Habakkuk 1:8 - De Beebaa Dabu

⁸ Alaadeu hoosa e kemo ange i denga leopard, gai e hagamaatagu ange i denga wolf i de ahiahi boo. Olaadeu hagabuulinga hebagi e hagassoe mai donu huu; olaadeu daane i honga hoosa e loomai i de mommee mmao. Gilaadeu e bei de igele e hagatili iho laa ga kadi dahi manu;

Habakkuk 1:8 Referans Kwoze

Jeremiah 4:13

Tilo, ia e hanage bei dagodo o hagausinga, ono hada hebagi e bei dagodo o ssio; gai ana hoosa e kemo ange i denga igele. E vakaa naa gidaadeu! Gidaadeu e maakau naa donu!

Zephaniah 3:3

Denga dangada aamua e bei denga laiono e hagangolo laa, ono dagi e bei denga wolf i de ahiahi, gilaadeu e dee dugu hanu mee gi doe gi taiao age.

Hosea 8:1

Ilihia de hanga manu i doo ngudu! Dahi igele gu hano iho gi honga de hale o Tagi Maolunga, go hiidinga gilaadeu gu oha dagu hagatoo donu hagaheloongoi, ma de hai baasi ange gi agu hainga.

Ezekiel 17:3

ga hai ange, ‘E hagadaba de Ia Aamua go Iahweh: E dahi igele laumalie gai e mmahi luoono bakau, ono hulu manu e lloa gai iai denga hagadaagangaa leebunga, ne lele mai gi Lebanon ga kave de ulu o de cedar.

Jeremiah 5:6

Deenei ai, dahi laiono mai i lodo mee muimui e daa naa gilaadeu ga maakau, dahi wolf e hangahanga naa gilaadeu, dahi leopard e dagitilo naa i gaogao olaadeu aduhale e hangahanga dangada alodahi e ssao mai i kilaa, i hiidinga gilaadeu gu kona de hagamaanege gai ne lagolago olaadeu hanonga ne aahe dua ai.

Deuteronomy 28:49

Gai Tagi Maolunga e gaamai naa dahi huaahenua gi hebagi adu gi de goe, mai i de mommee mmao, i de bido laa o henua i lalo, gai gilaadeu e loomai naa bei de igele, gai se huaahenua e pasa i muna oou e dee donu ange aagena,

Luke 17:37

Gilaadeu ne ssili ange gi de ia, “Tagi Maolunga, go hee e hai ai mee nei?” Iesu ne hai ange gi gilaadeu, “De mommee iai dahi angaanga magau, gai go kilaa hogi e hagabuni ai denga vulture.”

Matthew 24:28

Be go hee naa huu iai dahi angaanga magau, gai go kilaa hogi e hagabuni ai denga vulture.

Ezekiel 17:12

“Hai ange gi dangada e hai baasi mai laa gi de au, ‘Goodou tigi tonu ange naa donu gi de hagadoonunga o mee nei?’ Hai ange gi gilaadeu, ‘Tilo, de hodooligi o Babylon ne humai gi Jerusalem ga kave madali ia de hodooligi ma denga dagi gi Babylon.

Lamentations 4:19

Dangada e dolohia gimaadeu e kemo ange i denga igele i lo te langi i lunga; gilaadeu e doolohi gimaadeu i honga denga mounga, ma de mmuni e tali ai gimaadeu i lodo henua.

De Beebaa go Job 9:26

Ogu laangi e hulo ga ui bei denga boose papyrus, gai e bei denga igele e hagatili iho laa ga dango dahi mee.

Isaiah 11:14

Gai gilaadeu e loiho naa i denga madadaagodo o Philistia i de baasi gi dai. Gilaadeu e hagabuni naa hogi ga kave mee o dangada e nnoho i baasi i dua. Gilaadeu e kave naa Edom ma Moab ga henua ai, gai de gau Ammon e nnoho naa i olaadeu lalo.

Jeremiah 48:40

Go hiidinga e hagadaba Tagi Maolunga: “Tilo, e humai naa dahi bei de igele gemo, ga doha luoono bakau ga hebagi ange ai gi Moab.

Jeremiah 50:42

Gilaadeu e hagauda alaadeu mee hholu ma olaadeu dao; gilaadeu e alasala ma tee llodo aaloha. Delaadeu loomai e bei de haganngolo o de moana i de masavaa olaadeu e saavini mai ai i honga hoosa; gilaadeu e loomai bei denga daane hebagi e hagatau laa i olaadeu hagabuulinga e hebagi adu gi de goe, tamaa hine o Babylon.

Ezekiel 26:11

Vae o ana hoosa e dagadagahi honga haiava alodahi; gai ia e daa naa ga maakau oo dangada i de gadilaasa; gai oo duludulu makaga e baakuu iho naa gi honga de gelegele.

Nahum 2:5

Ia e manadua naa ono daane hebagi dau; gai gilaadeu e baakuu naa i delaadeu seesee e hulo. Gilaadeu e hagamoolau e hulo gi de buibui, gai de mee buibui gu lava i de hagaduu age.