Genesis 42:38 - De Beebaa Dabu

³⁸ Aagai Jacob ne hai ange, “E deai, dagu dama e dee hano donu madali goodou; dono daina daane gu magau, go ia donu huu e doe. Gai noo ia e hai dahi sala i doodou hulo, gai goodou e hai naa dogu biho sinasinaa nei ga moolau de hano iho gi de mommee o de gau maakau.”

Genesis 42:38 Referans Kwoze

Genesis 37:35

Gai ana dama daane ma ana damaa hine alodahi ga loomai e hagaaneane ange ia, gai ia e tee lodo, ga hai ange: “E deai, gai au e hano naa donu gi daho dagu dama i de mommee o de gau maakau, i dogu hinangalosaa i de ia.” Deelaa ai, dono damana ne dangi i hiidinga o Joseph.

Genesis 42:4

Aagai Jacob tee dugu Benjamin, taina daane o Joseph gi hano madali ono daina, go hiidinga ia ne manavasaa kana hai ange dahi sala gi de ia.

Genesis 37:33

Gai ia ga tilo de malo laa gu madea e ia, gai ia ga hai ange, “Deenei donu de malo o dagu dama. Dahi manu alasala gu lava donu i de daa ia ma gu gai.”

Genesis 42:13

Aagai gilaadeu ga hai ange, “Oo dangada hai hegau ni hai daina e dinoangahulu ma dogolua. Gimaadeu ni dama nii dahi daane mai i de henua go Canaan; gai tama gauligi e noho i daho demaadeu damana iainei, gai e dahi omaadeu daina gu dee maleva.”

Isaiah 46:4

Go au donu de ia e diiloo adu goe, go au ne haia goe ma de saabai goe; ga dae ai loo gi de masavaa oou e madumaatua ai ma de sinaa doo biho, go au e balea adu goe ma de hagaola goe.

Isaiah 38:10

“Au ne hagadaba: E aha, lo te madohi lua donu huu o dogu mouli, gai au e ulu i haitoga o de magau, au gu dee daea adu denga ngadau e doe i dogu mouli?

Ecclesiastes 2:26

Gai de Maadua e gaavange gi tangada e hagamalangilangi ina ia de heiangi, ma de iloo mee aama de malangilangi; aagai ia e hai tangada haisala gi hagabudulia ma de doange dono lava, e gaavange gi tangada e haia mee o de Maadua e lodo ai. De mee nei e deai hogi ono haigamaiana, gai e bei de ngadi doolohi a tangada de madangi.

Ecclesiastes 1:14

Au gu gidee mee alodahi gu hai i lalo de laa; tilo, mee alodahi e deai donu olaadeu haigamaiana, gai e bei de ngadi doolohi a tangada de madangi.

Psalm 90:10

Gai de lagolago o odaadeu ngadau e mouli ai se madahidu, aabe e madavalu, noo gidaadeu e mmahi; aagai laangi laa iai de hai ngadaa ma taemaha, gai e moolau donu de odi, gai gimaadeu e lele ga hulo.

Psalm 71:18

Gai ga madumadua naa donu au ga sinasinaa dogu biho, dogu Maadua, koe gi dee dilia loo au, ga dae ai gi dagu tala ange dagodo o doo mmahi gi denga atangada alodahi e loomai i muli.

1 Kings 2:6

Gai koe haia ange gi taane naa bei dagodo o doo heiangi; ia gu madumadua, aagai koe e dee dugua ange ia gi magau i de masavaa e noho baba ai.

Genesis 44:20

Tangada aamua, gimaadeu ne hai adu gi de goe, ‘Gimaadeu e dahi omaadeu damana, ia gu madumadua, ma dahi daina daane gauligi, se dama niiana ne hagadili i de masavaa oona gu madumadua ai. Dono daina daane gu magau, gai go tama nei donu huu e doe i dama a dono dinana; gai dono damana e kona donu de aloha i de ia.’

Genesis 37:34

Gai Jacob ga ssae ono malo, gai ia ga gahu i malo daladala ga hinangalosaa ai i dana dama i hanu laangi lagolago.

Genesis 42:37

Gai Reuben ne basa ange gi dono damana, ga hai ange, “Koe e maua i de daa gi maakau luaagu dama daane noo au e dee hagaahe mai Benjamin gi oo daha. Gai go au e diiloo ange ia ga hagaahe mai ia gi oo daha.”

Genesis 43:13

Goodou gaavee hogi doodou daina daane madali goodou ga aahe ai gi daho taane laa.

Genesis 44:22

Gai gimaadeu ne hai adu gi de goe, demaadeu dangada aamua, ‘Tama daane laa e dee maua donu i de hano gee mai i daho dono damana. Noo ia e hano gee mai i ono daha, gai dono damana e magau donu.’

De Beebaa go Job 41:32

De Leviathan e hagasii honga tai i dono savini, gai e hai ga tea honga tai bei de biho sinasinaa.