangi.

Isaiah 21:5

Gilaadeu gu hagadabena denga deebele, gilaadeu gu hhola mee e nnoho ai dangada, gilaadeu gu gaimee ma de unu! Denga dagi, goodou hiihidi age, hagalollolo ina denga mee hungihungi!

Isaiah 16:6

Gimaadeu gu langona de hagamaolunga o Moab; ia e kona mmao de hagamaolunga ma de hagaamua donu huu ia, ia e hagamaolunga ma de lodo maolunga mmao, aagai ana muna e tuhi ai donu huu ia ni ngadi muna.

Isaiah 5:8

E vakaa naa gilaadeu e haia ga lagolago olaadeu hale, ma de hagallaha ange olaadeu alahenua, ga dae ai gi teai ange mommee e doe, gai go goodou donu huu e nnoho i honga de gelegele laa.

Isaiah 2:17

Gai tangada hagamaolunga e hai naa ga maolalo, de gau lodo maolunga e hai naa ga ni dangada maolalo; gai go Tagi Maolunga donu huu e maolunga i de laangi laa,

Ecclesiastes 5:10

Be goai e lodo i denga sseene e dee maua donu gi malangilangi i ana sseene e mau; gai tangada e lodo i goloa lagolago e dee maua hogi gi malangilangi i mee aana e hanu. De mee nei e deai hogi ono haigamaiana.

Psalm 138:6

Tagi Maolunga e galo ange gi gilaadeu e maolalo, e dee galemu donu ia e maolunga mmao, aagai ia e hagammao gee i de gau hagamaolunga.

2 Kings 14:10

Ni muna abodonu koe ne hagadee kii Edom, deelaa ai, koe gu lodo maolunga. Koe gi duuhia doo kii, aagai koe noho i doo hale! Gu aha gu lodo ai goe e hagahale de hai ngadaa ga hidi mai ai doo hagadee kii ina madali dangada o Judah alodahi?”

James 4:6

Aagai ia e abodonu mmao; deelaa ai, gu sisi e hai ange, “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”

1 Thessalonians 4:11

Aagai goodou haia gi dee lagolago oodou muna e tala; gai kana iho mage diiloo oodou dagodo aama de hai hegau bei demaadeu hai gu agoago adu ai goodou.

Habakkuk 2:4

Tilo, ia e lodo maolunga, gai ono lodo e dee heohi; aagai tangada heohi e mouli donu i dono gai.

Jeremiah 51:39

Aagai de masavaa olaadeu gu ssae ai gai au e hagadabena naa dahi daonga ange gi gilaadeu, ga hai gilaadeu gu ssenga ma de malangilangi — ga dae ai gi delaadeu sseni ga hano ai gilaadeu gu dee alahage ange, go Tagi Maolunga e hagadaba.

Jeremiah 50:29

Hagahia gilaadeu e damaa tili gi hebagi ange ai gi Babylon, go gilaadeu e dilia denga mee hholu. Gilaadeu gi holiagina de henua laa, gai gi dee dugua donu dahi dangada daudahi gi ola. Hagao ina ange ana hegau baubau; gai suuia ange gi bei ana hegau gu hai. Go hiidinga de henua laa gu hagamaolunga i Tagi Maolunga, de Ia Dabu o Israel.

Jeremiah 25:9

tilo, au e aalu naa gi loomai denga huaadangada alodahi i ngaiho, ma dogu dangada hai hegau go Nebuchadnezzar, go de hodooligi o Babylon, go Tagi Maolunga e hagadaba. Au e gaamai naa gilaadeu gi hebagi ange gi de henua nei, ma dangada e nnoho ai, aama denga huaahenua i luu baasi doodou henua. Gai au e hagailonga naa de mommee nei e oha gi odi, ma de hai gi se mee hagamaatagu, ma de llele ai mouli o dangada, gai e ngadi daakodo naa ga hano ai.

Proverbs 21:24

Tangada basa hagasoenga se dangada lodo maolunga — dono ingoo go de lodo maolunga, gai ia e hai hegau hagamaolunga.

Isaiah 5:14

Deelaa ai, de mommee o de gau maakau gu hhanga dono ngudu ma gu laumalie, e holo ai de gau maolunga o Jerusalem ma ono hagabuulinga soa, aama alodahi e daonga ma de hagalongaa i kilaa.

Isaiah 14:6

go de mee alaadeu e daa ai dangada i hanonga lagolago i delaadeu llili, ma de dagi denga huaahenua i de lili, aama tee tuu de vaivai hai gilaadeu.

Habakkuk 1:15

De hagadaumee e hhudi gilaadeu alodahi i denga maadau, ia e buulou gilaadeu i dana galauna, ma de hhudi mai gilaadeu i dana galauna; deelaa ai, ia gu malangilangi ma de lodo danuaa.

Habakkuk 1:17

E aha, ia e aheahe ange naa ga llingi dana galauna, i dana vaivai daa denga huaahenua ga hano ai?