Genesis 9:26 - De Beebaa Dabu

²⁶ Ia ne hagadaba hogi, “Duuhia Tagi Maolunga, de Maadua o Shem, gai Canaan gi se dangada hai hegau niio Shem.

Genesis 9:26 Referans Kwoze

Psalm 144:15

E manuuia dangada e dagodo bee nei; E manuuia dangada go Tagi Maolunga delaadeu Maadua.

Hebrews 11:16

Aagai deenei tagodo, gilaadeu ne llodo mmao i de henua e danuaa ange — go de henua i de langi. Deelaa ai, de Maadua e dee dogaa donu i de hagabinga go delaadeu Maadua, go hiidinga ia gu hagadabena ange dahi aduhale gi gilaadeu.

Romans 9:5

Gai go gilaadeu hogi hagadiilinga o denga dubuna madagidagi, gai Klisdo se mogobuna niiolaadeu, gai go ia de Maadua i honga mee alodahi, gai gi duuhia ia ga hano ai! Amen.

Deuteronomy 33:26

Jeshurun, e deai ange donu e bei dagodo o de Maadua, ia e lele mai laa lo te langi e bale adu goe, ma de humai laa lo te langi i dono mahamaha.

Genesis 27:37

Gai Isaac ne basa ange ga hai ange gi Esau, “Au gu hai ia go doo dagi, gai ono daina alodahi e hai hegau ange naa gi de ia; gai au gu gaavange gi de ia denga grain, ma uvaini e gaimee ai ia. Gai se aha naa donu aagu e maua i de hai adu maau, e dagu dama?”

Genesis 27:40

Koe e mouli naa i dau gadilaasa, gai koe e hai hegau ange naa gi doo daina daane. Aagai de masavaa naa huu oou e huli ange ai gi de ia, gai koe e hadihadi naa dana laagau gu hagauda adu gi honga doo eu.”

Genesis 14:20

Duuhia de Maadua Maolunga Mmao laa, go de ia ne hagaola ina goe mai i oo hagadaumee.” Gai Abram ne gaavange gi de ia tahi diba i diba e madaangahulu o mee alodahi.

Genesis 24:27

ga hagadaba, “Duuhia Tagi Maolunga, go de Maadua o dogu dangada aamua go Abraham. Ia tee ngalo donu dono abodonu, ma de hai hegau i de mee abodonu ange gi dogu dangada aamua. Tagi Maolunga gu dagi mai donu au gi de hale o dangada o dogu dangada aamua.”

Genesis 27:29

Gai gi soa huaahenua e hai hegau adu gi de goe, gai denga huaahenua gi ino adu gi de goe. Gai go koe gi dagina oo daina, gai dama a doo dinana gi ino adu gi de goe. Dangada e hagamalaia ina goe gi maalaia naa, gai gilaadeu e hagamanuuia ina goe e manuuia naa.”

1 Kings 9:21

gai olaadeu hagadiilinga goi nnoho huu i honga de henua, go hiidinga de gau Israel tee maua i de daa gilaadeu gi odi — aanei dangada a Solomon ne hagahai hegau laa, ga dae mai ai gi anailaa nei.

Joshua 9:23

Deenei ai, goodou gu hagamalaia; taulooloa doodou mouli gai goodou gu ni dangada e duuduudia denga lahhie ma de asuasu mai vai i de hale o dogu Maadua.”

Judges 1:28

Gai de masavaa huu o de gau Israel ne mmahi ange ai i de gau Canaan, gai gilaadeu ga hai gilaadeu gi ni dangada hai hegau niiolaadeu, tee hai gilaadeu gi hulo gee mai i olaadeu daha.