Habakkuk 2:15 - De Beebaa Dabu

¹⁵ E vakaa naa tangada e gaavange mee vii gi dangada e paa ange gi de ia, ma de hagaunu gilaadeu gi ssenga, gai koe ga tilo ai delaadeu gilisau!

Habakkuk 2:15 Referans Kwoze

Jeremiah 51:7

Babylon e bei de ubu goolo i lo te lima o Tagi Maolunga, gai gu hagaunu ai gi ssenga henua i lalo alodahi. Denga huaahenua gu unu uvaini iai, deelaa ai, gilaadeu gu odi i de ssenga.

Genesis 9:22

Gai a Ham, tamana o Canaan, ne gidee bolo dono damana gu maatala ono malo ma gu too, gai ia ga tala ange gi luoono daina daane i duaahaho.

Revelation 18:3

Gai denga huaahenua alodahi gu unu uvaini o dono dagodo haisala, go hiidinga denga hodooligi o henua i lalo gu dagodo haisala madali ia, de gau hagao mee o henua i lalo gu lava mmao i delaadeu ago ange i dono dagodo haisala.”

Revelation 17:6

Gai au ne gidee bolo de hine laa gu senga i de unu dodo o dangada o de Maadua, go dodo o dangada ne maakau laa, i hiidinga delaadeu tala hagadonu dagodo o Iesu. Gai de masavaa huu aagu ne gidee ai ia, gai au gu kona de lele ogu mouli.

Revelation 17:2

Gai denga hodooligi o henua i lalo ne dagodo haisala madali ia, gai dangada o henua i lalo gu ssenga i delaadeu unu uvaini o dono dagodo haisala.”

Hosea 7:5

De laangi o taonga a de hodooligi gu hagailonga, gai denga dagi e ssenga i de unu uvaini; gai de hodooligi gu unu hogi madali gilaadeu.

Jeremiah 25:15

Gai Tagi Maolunga, de Maadua o Israel, ne hai mai gi de au, “Gaavee de ubu e poo nei i dogu lima, gai e honu i uvaini o dogu bole, gai koe ga hai denga huaahenua alodahi aagu e hai goe gi hano aagena gi unu ai.

2 Samuel 11:13

Gai David ga gauna ange ia gi humai e gaimee madali ia, gai David ga hagaunu Uriah gu senga. Gai ga ahiahi huu gai ia ga kave dono moenga ga seni ai i daho denga daane hai hegau o de hodooligi, ia tee hano hogi gi dono hale.

Exodus 32:25

Gai ga gidee huu e Moses bolo Aaron gu tili ange donu huu dangada gi haia olaadeu lodo, ma de hai olaadeu hagadaumee gi pasa hakadanga ma de doo mee i gilaadeu.

Isaiah 5:22

E vakaa naa denga daane dau i de unu uvaini, ma denga daane mmahi i de hilo denga mee mmahi,

Isaiah 28:7

Gilaadeu nei e ssenga hogi i denga uvaini, ma de ssee saele i de unu mee mmahi; de gau haimeedabu ma denga pelaabisi gu ssee saele i de unu mee mmahi ma uvaini; gilaadeu e ssenga ange naa i de unu mee mmahi; gilaadeu e ssee saele i delaadeu gidee denga midi, gilaadeu gu dee maua i de hagamodu muna.

Habakkuk 2:14

Go hiidinga henua i lalo e hhao naa ga honu i de iloo mee o de mahamaha o Tagi Maolunga, bei de hagahonu o tai i denga lausedi.

Habakkuk 2:16

Koe e dogaa naa, e dee hagadubulia. Koe gi hagaunu ina donu huu goe, ma de hai gi gilisau goe! De ubu mai i de lima madau o Tagi Maolunga e hagadige mai naa gi de goe, gai doo hagadubu e sui naa ga se hagangadi mee!

Isaiah 28:8

Deebele alodahi gu hoohonu i denga hagalueia, gu deai donu se mommee e deai mee hakino gee iai.