Genesis 6:11 - De Beebaa Dabu

¹¹ De masavaa laa gai henua i lalo gu kona mmao de hakino gee, i mada luu mada o de Maadua, gai gu laumalie de alasala i henua i lalo.

Genesis 6:11 Referans Kwoze

Ezekiel 8:17

Gai ia ne hai mai gi de au, “Tama a tangada, koe gu gidee naa mee nei? Dangada o Judah e dee anga ange donu gi denga hegau hakino gee alaadeu gu hai i kinei; gilaadeu gu hai ma gu dohu honga de henua i denga dahulinga hakino gee, ga hai ai gi kii ange dogu lili. Galo ange diiloo gilaadeu e dugu ange de laa manu gi mada olaadeu usu.

Habakkuk 2:8

Koe ne hai gi de mahi mee a denga huaahenua soa, deelaa ai, dangada e doe i denga huaadangada e hai naa gi de mahi oo goloa. Go hiidinga koe ne daa dangada ga maakau; koe ne oha denga henua ma aduhale aama dangada alodahi e nnoho ai.

Romans 3:19

Gidaadeu e iloo bolo muna alodahi o de hainga e basa ange gi dangada e nnoho laa i lalo de hainga, gi dee maua ai e dahi dangada daudahi i de hagaheohi donu huu ia, gai henua i lalo alodahi gi too ange gi de hagaduasala a de Maadua.

Romans 2:13

Gai e dee go gilaadeu e iloo laa de hainga e heohi i mada luu mada o de Maadua, aagai go gilaadeu e daudali i de hainga e hagaheohi ai.

Ezekiel 28:16

Doo hano saele ga hagao mee lagolago gu hai goe ma gu se dangada e vaivai haia dangada, gai koe gu haisala. Gai au ne alualu goe mai i de mounga o de Maadua ma de hagangadi mee goe. De cherub e hagaloosia laa, au ne hai goe gi hano gee goe, mai i magavaa o denga hadu o de ahi.

Isaiah 60:18

Gu deai naa donu dangada alasala e gidee i doo henua, e deai mommee e ngadi daakodo ma de maoha i doo henua, aagai koe e hagaingoo ange naa doo buibui go de Hagaola, gai e hagaingoo ange oo haitoga go de Tuhi.

Luke 1:6

Gilaau ni dangada e heohi abodonu i mada luu mada o de Maadua, gai e honu delaau daudali i muna alodahi ma hainga a Tagi Maolunga gu hagasauaa.

Habakkuk 2:17

Au hegau alasala ne hai ange gi Lebanon e hai naa ga manavasaa oo lodo, gai dau daa ga maakau denga manu dolodolo e hai naa goe ga madagu, i hiidinga dodo o dangada ma dau vaivai hai denga henua ma aduhale aama dangada alodahi e nnoho ai.

Habakkuk 1:2

Tagi Maolunga, dee hee maa taulooloa dogu dangidangi adu i de bale, aagai koe e dee anga mai e hagallongo? Aabe go dagu hai adu gi de goe, “Gu vaivai haia dangada!” aagai koe e dee hagaola gilaadeu?

Jeremiah 6:7

De aduhale nei e honu malingilingi i de baubau, bei de vai geli e honu baabaa laa i vai. De alasala ma de oha mee e hai i kilaa; gai au e gidee dagodo o dono magi ma ono maanuga i masavaa alodahi.

Psalm 140:11

Haia de gau hai samu gi dee noho paba i honga de henua; gai de hai ngadaa gi duu ange gi de gau alasala.

Psalm 55:9

Dogu Ia Aamua, haia gi dee heloongoi de gau baubau, go hiidinga au gu gidee de vaivai haia o dangada ma de hebagi i lo te aduhale.

Psalm 11:5

Tagi Maolunga e tilo dagodo o dangada heohi, aagai ia e kino i de gau baubau, ma gilaadeu e vaivai haia dangada.

Genesis 13:13

Gai de gau Sodom ni dangada baubau, ma de kona de haisala ange gi Tagi Maolunga.

Genesis 10:9

Gai ia gi se daane e abo i de dili manu i mada luu mada o Tagi Maolunga; deelaa ai, e hai ange, “Koe e bei dagodo o Nimrod, taane abo i de dili manu i mada luu mada o Tagi Maolunga.”

2 Chronicles 34:27

Go hiidinga koe ne dahuli oo lodo ga hagamaolalo i mada luu mada o de Maadua, i dau masavaa aau ne langona ai ana muna, e hai baasi ange ai gi de mommee nei ma ono dangada, ma hiidinga doo hagamaolalo i mada luoogu mada, ga ssae oo malo ma de dangi i ogu mada i mua — deenei ai, e hagadaba Tagi Maolunga: Au gu langona au muna.

Genesis 7:1

Gai Tagi Maolunga ga hai ange gi Noah, “Hannoo ulu gi lo te vaga hale madali dangada alodahi i doo huaabodu, go hiidinga au gu gidee bolo koe se daane e heohi oo dagodo i de atangada nei.

Genesis 6:10

Noah ne hagadili e dogodolu dama daane: go Shem, ma Ham, aama Japheth.

Exodus 32:7

Gai Tagi Maolunga ga hai ange gi Moses, “Hagamoolau hano iho gi lalo, go hiidinga au dangada ne hagassao mai i de henua go Egypt, gu hai denga dahulinga hakino gee.

Deuteronomy 31:29

Go hiidinga au e iloo bolo dua naa huu dogu magau, gai goodou e hagahaisala naa, ma de hulo gee i de haiava aagu gu tala adu gi goodou. Gai denga mee hai ngadaa e paa naa i goodou i laangi e loomai, go hiidinga goodou e hai naa de baubau i mada luu mada o Tagi Maolunga, gai goodou e hai naa ia ga lili i oodou hegau e hai.”

Judges 2:19

Aagai de masavaa naa huu o delaadeu dangada hagamodu muna e magau ai, gai gilaadeu ga aahe ange ga hai gu kii ange delaadeu hakino gee i olaadeu damana, ma de daudali ange gi denga diinonga ange laa, ga hai hegau ange gi gilaadeu aama de daumaha ange gi gilaadeu. Gilaadeu tee llodo e tili alaadeu dahulinga, ma de hagamakaga olaadeu lodo.