Genesis 49:4 - De Beebaa Dabu

⁴ Koe e bei denga vai e dee maua laa gi malino, gai koe e dee maua naa donu gi maolunga, go hiidinga koe ne hano ga gage ange gi honga de moenga o doo damana ga hai gu hakino gee.

Genesis 49:4 Referans Kwoze

Genesis 35:22

De masavaa o Israel e noho ai i de henua laa, gai Reuben ne hano ga dagodo haisala ma Bilhah, dahi bodu laa daha o dono damana, gai Israel gu langona e ia. Gai Jacob e dinoangahulu ma dogolua ana dama daane:

1 Chronicles 5:1

Dama daane a Reuben, tama madua a Israel. (Go ia tama madua, aagai ia ne dagodo haisala madali de bodu o dono damana, gai de boolonga o tama madua gu gaavange ai loo gi luu dama daane a Joseph, tama daane a Israel. Gai ia tee sisi dono ingoo i tuulanga o tama madua e gaavee laa de boolonga,

Deuteronomy 27:20

“E malaia tangada e dagodo haisala ma de bodu o dono damana, go hiidinga ia tee hagadubu dono damana.” Gai dangada alodahi gi hai ange, “Amen!”

Deuteronomy 33:6

De aamuli o Reuben gi mouli, gi dee maakau, e dee galemu donu de sogoisi ono dangada.”

1 Corinthians 5:1

Gai gu hagadele mai bolo hanu dahulinga dagodo haisala e hai i oodou magavaa, gai ni dahulinga donu e dee hai i daho denga Gentile; dahi daane e dagodo haisala ma de bodu o dono damana.

Deuteronomy 5:21

Aude nnoo ange gi de bodu o tangada e baa adu gi de goe. Aude nnoo ange gi de hale, be go de gelegele o tangada e baa adu gi de goe, be go dono daane hai hegau, be go dono hahine hai hegau, be go dana kaau, be go dana donkey, aabe go dahi ana mee daudahi.”

Genesis 46:8

Aanei ingoo o dama a Israel (e bei go Jacob ma dono hagadiilinga) ne hulo gi Egypt: Reuben go tama daane madua a Jacob.

2 Peter 3:16

Ia ne sisi donu hogi mee nei i lodo ana leda alodahi, ma de basa i dagodo o mee nei. Gai e hanu mee i lodo leda nei e hai ngadaa i taadeu tonu ange aagena, go mee a de gau ssenga ma gilaadeu e llodo lagolago e hagadonu sala, ga hidi mai ai delaadeu daa ga maakau, gai e bei hogi delaadeu hai e hagadonu ai laa muna o de Beebaa Dabu ange laa.

2 Peter 2:14

Olaadeu mada e haaina denga haahine hai be se manu, gai e dee lava donu olaadeu llodo i de haisala. Gilaadeu e hagasenga gilaadeu e baageaa olaadeu lodo. Gai olaadeu lodo gu hagaabo ange gi de nnoo hagamau mee. Gilaadeu gu hagamalaia donu!