Genesis 43:29 - De Beebaa Dabu

²⁹ Gai Joseph gu gidee hogi e ia dono daina go Benjamin, go tama a delaau dinana, gai ia ga ssili ange, “Deenei doodou daina gauligi oodou ne tala mai laa?” Gai Joseph ga hai ange gi de ia, “Dagu dama, de Maadua gi hagamanuuia ina goe.”

Genesis 43:29 Referans Kwoze

Numbers 6:25

Tagi Maolunga gi hagamaalama ina goe i de maalama o luoono mada, ma de abodonu adu gi de goe.

Genesis 42:13

Aagai gilaadeu ga hai ange, “Oo dangada hai hegau ni hai daina e dinoangahulu ma dogolua. Gimaadeu ni dama nii dahi daane mai i de henua go Canaan; gai tama gauligi e noho i daho demaadeu damana iainei, gai e dahi omaadeu daina gu dee maleva.”

Hebrews 13:1

Goodou duudagi ina de hagadau aaloha bei dagodo o denga hai daina donu.

1 Timothy 1:2

Ange gi Timothy, dagu dama abodonu i de gai. De abodonu ma tegi aama de baba mai i daho de Maadua Tamana ma Klisdo Iesu taadeu Dagi Maolunga.

Mark 10:24

Gai ana dangada agoago gu llele olaadeu mouli i ana muna. Gai Iesu ga hai ange gi gilaadeu, “Agu dama, e hai ngadaa mmao de ulu i de nohoanga hodooligi o de Maadua!

Matthew 9:22

Aagai Iesu ne huli dua ga gidee e ia de hine laa, gai ia ga hai ange, “Dagu damaa hine, hagamaamaane ina oo lodo, doo gai gu hagaieiangi goe.” De masavaa laa donu huu gai de hine laa gu ieiangi.

Matthew 9:2

Gai tilo, hanu dangada ne saabai mai gi Iesu dahi daane balagelage i honga dono moenga. Gai de masavaa huu a Iesu ne gidee ai olaadeu kai, gai ia ga hai ange gi taane balagelage laa, “Dagu dama, koe gi lodo mmahi, gu maatala oo haisala.”

Malachi 1:9

Gai dangidangi ange gi de Maadua ia ga abodonu mai ai gi gimaadeu. Goodou e maanadu bolo ia e malangilangi naa i goodou, i doodou gaamai denga sigidaumaha bee nei? go Tagi o denga hagabuulinga hebagi e hagadaba.

Isaiah 33:2

Tagi Maolunga, koe gi abodonu mai gi gimaadeu; gimaadeu e tali adu donu huu goe. Go koe omaadeu mmahi i daiao alodahi, ma demaadeu hagaola i de masavaa omaadeu e hai ngadaa ai.

Isaiah 30:19

Dangada o Zion, e nnoho laa i Jerusalem, goodou e tuu naa doodou tangi. Ia e abodonu adu naa donu gi goodou i doodou tangi ange ia gi balea adu goodou. De masavaa naa donu huu aana e langona ai, gai ia ga basa adu gi goodou.

Psalm 112:4

De maalama e hagamaalama gilaadeu e heohi i de masavaa e gohu ai, go hiidinga gilaadeu e abodonu ma de lodo aaloha aama de heohi.

Psalm 111:4

Ia gu hai gi dee ngalo ana hegau hagalele mouli; Tagi Maolunga e degi ma de lodo aloha.

Psalm 67:1

De Maadua gi abodonu mai ma de hagamanuuia gidaadeu aama de hagamaalama gidaadeu i de maalama o luoono mada, Selah

2 Chronicles 29:11

Agu dama, goodou aude ngadi nnoho, go hiidinga Tagi Maolunga gu lava i de hili goodou gi tuu i mada luoono mada gi haia ai ana hegau, ma de dudu mee maanongi.”

Joshua 7:19

Aagai Joshua ga hai ange gi Achan, “Dagu dama, au e hai adu gi de goe, koe gi hagamahamaha ina Tagi Maolunga, de Maadua o Israel, ma de tuhi ia; koe daalaa mai gi de au be se aha aau gu hai, aude hagamuunia donu i de au.”

Genesis 45:8

Deenei ai, e dee go goodou ne gaamai au gi kinei, aagai go de Maadua. Ia gu hai hogi au gi se damana hagadubu niio Pharaoh, gai se dagi i dono hale alodahi aama honga o Egypt alodahi.

Genesis 42:11

Gimaadeu alodahi ni dama daane nii dahi daane. Gimaadeu ni daane e hai hegau i de mee abodonu. Gimaadeu, oo dangada hai hegau e dee ni dangada mulidagi.”

Genesis 35:24

Dama a Rachel: go Joseph ma Benjamin.

Genesis 44:21

Gai koe ne hai mai gi gimaadeu, oo dangada hai hegau, ‘Gaamai ia gi ogu daha gi gidee ai donu au ia.’