Habakkuk 2:12 - De Beebaa Dabu

¹² E vakaa naa tangada e hagaduulia dahi aduhale i de daa dangada ga maakau, ma de hagaduu dahi aduhale i hegau baubau!

Habakkuk 2:12 Referans Kwoze

Micah 3:10

Goodou ne hagaduu Zion i dodo o dangada, gai ne hagaduu Jerusalem i de baubau.

Nahum 3:1

E vakaa naa de aduhale gu honu laa i todo, ma denga muna hadu, ma goloa gu hagadabena ange e hai gi de mahi, gai iai dangada e daa gi maakau!

Revelation 17:6

Gai au ne gidee bolo de hine laa gu senga i de unu dodo o dangada o de Maadua, go dodo o dangada ne maakau laa, i hiidinga delaadeu tala hagadonu dagodo o Iesu. Gai de masavaa huu aagu ne gidee ai ia, gai au gu kona de lele ogu mouli.

Joshua 6:26

Gai Joshua ne tala hanu muna hagamalaia, ga hagadaba, “Tagi Maolunga gi hagamalaia ina tangada e ahe ange e hagaduulia age de aduhale go Jericho. Dana dama madua e magau naa i de masavaa e hagadagodo ai tagelo; gai dana dama gauligi e magau naa i de masavaa aana e gaavange ai ono haitoga.”

Ezekiel 24:9

Deenei ai, e hagadaba de Ia Aamua go Iahweh: E vakaa naa de aduhale e daia ga maakau dangada! Au e hagabudu naa hogi gi lagolago lahhie.

1 Kings 16:34

De masavaa o Ahab e hodooligi ai, gai Hiel taane Bethel ne daamada de hagaduu age Jericho. De masavaa aana ne hagadagodo ai tagelo o Jericho, gai dana dama madua go Abiram gu magau; gai de masavaa aana ne hagatuu age ai ono haitoga, gai dana gauligi go Segub gu magau hogi. Mee nei ne hai e hagassula ai muna a Tagi Maolunga gu tala i daho Joshua, tama daane a Nun.

2 Corinthians 1:21

Aagai go de Maadua ne hagalodo mmahi ina gimaadeu madali goodou i lodo o Klisdo, ga hagadabu gidaadeu

Habakkuk 2:6

E aha, dangada alodahi e dee hagammae manava naa ma de hakadanga i de ia ga hagataba, ‘E vakaa naa tangada e hagabudulia denga goloa gaiaa ma de hai gi lava ia i de mee ne hai gi de mahi! Dee hee maa taulooloa de hai mee nei?’