Genesis 47:29 - De Beebaa Dabu

²⁹ Gai ga baa ange huu gi de magau o Israel, gai ia ga hagahi dana dama go Joseph, ga hai ange gi de ia, “Noo koe e malangilangi i de au, gai koe velosia ange doo lima gi lalo dogu dae, gai koe ga hagatoo donu mai gi de au, bolo koe e abodonu mai ma de hai hegau mai gi de au i de muna abodonu. Gai koe aude danumia au i Egypt,

Genesis 47:29 Referans Kwoze

Deuteronomy 31:14

Gai Tagi Maolunga ga hai ange gi Moses, “Tilo, gu baa mai de laangi oou e magau ai. Hagahia Joshua ma gooluu loomai gi de hale malo hagabuni, gai au ga hagadabu ai ia.” Gai Moses ma Joshua ne hulo ga tuu i lo te hale malo hagabuni.

Genesis 24:49

Deenei ai, noo goodou e abodonu aama de hai hegau i de muna abodonu ange gi dogu dangada aamua, gai goodou daalaa mai, gi iloo ai e au be goodou e uaa mai aabe deai; gai au gu iloo be ni aha aagu ga hai.”

Genesis 24:2

Gai Abraham ne hai ange gi dono daane hai hegau hugadoo e madua, go taane e diiloo ange ana mee alodahi, “Dugua ange doo lima gi lalo dogu bido i lalo,

1 Kings 2:1

De masavaa huu o David ne dai magau ai, gai ia ga tala ange ana muna gi dana dama go Solomon, ga hai ange,

Hebrews 11:22

De gai o Joseph ne hai ga maua e ia i de tala, de ssao o de gau Israel ga hulo gee mai i Egypt, ma de tala ange delaadeu hai e hai ai ono ivi, i de masavaa oona ne dai magau ai.

Hebrews 9:27

Bei de hai gu hagamodu ange ai laa bolo dangada e maakau i e dahi donu huu hanonga, gai dua naa huu mee nei go de hagamodu muna,

Psalm 89:48

Goai tangada e dee duu ange gi de magau? Gai goai e maua gi ola mai i ssauaa o de magau? Selah

Psalm 49:9

gi maua ai e ia i de mouli ga hano ai, maa tee gidee de magau.

Psalm 49:7

Ni muna abodonu, e deai se dangada e maua i de hagaola dahi dangada gee, aabe go de hagao ange de Maadua e hagaola ai dono mouli,

Psalm 6:5

E deai donu se dangada e manadua goe i dua dono magau. Gai goai naa e duuhia goe i de mommee o de gau maakau?

De Beebaa go Job 30:23

Au e iloo bolo koe e kave naa ngau gi de magau, go de mommee gu hagadabena ange gi dangada alodahi e mouli.

De Beebaa go Job 14:14

Noo tangada e magau, gai e maua naa gi mouli age ange? Laangi alodahi oogu e hagadalea, gai au e tali ga dae ai dogu masavaa e ilaage mai ai i de magau.

De Beebaa go Job 7:1

E aha, tangada e dee kona laa ana hegau i henua i lalo? Gai dono mouli e dee bei laa laangi o tangada hai hegau e hagao?

2 Samuel 14:14

Gidaadeu alodahi e maakau naa donu; gidaadeu e bei dagodo o denga vai gu maalingi laa gi honga de gelegele, gu dee maua i de ahe ange e hagabudu. Aagai de Maadua e dee kave de mouli o dahi; gai ia e ssala de hai e hagaahe mai ai de ia gu hai gi hano gee mai i ono daha.

2 Samuel 7:12

Gai de masavaa naa huu e odi ange ai oo laangi, gai koe e magau bei oo dubuna, gai au ga hai dahi oo hagadiilinga gi suuia goe, go dahi au dama donu, gai au e hai naa gi dagodo dono nohoanga hodooligi ga hano ai.

Genesis 47:9

Jacob ne hai ange gi Pharaoh, “Gu 130 ogu ngadau gu noho gaainga saele ai. Ogu ngadau ne mouli ai e sogoisi ma de hai ngadaa, gai au tigi daea donu ngadau o ogu maadua ne nnoho gainga saele ai.”

Genesis 3:19

Koe e hai hegau naa gi salia goe i taadaa, gai koe ga maua i de gaimee, ga dae ai gi doo ahe ange gi de gelegele, go hiidinga koe ne kave mai i de gelegele; gai koe go de mama donu o de gelegele, deelaa ai, koe e ahe ange naa donu gi de gelegele.”

Genesis 27:2

Isaac ga hai ange, “Au gu se daane madumadua iainei, gai au e dee iloo be dee hee dogu laangi e magau ai.

Genesis 50:5

‘Dogu damana ne hai au gi hagatoo donu ange gi de ia, ga hai mai: Au gu dai magau; gai koe danumia ngau i lo togu daanunga gu hagadabena mai gi de au i de henua go Canaan.’ Gai dugua mai au gi hano gi danumia dogu damana ga ahe mai ai.”

1 Samuel 26:10

Gai David ga hai ange, “Au e hagatoo donu i de mouli o Tagi Maolunga, bolo go Tagi Maolunga e daa ina ia gi magau; e dee hilihili be ia e magau i dono laangi e magau ai, aabe ia e magau i de hebagi.

2 Samuel 2:32

Gai denga daane o Joab ne kave Asahel ga danu i de mommee iai daanunga a dono damana i Bethlehem. Gai Joab ma ono daane ga seesee i de boo laa ga aahe gu tae gi Hebron i taiao age.

Genesis 48:21

Gai Israel ne hai ange gi Joseph, “Tilo, au gu dai magau naa, gai de Maadua gi noho madali goodou, ga hagaahe goodou gi de henua o oodou dubuna.

Genesis 50:12

Gai dama a Jacob ne hai donu ga bei ana muna ne tala ange gi gilaadeu;

Deuteronomy 31:16

Gai Tagi Maolunga ga hai ange gi Moses, “Tilo, gu baa mai doo masavaa e hano ai madali oo dubuna madagidagi; gai de huaadangada nei e daumaha ange naa, gi denga diinonga o de henua olaadeu ga hulo nei e nnoho ai. Gilaadeu e hulo gee naa i de au ma de oha dagu hagatoo donu hagaheloongoi gu hai madali gilaadeu.

Joshua 2:14

Gai luu daane laa ga hai ange gi de ia, “De Maadua gi daia gimaau gi maakau, noo gimaau e dee hai gi bei demaau hagatoo donu! Noo koe e dee tala ange gi dahi dangada dagodo o demaau hegau, gai de masavaa naa huu a Tagi Maolunga e gaamai ai de henua gi gimaadeu, gai gimaau ga abodonu adu hogi gi de goe i de muna abodonu.”

Joshua 23:14

Gu baa mai dogu masavaa e magau ai, bei dagodo o dangada alodahi. Gai goodou gu iloo i oodou lodo alodahi ma oodou hagasaalunga, bolo mee danuaa alodahi a Tagi Maolunga doodou Maadua ne hagatoo donu adu gi goodou ne hai donu ga bei, teai donu se mee tee sula.