Habakkuk 2:2 - De Beebaa Dabu

² Gai Tagi Maolunga ne hai mai gi de au: “Siia de midi hagaago ange nei, ma de sisi gi daakodo danuaa i honga denga duu hadu, gi maua ai e tangada e savini mai laa kilaa i de dau.

Habakkuk 2:2 Referans Kwoze

Isaiah 30:8

Hannoo siia ange muna nei gi honga dahi hadu baabaa i olaadeu madamada, gai siia ange hogi gi lo te beebaa mulo, gi daakodo ai i laangi e loomai e hagadonu ai mee nei ga hano ai.

Revelation 14:13

Gai au ne langona dahi leo mai i de langi, e hagadaba, “Siia de mee nei: E manuuia tangada e magau i lodo o Tagi Maolunga mai iainei ga hano ai.” Gai de Hagasaalunga ⌊Dabu⌋ ne hagadaba, “Uaa, gilaadeu e manuuia donu! Gilaadeu e hagammabu naa i alaadeu hegau, gai alaadeu hegau e daudali ange naa donu huu i gilaadeu.”

Deuteronomy 31:22

Gai Moses ga sisi taahili nei i de laangi laa donu huu ga ago ange gi de gau Israel.

Daniel 12:4

Aagai koe, Daniel, bonodia ma de hagamakaga muna o de beebaa mulo nei, ga dae ai gi denga laangi hagaodi. Gai dangada soa e hagadaga saele naa ga ssala gi kii ange delaadeu iloo mee.”

Isaiah 8:1

Tagi Maolunga ne hai mai gi de au, “Haia dahi hadu baabaa laumalie, gai koe haia dahi biini ga sisi ange: ‘Maher-Shalal-Hash-Baz’.

Deuteronomy 27:8

Gai goodou ga sisi gi madea danuaa muna o de hainga alodahi i honga denga hadu nei.”

Deuteronomy 31:19

Gai koe siia taahili nei ga agoago ange gi de gau Israel, gai gilaadeu ga daahili ai, gai taahili nei ga tala hagadonu ai ma de hagabaubau gi gilaadeu.

Revelation 19:9

Gai tangada de langi ne hai mai gi de au, “Siia de mee nei: E manuuia gilaadeu e saalaa ange gi taonga hagahai bodu o Ssiibi Gauligi.” Ia ne hai mai hogi gi de au, “Muna nei ni muna abodonu nii de Maadua.”

2 Corinthians 3:12

Go hiidinga e dahi amaadeu tali hagalodolodo, gimaadeu e lo taane mmao,

1 Corinthians 14:19

Aagai de masavaa o taumaha gai au e danuaa ange dagu tala e lima muna oogu e donu ange aagena, i dagu tala e semada hagadaagangaa muna, gi maua ai hogi e au i de agoago ange de gau ange laa.

Romans 15:4

Gai mee alodahi ne sisi laa madagidagi ne sisi e agoago ai gidaadeu, gi tuu ai gidaadeu gi makaga, ma de lo taane i taadeu iloo de Beebaa Dabu, gai gi dahi ai adaadeu tali.

Jeremiah 30:2

“E hagadaba Tagi Maolunga, de Maadua o Israel: Siia ange muna alodahi aagu gu tala adu gi de goe gi lo te beebaa.

Daniel 7:1

Gai tahi ngadau huu o Belshazzar ne hodooligi ai i Babylon, gai Daniel ne hai dahi midi ma hanu midi hagaago ange i dono masavaa e dagodo ai i honga dono moenga. Gai ia ne sisi ga daohi ma de tala dagodo o mee laa.