Genesis 50:15 - De Beebaa Dabu

¹⁵ Gai ga gidee huu e denga daina o Joseph bolo gu magau delaadeu damana, gai gilaadeu ga hagataba, “Agu made Joseph e kino naa i gidaadeu ga sui mai mee baubau alodahi adaadeu ne hai ange gi de ia.”

Genesis 50:15 Referans Kwoze

Proverbs 28:1

Tangada baubau e savini naa ga hano, e dee galemu donu teai dangada e dolohia ia, aagai tangada heohi e lo taane bei de laiono.

Psalm 53:5

Gai olaadeu dagodo, de mommee e deai ai se mee hagamaatagu gai gilaadeu e kona mmao de maatagu. Gai de Maadua e hagassii saele naa ivi o dangada e hebagi adu gi de goe. Koe gu hagadookaa gilaadeu, go hiidinga de Maadua gu tili gilaadeu.

Psalm 14:5

Aagai gilaadeu e maatagu mmao, go hiidinga Tagi Maolunga e madali gilaadeu e heohi.

Leviticus 26:36

Gai au e hai naa gi maatagu dangada e doe i de henua o olaadeu hagadaumee. Gilaadeu e maatagu naa ga saavini i de ssau mai o de madangi ga ili saele denga lau manu. Gilaadeu e saavini naa bei dagodo o tangada e savini ga hano gee mai i de gadilaasa, gai gilaadeu e baakuu naa donu, e dee galemu e deai donu dangada e dolohia gilaadeu.

Romans 2:15

Gai gilaadeu e hagaago mai bolo de hainga gu sisi donu i olaadeu lodo, gai tagi o olaadeu lodo e tala hagadonu hogi mee nei, gai alaadeu maanadu e hagabaubau aabe e hagaheohi gilaadeu,)

Genesis 42:17

Gai Joseph ne hai gilaadeu alodahi gi nnoho i lo te hale pono i e dolu laangi.

Genesis 37:28

Gai hanu daane hagao mee mai i Midian ne loomai laa kilaa, gai daina o Joseph ga dada age ia i lo te geelinga laa, ga hagao ange gi dangada de aamuli o Ishmael i e madalua dibaa selevaa, gai de gau laa ga kave Joseph madali gilaadeu gi Egypt.

Genesis 50:14

Dua huu dana danu dono damana, gai Joseph ma ono daina daane, aama dangada alodahi ne loomai laa madali ia gi de danu o dono damana gu aahe gi Egypt.

Genesis 50:16

Gai gilaadeu ga kave dahi gi hano gi hai ange gi Joseph, “Doo damana ne tala mai i mua dono magau, ga hai mai,

Genesis 37:18

Aagai ga gidee adu huu e gilaadeu ia i de mommee mmao, i mua dono humai ga dae mai gi olaadeu daha, gai gilaadeu ga hagasaele ange bolo gilaadeu ga daa ia gi magau.