Genesis 6:18 - De Beebaa Dabu

¹⁸ Aagai au e hai naa dahi hagatoo donu hagaheloongoi madali goe; gai koe ga ulu ai gi lo te vaga hale laa madali au dama daane, ma doo bodu, ma bodu o au dama.

Genesis 6:18 Referans Kwoze

Hebrews 11:7

De gai o Noah, i de masavaa a Maadua ne hagakana ange ai ia, i dagodo o mee tigi gidee, ne hai ga maua e ia i de hagaduu dahi vaga hale ga hagamouli ai dono huaabodu, i hiidinga dono madagu. Dono gai ne hagabaubau henua i lalo, gai ia gu hagabinga hogi bolo se daane heohi i dono gai.

Genesis 7:7

Gai a Noah ma ana dama daane ma dono bodu ma bodu o ana dama, ga ulu gi lo te vaga hale gi ola mai ai gilaadeu i tolona.

Genesis 17:7

Gai au e hai naa dahi hagatoo donu hagaheloongoi e dee ngado mai adu gi de goe, ma doo hagadiilinga e loomai i oo dua, aama olaadeu atangada alodahi, bolo au go doo Maadua aama de Maadua o doo hagadiilinga e loomai i oo dua.

Genesis 7:13

Gai go de laangi laa donu hogi o Noah ma ana dama daane, go Shem, ma Ham, ma Japheth, ma de bodu o Noah, ma bodu o alaau dama daane dogodolu ne ulu ai gi lo te vaga hale,

Isaiah 26:20

Ogu dangada, goodou hulo ulu gi lodo oodou aabi, ma gi bonodia ange oodou haitoga, ga mmuni ai i dahi masavaa bodobodo, ga dae ai gi de ui de masavaa o de bole.

2 Peter 2:5

gai noo ia tee hagaola henua i lalo madagidagi, i de masavaa aana ne gaamai ai tolona gi honga o dangada tee haia lodo o de Maadua, aagai ne hagaola donu huu Noah, de ia ne agoagona dagodo o de heohi, madali e dogohidu ange dangada;

1 Peter 3:20

go gilaadeu tee daudali laa i muna a de Maadua madagidagi, i de masavaa a de Maadua ne golomagi ai ono lodo ga tali ange gilaadeu i laangi o Noah, i de masavaa a Noah ne hagaduu ai de vaga hale. Gai ne sogoisi donu huu dangada i lo te vaga laa, se dogovalu alodahi gilaadeu ne ola mai i lodo vai laa.

Genesis 7:1

Gai Tagi Maolunga ga hai ange gi Noah, “Hannoo ulu gi lo te vaga hale madali dangada alodahi i doo huaabodu, go hiidinga au gu gidee bolo koe se daane e heohi oo dagodo i de atangada nei.

Genesis 17:21

Gai au e hai naa dagu hagatoo donu hagaheloongoi madali Isaac, tama a Sarah e haanau adu gi de goe, i de masavaa bee nei i de ngadau e humai nei.”

Genesis 17:4

“Tilo, au e hai dahi hagatoo donu hagaheloongoi madali goe, gai koe e hai naa go tamana o denga huaahenua soa.