Genesis 42:36 - De Beebaa Dabu

³⁶ Gai delaadeu damana go Jacob ga hai ange gi gilaadeu, “Goodou gu hai au ga hinangalosaa i agu dama: Joseph gu dee maleva, gai Simeon gu dee maleva hogi, gai iainei goodou gu llodo hogi e kave gee Benjamin. Mee alodahi e hai baasi mai donu gi de au!”

Genesis 42:36 Referans Kwoze

Genesis 43:14

Gai de Maadua Mmahi Mmao laa gi lodo aloha adu gi goodou, i mada i mua o taane laa, gai ia gi dugu adu doodou daina daane ange laa ma Benjamin gi aahe mai madali goodou. Gai noo au gu hinangalosaa i teai agu dama, gai au gu hinangalosaa.”

1 Corinthians 10:13

E deai donu se hagatale daudahi gu hai adu gi goodou tigi hai ange hogi gi dangada alodahi. Gai de Maadua e hai hegau i de mee abodonu; ia e dee hagatale goodou gi kii ange i oodou mee e mau i de hagauda. Gai de masavaa naa huu oodou e tuu ange ai gi de hagatale, gai ia e hai hogi dahi haiava e hagaola ai goodou, gi maua ai e goodou i de hagauda i de lodo mmahi.

Romans 8:31

Gai aahee ai adaadeu muna ange gi de mee nei? Noo de Maadua e bale mai gidaadeu, gai goai ai naa e maua i de hai baasi mai gi gidaadeu?

Romans 8:28

Gai gidaadeu e iloo bolo de Maadua e hagahai hegau mee alodahi e hai ai de mee danuaa ange gi gilaadeu e aaloha i de ia, go gilaadeu gu hagahia laa bei dagodo o dana hagatau.

Matthew 14:31

De masavaa laa donu huu gai Iesu ga haalo ange dono lima ga poo Peter, ga hai ange gi de ia, “E damaa mee mmao doo gai. Gu aha gu lua lodo ai naa goe?”

Isaiah 41:10

Gai koe gi dee madagu, go hiidinga au madali goe, aude manavasaa oo lodo, i hiidinga go au donu doo Maadua. Go au e hagammahi ina goe, ma de bale adu goe; go au donu e daohia age goe i dogu lima madau i de heohi.

Isaiah 38:10

“Au ne hagadaba: E aha, lo te madohi lua donu huu o dogu mouli, gai au e ulu i haitoga o de magau, au gu dee daea adu denga ngadau e doe i dogu mouli?

Isaiah 27:9

Deenei de hai e degi ange ai gi baubau o Jacob; gai deenei de hai e aau gee ai ono haisala alodahi: i de masavaa aana e oha ai denga hadu alodahi o denga mommee o ssigidaumaha ga hai gu bei lehu, gu deai donu duludulu laagau o Asherah e doe, aabe ni mommee o ssigidaumaha o mee maanongi e tuu.

Ecclesiastes 7:8

De hagaodi o dahi mee e danuaa ange i dono daamada, de golomagi lodo e danuaa ange i de lodo maolunga.

De Beebaa go Job 7:7

De Maadua, manadua bolo dogu mouli e bei de madangi o de manava, au e dee ahe ange naa donu e malangilangi.

1 Samuel 27:1

Gai David ga hagadaba i ono lodo, “A Saul e daa naa donu au ga magau i dahi laangi. De mee danuaa go dogu savini e hano gi de henua o de gau Philistia; gai a Saul gu dee humai ai loo e ssala ngau i de henua go Israel, gai au gu ola mai i de ia.”

Psalm 34:19

Ga lagolago naa donu hai ngadaa o tangada heohi, aagai Tagi Maolunga e hagaola mai ia i mee nei hugadoo.

Genesis 47:12

Gai Joseph ne tilo ange dono damana ma ono daina aama de huaabodu alodahi o dono damana, ma de haangai ange gilaadeu, gi bei se soa o alaadeu dama.

Genesis 45:28

Gai Israel ga hagadaba, “Gu danuaa; dagu dama go Joseph goi mouli huu. Au e hano donu e tilo ia i mua dogu magau.”

2 Corinthians 4:17

Go hiidinga odaadeu hai ngadaa e hai donu huu i dahi masavaa bodobodo, e hagadabena ange ai gidaadeu gi de mahamaha laumalie e dee ngado mai laa, e dee maua laa i de hagahedae ange gi dahi mee daudahi,

Genesis 42:37

Gai Reuben ne basa ange gi dono damana, ga hai ange, “Koe e maua i de daa gi maakau luaagu dama daane noo au e dee hagaahe mai Benjamin gi oo daha. Gai go au e diiloo ange ia ga hagaahe mai ia gi oo daha.”

Jeremiah 31:15

E hagadaba Tagi Maolunga: “Dangada e langona de leo o dahi i Ramah, e dangi ma de dangi see. Rachel e dangi i hiidinga o ana dama; ia tee lodo gi hagaaneane ina ono lodo, i hiidinga ana dama gu odi i de maakau.”

Genesis 44:12

Gai taane laa ne daamada de ssala de mee laa, mai i daho tama madua ga hano iho ai gi tama gauligi hugadoo. Gai de ubu laa ne gidee mai i lo te beagi a Benjamin.