Habakkuk 2:17 - De Beebaa Dabu

¹⁷ Au hegau alasala ne hai ange gi Lebanon e hai naa ga manavasaa oo lodo, gai dau daa ga maakau denga manu dolodolo e hai naa goe ga madagu, i hiidinga dodo o dangada ma dau vaivai hai denga henua ma aduhale aama dangada alodahi e nnoho ai.

Habakkuk 2:17 Referans Kwoze

Habakkuk 2:8

Koe ne hai gi de mahi mee a denga huaahenua soa, deelaa ai, dangada e doe i denga huaadangada e hai naa gi de mahi oo goloa. Go hiidinga koe ne daa dangada ga maakau; koe ne oha denga henua ma aduhale aama dangada alodahi e nnoho ai.

Zechariah 11:1

Lebanon, huugea oo haitoga, gai de ahi ga dudu ai oo cedar!

Psalm 55:23

Aagai koe, de Maadua, e tili iho naa de gau baubau gi lo te geelonga o de gau maakau; gai de gau daa dangada ma de daahangadia dangada e dee maua naa donu gi madohi lua olaadeu laangi e mouli ai. Aagai au e hagadonusia goe.

Jeremiah 51:24

Au e sui ange naa hegau a Babylon ma dangada alodahi e nnoho i kilaa i oodou mada i mua, i hiidinga hegau baubau alodahi alaadeu ne hai i Zion, go Tagi Maolunga e hagadaba.

Jeremiah 50:28

Hagalaangona adu leo o dangada e silivaahea saele ma gilaadeu ne saavini ga hulo gee mai i Babylon, ma gi hagailoo ina i Zion de hai a Tagi Maolunga, taadeu Maadua, ne sui ange ai mee ne hai ange gi dono temple.

Proverbs 28:17

Tangada e dee baba laa ono lodo i dana daa tangada ga magau, e silivaahea saele naa ga dae ai gi dono magau; gai e deai naa donu se dangada e balea ange.

Psalm 137:8

Dangada o Babylon, gu hagamodu e daa gi maakau, e manuuia tangada e suuia adu oodou hegau ne hai mai gi gimaadeu.

Jeremiah 50:14

Goodou holiagina luu baasi o Babylon hebagi ange aagena, goodou alodahi e dilia de mee hholu; dilia au dao gi odi ange gi lo te aduhale, go hiidinga ia gu haisala ange gi Tagi Maolunga.

Ezekiel 28:16

Doo hano saele ga hagao mee lagolago gu hai goe ma gu se dangada e vaivai haia dangada, gai koe gu haisala. Gai au ne alualu goe mai i de mounga o de Maadua ma de hagangadi mee goe. De cherub e hagaloosia laa, au ne hai goe gi hano gee goe, mai i magavaa o denga hadu o de ahi.

Ezekiel 31:16

Au e hai naa denga huaahenua gi maatagu i delaadeu langona dono baguu, i de masavaa aagu e tili iho ai ia gi de mommee o de gau maakau madali gilaadeu e loiho laa gi lo te geelonga laa. Gai denga manu ssomo alodahi o Eden, ma manu ssomo danuaa hugadoo o Lebanon, go manu ssomo alodahi ne hagamaluulu danuaa laa, e hagaaneane naa olaadeu lodo i lalo de gelegele.

Joel 3:19

Egypt e hai naa ga deai dangada iai, gai Edom e bei naa de vao e deai laa dangada iai, go hiidinga delaadeu vaivai hai dangada o Judah, ma delaadeu daa dangada tigi haisala ga maakau.

Habakkuk 1:17

E aha, ia e aheahe ange naa ga llingi dana galauna, i dana vaivai daa denga huaahenua ga hano ai?