Biblia Todo Logo
Bib sou entènèt

- Piblisite -




Habakkuk 1:12 - De Beebaa Dabu

12 Tagi Maolunga, e aha, koe tee noho mai laa i taamada? Go koe dogu Maadua, dogu Ia Dabu, gimaadeu e dee maakau donu. Tagi Maolunga, koe ne hagatau bolo gilaadeu gi hagaduasala ina gimaadeu; gai go koe, de Baba, ne hagamodu ina ange gilaadeu gi haelea gimaadeu.

Gade chapit la Kopi




Habakkuk 1:12
48 Referans Kwoze  

Ia se baba makaga, ana hegau e hoohonu danuaa, gai ia e hai hegau i de hagamodu heohi. Ia se Maadua e hai hegau i de muna abodonu ma teai se baubau i ono daha, ia e hagamodu i de heohi ma de soe.


I mua de hai ga hanu mounga, aabe go dau hai henua i lalo ma mee alodahi iai, gai go koe de Maadua, mai i de masavaa e dee ngado mai ga dae ai gi de masavaa e dee ngado mai.


De Maadua e mouli laa ga hano ai, go doo buibui, gai luoono lima dee ngado mai laa e daohi age goe. Ia e aau gee naa doo hagadaumee i oo mada i mua, ga hagadaba, ‘Daia gilaadeu gi maakau!’


Dogu dangada hai hegau go Jacob, aude madagu, go hiidinga au e madali goe, go Tagi Maolunga e hagadaba. Gai ga oohaa naa donu e au huaahenua alodahi aagu gu hai oo dangada gi mavaevae saele aagena, gai au e dee oha donu goe. Au e haele naa goe i de hai heohi; au e dee dugu naa donu huu goe, gai e hagaduasala donu goe.”


Gai au e noho naa donu madali goe ma de hagaola goe, go Tagi Maolunga e hagadaba. Gai ga hagallilo ina naa donu e au denga huaahenua alodahi, aagu gu hai oo dangada gi mavaevae saele aagena, aagai au e dee hai donu gi odi oo dangada i de llilo. Au e haele naa goe i de heohi; au e dee dugu naa donu huu goe, gai e hagaduasala donu goe.


Doo nohoanga hodooligi ne hagaduu ga makaga madagidagi loo; koe e dee ngado mai ga hano ai.


Iesu Klisdo go tagodo mau donu huu anaahi, ma anailaa nei ga hano ai e dee ngado mai.


Ia e dee magau donu, gai e noho i de maalama e dee maua laa e dangada i de hagapaa ange aagena, aagai tigi ai donu se dangada ne gidee ia, aabe e maua i de tilo ia. Gai go ia e bau ange gi kave de hagadubu ma ssauaa e dagi ai ga hano ai. Amen.


De Hodooligi e mouli laa ga hano ai, ia e deai donu se magau, gai e dee maua gi gidee i ganomada o dangada, gai go ia de Maadua abodonu. Hagadubulia ma de hagamahamaha ina ia ga hano ai e dee ngado mai. Amen.


Aagai goodou ne hagangadi mee de Ia Dabu ma de Ia Heohi laa, gai ne dangidangi ange gi hagasao ina mai gi goodou dahi daane daa dangada.


“Go au go Iahweh, au e dee sui donu. Deelaa ai, goodou denga hagadiilinga o Jacob tee odi i de maakau.


Tagi Maolunga, au gu langona oo longo, Tagi Maolunga, gai au gu lele ogu mouli i au hegau. Ahe ange haia au hegau i demaadeu masavaa, haia gi iloo e gimaadeu dagodo o au hegau; gai koe manadua de lodo aloha i doo bole.


Aagai koe, Bethlehem Ephrathah, koe e damaa mee ange i denga aamuli o Judah, aagai dahi dagi e sula age naa i oo daha, ia e dagi naa i Israel, gai ia ne daamada mai huu i denga masavaa gu hulo, gai ne daamada mai loo madagidagi.


Gai au e hai naa gi mmahi de hodooligi o Babylon, aagai e hai Pharaoh gi deai ono mahi. Gai gi iloo ai e gilaadeu bolo go au donu go Iahweh, i dagu masavaa e dugu ange ai dagu gadilaasa gi lo te lima o de hodooligi o Babylon, gai ia ga hebagi ange ai naa gi de henua go Egypt.


Aagai koe, e Tagi Maolunga, e hodooligi ga hano ai; doo nohoanga hodooligi e dagodo naa donu huu i denga atangada alodahi.


Go au donu Tagi Maolunga, doodou Ia Dabu, de ia ne hagadau ina Israel, go doodou Hodooligi.”


E aha, goodou tigi iloo naa donu? Goodou tigi langona naa donu? Tagi Maolunga de Maadua, e deai sono daamada be se hagaodi, go ia ne haia henua i lalo alodahi. Ia e dee dalea donu aabe e deai ono mahi, gai e deai donu se dangada e daea dono donu ange.


E hagadaba Tagi Maolunga de Maadua, “Go au de Alpha ma de Omega, go de ia e mouli iainei gai gu mouli mai huu madagidagi, gai e humai naa hogi — go de Ia Mmahi Mmao laa.”


E hagadaba Tagi Maolunga, de Ia Hagaola o Israel, gai go dono Ia Dabu, ange gi de ia e hagangadi mee ina ma de kino ai o denga huaahenua, ma ange gi tangada hai hegau o denga dagi: “Denga hodooligi e tuu age naa, i de masavaa alaadeu e gidee ai goe, denga dagi o de henua e ino naa gi lalo, i delaadeu gidee goe, go hiidinga Tagi Maolunga, go de ia e hai hegau i de muna abodonu, gai go de Ia Hagaola ma de Ia Dabu ma o Israel, ne hilihilia goe.”


Koe tigi langona naa donu? Au ne hagamodu mee nei i mua loo. Au ne hagatau mee nei madagidagi loo; gai iainei au gu hagassula mee nei, gai koe ga oha ai denga aduhale buibui ga hai gu ni hagabuudungaa mee maoha.


Au e dee magau donu aagai e mouli, ga tala dagodo hegau hagalele mouli a Tagi Maolunga.


Tagi Maolunga, au e aloha i de goe, go koe ogu mahi.


Tagi Maolunga, hidi age, hagadee kii ina gilaadeu! Gai hagaola ina mai au i de gau baubau i dau gadilaasa.


Koe tigi langona naa donu bolo au ne hagamodu mee nei i mua loo? Au ne hagatau mee nei madagidagi loo; gai iainei au gu hagassula mee nei, gai koe ga oha ai denga aduhale buibui ga hai gu ni hagabuudungaa mee maoha.


E deai ange donu se dangada e dabu bei Tagi Maolunga, e deai ange donu e bei oo dagodo; e deai ange donu se baba e bei taadeu Maadua.


Gai de leo laa ne hai mai, “Siia au mee alodahi e gidee i dahi beebaa mulo ma gi gaavee gi denga nohoanga dabu e hidu i Asia: go de nohoanga dabu o Ephesus, ma Smyrna, ma Pergamum, ma Thyatira, ma Sardis, ma Philadelphia, aama Laodicea.”


Aagai ga hai naa donu mee nei i laangi laa, go Tagi Maolunga e hagadaba, gai au e dee daa donu goodou gi odi.


E hagadaba Tagi Maolunga, “De henua alodahi e maoha naa ga ngadi dagodo, gai au e dee oha naa donu gi odi.


E hagadaba de Ia Maolunga Mmao go de Ia Aamua — go de ia e mouli ga hano ai, gai dono ingoo e dabu: “Au e noho i de mommee maolunga ma de dabu, aagai au e noho hogi i daho tangada e dahuli ono lodo ma de lodo maolalo, gai au ga hagamouli de hagasaalunga o tangada lodo maolalo aama de hagammahi lodo o dangada gu daahuli olaadeu lodo.


Gai Abraham ga doo dahi tamarisk i Beersheba, gai ia ga dalodalo ange gi Tagi Maolunga, de Maadua e mouli laa ga hano ai.


Au ne hagadaba, “Dogu Maadua, koe gi dee gaavee gee au i dogu masavaa e dama daane ai, gai koe e mouli donu i denga atangada alodahi.


E vakaa naa gilaadeu e hulo laa gi Egypt e ssala ai delaadeu bale, gai e hagadonusia mahi o denga hoosa, ma de tali hagalodolodo ange gi denga hada hebagi lagolago, ma mahi o olaadeu daane i honga hoosa, aagai e dee anga ange gi de Ia Dabu o Israel, aabe e dangidangi i de bale mai i daho Tagi Maolunga.


Goai donu aau ne hagadogaa laa ma de hagangadi mee? Gai goai aau ne basa bole ange naa ma de hagamaolunga ange aagena? Koe gu hai baasi ange donu gi de Ia Dabu o Israel!


Ia ne duu age, gai henua i lalo gu ngalungalue; ia ne galo ange ga tilo, gai denga huaahenua gu bolebole. Denga mounga mai i mua gu maoha ma gu malili iho, gai denga duuduu gu daulooloa laa gu baakuu — aagai ia e noho ga hano ai.


“Gai au e humai naa e hagamodu oodou muna. Gai e moolau naa donu dagu hagabaubau de gau hai huuhuaa mee, ma de gau dagodo haisala, ma gilaadeu e hagatoo donu i de hadu muna, ma gilaadeu e daohia hagaoanga o de gau hai hegau, ma gilaadeu e vaivai haia denga haahine gu maakau olaadeu bodu ma denga gauligi gu deai olaadeu damana, ma gilaadeu e dee abodonu ange gi de gau henua gee, aagai e dee maatagu i de au,” go Tagi o denga hagabuulinga hebagi e hagadaba.


Aagai koe, de Maadua, go demaadeu Hodooligi mai madagidagi loo, koe ne hagahai hegau de hagaola i henua i lalo alodahi.


De Ia Aamua, gimaadeu e nnoho paba i oo daha i denga atangada alodahi.


De gau Israel gi malangilangi i de ia ne haia gilaadeu; dangada o Zion gi lodo danuaa i delaadeu Hodooligi.


Swiv nou:

Piblisite


Piblisite