Habakkuk 2:10 - De Beebaa Dabu

¹⁰ Koe ne hagatau dau hai e oha ai denga huaadangada soa, ga hagadogaa ai doo huaabodu ma de hagahai ngadaa ai doo mouli donu.

Habakkuk 2:10 Referans Kwoze

Nahum 1:14

Nineveh, Tagi Maolunga gu tala oo dagodo: “E deai naa donu soo hagadiilinga e duudagi ina doo ingoo. Au e oha naa donu denga diinonga laagau ma diinonga baalanga i de hale iai oo diinonga. Au e hagadabena naa doo daanunga, i hiidinga koe e hakino gee.”

2 Kings 9:26

‘Au ne gidee dodo o Naboth anaahi, ma dodo o ana dama; gai au e sui adu naa au hegau baubau i honga de alahenua o Naboth, go Tagi Maolunga e hagadaba.’ Gai sabaia Joram magaa ange gi honga de alahenua laa, bei dagodo muna a Tagi Maolunga.”

Matthew 27:25

Gai dangada alodahi ne hai ange, “Ono dodo gi dau mai gi gimaadeu ma amaadeu dama.”

Habakkuk 2:16

Koe e dogaa naa, e dee hagadubulia. Koe gi hagaunu ina donu huu goe, ma de hai gi gilisau goe! De ubu mai i de lima madau o Tagi Maolunga e hagadige mai naa gi de goe, gai doo hagadubu e sui naa ga se hagangadi mee!

Jeremiah 36:31

Gai au e hagaduasala naa ia ma ono hagadiilinga, ma ono dangada hai hegau i hiidinga olaadeu baubau; au e hai naa gi humai gi gilaadeu alodahi ma dangada e nnoho i Jerusalem, ma dangada o Judah de hai ngadaa aagu gu tala bolo e hai ange gi gilaadeu, i hiidinga gilaadeu tee hagallongo agu muna.’ ”

Jeremiah 26:19

E aha, go Hezekiah, de hodooligi o Judah ne daia ia ga magau, aabe go hanu dangada o Judah? Gai Hezekiah tee madagu laa i Tagi Maolunga, ga dangidangi ange ia gi degi ange gi de ia? Gai Tagi Maolunga ne sui dana hagatau, ia tee gaamai de mee hai ngadaa aana gu tala laa bolo e hai ange gi gilaadeu. Aagai gidaadeu gu dai hai naa donu gi dae mai dahi hai ngadaa laumalie gi gidaadeu!”

Jeremiah 22:30

E hagadaba Tagi Maolunga: “Daohia dagodo o taane nei be se daane e deai ana dama, gai se daane e dee hagadagadaga age i de masavaa oona e mouli ai, go hiidinga e deai naa donu ono hagadiilinga e sula, gai e deai naa donu e dagi i de nohoanga hodooligi o David aabe aahe ange e hodooligi i Judah.”

Isaiah 33:11

Goodou ne hai tama i denga ngadi gili grain, gai ne haanau denga lau manu mmasa; gai de madangi i oodou manava e dudu naa goodou bei de ahi.

Proverbs 8:36

Aagai be goai e dee gidee au e hagaduasala donu huu ia, gai gilaadeu alodahi e kino i de au, e llodo donu i de magau.”

Proverbs 1:18

De gau bee nei e tali donu huu delaadeu maakau, gilaadeu e daa donu huu gilaadeu gi maakau.

2 Kings 10:7

De masavaa ne dae mai ai de leda laa, gai denga daane laa ga kave denga dama daane e dinohidu a de hodooligi, ga duuduu olaadeu ua, ga hhao ange olaadeu biho gi lodo hanu gede, ga kave ai gi daho Jehu i Jezreel.

1 Kings 2:23

Gai de hodooligi go Solomon ga hagatoo donu i de ingoo o Tagi Maolunga, ga hagadaba, “De Maadua gi hagaduasala ina donu au noo au e dee daa Adonijah gi magau, i hiidinga dana dangidangi!

Numbers 16:38

Gai mee hhao maga ahi a denga daane ne haisala laa ga hidi mai ai delaadeu maakau, dugidugia gi baabaa ga haoli ai de mommee o ssigidaumaha, mee laa gu dabu, go hiidinga gu kave gi mada luu mada o Tagi Maolunga. Gai de mee nei gi se hagailonga e hagakana ange ai de gau Israel.”

Proverbs 20:2

De bole o de hodooligi e bei de hagangolo o de laiono; tangada e haia ia ga lili e daa donu ga magau.

Jeremiah 44:7

Gai e hagadaba Tagi Maolunga, de Maadua o denga hagabuulinga hebagi, go de Maadua o Israel: Gu aha goodou gu hai ai naa gi humai dahi hai ngadaa bee nei gi goodou, i doodou daa ga maakau denga daane ma haahine, ma gauligi aama gaagaa i Judah, gai gi deai ai oodou dangada e doe?