Genesis 44:8 - De Beebaa Dabu

⁸ Tilo, gimaadeu ne hagaahe mai gi de goe, sseene amaadeu ne gidee laa i lodo amaadeu beagi, mai i de henua go Canaan; gai gu aha gimaadeu gu gaiaa ai hanu selevaa be ni goolo mai i de hale o doo dangada aamua?

Genesis 44:8 Referans Kwoze

Romans 13:9

Gai denga hainga nei, “Aude dagodo haisala, aude daia tangada gi magau, aude gaiaa, aude nnoo,” aama hainga ange laa e hagapuni alodahi i muna e hai ange laa, “Koe gi aloha i tangada e baa adu gi de goe gi bei doo aloha donu i de goe.”

Matthew 19:18

Taane laa ne ssili ange gi de ia, “Go hainga hee?” Iesu ne hai ange, “Aude daia tangada gi magau, aude dagodo haisala, aude gaiaa, aude hagabaubau ina dahi i de muna hadu;

Deuteronomy 5:19

Aude gaiaa.

Exodus 20:15

Aude gaiaa.

Genesis 44:7

Aagai gilaadeu ne hai ange gi de ia, “Demaadeu dangada aamua, gu aha goe gu basa mai ai naa bee naa gi gimaadeu? E dee maua donu e gimaadeu, oo dangada hai hegau, i de hai dahi hegau baubau bee naa!

Genesis 43:12

Goodou gaavee ange hanu sseene madali sseene alaadeu ne hagaahe ange laa, gi lodo oodou beagi madali goodou; agu made gilaadeu tee tilo gi danuaa.

Genesis 42:35

Gai de masavaa huu alaadeu ne llingi ai alaadeu beagi, gai tilo, sseene a dahi ma dahi goi daakodo donu huu i lodo alaadeu beagi, gai gilaadeu ma delaadeu damana gu kona donu de maatagu.

Genesis 42:27

Gai dahi gilaadeu ne hhuge age dana beagi e gaavange ai hanu grain e gai dana donkey i de mommee nnoho gaainga; gai ia gu gidee bolo ana sseene goi daakodo donu huu i lo tana beagi,

Genesis 42:21

Gai gilaadeu ne hagataba i olaadeu magavaa, “Ni muna abodonu, gidaadeu gu haisala ange donu gi taadeu daina daane. Gidaadeu ne gidee de duasala ono lodo, i de masavaa aana ne dangidangi mai gi gidaadeu, gai gidaadeu tee hagallongo ange; aanei hiidinga gu duu mai ai nei de hai ngadaa nei gi gidaadeu.”

Genesis 43:18

Gai denga daane laa gu maatagu, i de masavaa olaadeu ne gaavee ai gi de hale o Joseph. Gilaadeu ga hagataba, “Gilaadeu ne hai gimaadeu gi loomai gi kinei, i hiidinga o sseene ne hagaahe ange laa gi lodo adaadeu beagi, i de hanonga i mua. Ia gu lodo e hebagi mai ma de hagadee kii gidaadeu, ga kave adaadeu donkey ma de hai gidaadeu gi ni dangada hai hegau niiona.”