Genesis 48:16 - De Beebaa Dabu

¹⁶ go tangada de langi ne hagaola ina mai au i denga hai ngadaa alodahi — gi hagamanuuia ina hogi luu gauligi daane nei. Gai gilaau gi gaavee dogu ingoo ma ingoo o luoogu damana go Abraham ma Isaac gai gilaau gi hagadili gi soa i henua i lalo.”

Genesis 48:16 Referans Kwoze

Psalm 34:22

Tagi Maolunga e hagaola ono dangada hai hegau; gai e deai donu se dangada aana e buibui e hagaduasala.

Genesis 49:22

Joseph e bei de grapevine hua lagolago, gai se grapevine hua lagolago i gaogao dahi saalingaa vai; ono laa e ssinga ange naa laa honga de buibui.

Genesis 48:5

Gai luaau dama daane ne hagadili i Egypt, go Ephraim ma Manasseh, i mua dogu humai gi oo daha i kinei gu niiagu donu; gilaau gu bei donu dagodo o Reuben ma Simeon, gilaau gu niiagu.

2 Timothy 4:18

Gai Tagi Maolunga e hagaola naa donu au mai i denga hegau baubau alodahi, ma de hagaola au ga kave gi dono nohoanga hodooligi i de langi. Gai hagamahamaha ina ia ga hano ai e dee ngado mai. Amen.

Joshua 17:17

Gai Joshua ga basa ange gi de aamuli o Joseph, go hagadiilinga o Ephraim ma Manasseh, ga hai ange, “Goodou e soa gai e mmahi, gai e dee dahi donu huu oodou vaaenga e kave,

Hebrews 11:21

De gai o Jacob ne hai ga maua e ia i de hagamanuuia luu dama daane a Joseph, i dono masavaa ne dai magau ai, gai ia ne ino ange gi honga dono dogo ga daumaha ai.

Acts 15:17

gai gi saalaa ai e dangada e doe Tagi Maolunga, aama denga Gentile alodahi gu hagaingoo i dogu ingoo, go Tagi Maolunga donu e hagadaba, go de ia e haia mee nei alodahi

John 17:15

Au e dee dangidangi adu koe gi gaavee gee gilaadeu i henua i lalo, aagai gi buibuia gilaadeu mai i de ia baubau laa.

Isaiah 63:9

Ia ne hagaduasala hogi i olaadeu hagaduasala alodahi, gai tangada de langi i mada luoono mada ne hagaola gilaadeu. Gai ia ne hagaola gilaadeu i dono aloha ma dono abodonu; ia ne saabai gilaadeu i honga luoono eu mai i denga laangi gu hulo.

Psalm 121:7

Tagi Maolunga e hagaloosi naa goe mai i mee baubau alodahi; ia e hagaloosi naa doo mouli.

Titus 2:14

Ia ne gaavange ia e hagao ai ma de hagaola mai ai gidaadeu i odaadeu baubau alodahi, gai ia ga hagagilimalali ai gidaadeu e hai ai ono dangada donu, go dangada e llodo abodonu laa e haia hegau danuaa.

1 Corinthians 10:9

Gidaadeu gi dee hagataalea Tagi Maolunga bei hegau a hanu gilaadeu ne hai, gai gilaadeu ne maakau i de gadigadi a denga labodo hagammau.

Amos 9:12

Gai gilaadeu e kave naa mommee e doe i Edom aama huaahenua alodahi e hagaingoo i dogu ingoo, go Tagi Maolunga e hagadaba, go de ia e hagasula ina de mee nei.

1 Corinthians 10:4

gai alodahi ne unu hogi i vai mai i de baasi gi de hagasaalunga; gilaadeu ne unu mai i de hadu a de hagasaalunga ne daudali ange laa i gilaadeu, gai de hadu laa go Klisdo donu.

Romans 8:23

Aagai e dee go mee donu huu ne hai laa i taamada, gai e bei ai hogi, gidaadeu gu kave laa hua i taamada, go de Hagasaalunga ⌊Dabu⌋, e duasala donu odaadeu lodo i taadeu tali de masavaa odaadeu e hai ai gi ni dama daohi, go de hagaola o odaadeu angaanga.

Matthew 6:13

Gai gi dee dagia ange gimaadeu gi de hagatale, aagai hagaola ina gimaadeu mai i de ia baubau laa.’

Malachi 3:1

“Tilo, au e hai gi hano dogu dangada hagailoo, gai ia ga hagadabena ai de haiava i ogu mada i mua. Gai de Ia Aamua oodou e tali naa e daa hagalele naa donu de humai gi dono temple; gai tangada hagailoo o de hagatoo donu hagaheloongoi oodou e malangilangi ai naa e humai naa donu,” go Tagi o denga hagabuulinga hebagi e hagadaba.

Jeremiah 14:9

Gu aha goe gu bei ai naa dahi dangada gu lele laa ono mouli, bei taane hebagi gu deai ono mahi e hagaola ai dahi? Tagi Maolunga, koe e noho i omaadeu daha, gai gimaadeu gu kave doo ingoo; koe gi dee dilia gimaadeu!

Isaiah 47:4

Demaadeu Ia Hagaola, dono ingoo go Tagi o denga hagabuulinga hebagi, gai go de Ia Dabu o Israel.

Psalm 34:7

Tangada de langi o Tagi Maolunga e duuli ma de hagaloosi gilaadeu e maatagu i de ia, aama de hagaola gilaadeu.

Psalm 34:2

Dogu hagasaalunga e tala tuhi dagodo o Tagi Maolunga, gai gilaadeu e lodo maolalo e malangilangi naa i delaadeu langona.

2 Chronicles 7:14

gai noo ogu dangada e hagaingoo laa i dogu ingoo e hagamaolalo olaadeu lodo, ga dalodalo ma de aahe mai gi de au, gai ga tili alaadeu hegau baubau, gai au ga hagallongo alaadeu dalodalo mai i de langi, ga degi ange gi olaadeu haisala ga hagaieiangi delaadeu henua.

Deuteronomy 33:17

Dono mahamaha e bei dagodo o de kaau mmahi, gai luoono hanga e mmahi bei hanga o de kaau aada. Ia e hagalagolagohia denga huaadangada i luoono hanga, ga usu gilaadeu alodahi gi de bido laa o henua i lalo. Aanei dagodo o tahisemada dangada o Ephraim; aanei hogi dagodo o tahisemada dangada o Manasseh.”

Deuteronomy 28:10

Gai dangada alodahi i henua i lalo e gidee naa bolo koe gu hagaingoo i de ingoo o Tagi Maolunga; gai gilaadeu e maatagu naa i goodou.

Numbers 1:46

Gai taelodo alodahi se 603,550.

Exodus 1:7

Aagai de aamuli o Israel gu hagadili ga soa mmao; gilaadeu gu hagadaga ange donu de soa ma de mmahi, gai gu soa donu gilaadeu e nnoho i honga de henua alodahi.

Genesis 32:28

Gai ia ga hai ange, “Koe gu dee hagaingoo ange go Jacob, aagai go Israel, go hiidinga koe gu daudau ange gi de Maadua ma dangada, gai koe gu kii.”

Genesis 22:11

Aagai tangada de langi o Tagi Maolunga ga hagahi mai ia i de langi, ga hai ange, “Abraham! Abraham!” Gai ia ga hai ange, “Deenei au.”

Genesis 22:15

Gai tangada de langi o Tagi Maolunga ga hagaagahi mai Abraham i de langi i de lua hanonga,

Genesis 46:3

Gai ia ne hai ange, “Go au go de Maadua, go de Maadua o doo damana; aude madagu i de hano gi Egypt, go hiidinga au e hai naa goe gi se huaahenua soa i kilaa.

2 Samuel 4:9

Gai David ga hai ange gi Recab ma Baanah dono daina daane, luu dama daane a Rimmon taane Beeroth, “Au e hagatoo donu i de mouli o Tagi Maolunga, ne hagaola ina ngau mai i denga hai ngadaa alodahi:

Jeremiah 15:21

Au e hagaola naa goe mai i de gau baubau ma de hagaola goe mai i de gau alasala.”

1 Kings 1:29

Gai de hodooligi ga hagatoo donu, ga hagadaba, “Au e hagatoo donu i de mouli o Tagi Maolunga, go de ia ne hagaola ina ngau mai i denga hai ngadaa alodahi:

Psalm 34:8

Mami ange mage diiloo bolo Tagi Maolunga e danuaa; e manuuia tangada e buibui i ono daha!