Genesis 42:28 - De Beebaa Dabu

²⁸ gai ia ga tala ange gi ono daina daane ange laa, ga hai ange, “Agu sseene e daakodo donu huu i lo tagu beagi.” Gai gilaadeu gu kona mmao tee paba olaadeu lodo ma de maatagu. Gai gilaadeu ne pasa i olaadeu magavaa ga hagataba, “Se aha a de Maadua gu hai mai nei gi gidaadeu?”

Genesis 42:28 Referans Kwoze

Luke 21:26

Dangada e ssili mada naa i delaadeu maatagu ma de manavasaa i mee gu dai loomai gi henua i lalo, go hiidinga mee mmahi i lo te langi e hagangaalue naa.

Amos 3:6

E aha, dangada e dee maatagu laa i de masavaa e ili ai de hanga manu i lo te aduhale? E aha, e maua gi dae mai de hai ngadaa gi dahi aduhale, noo e dee dugua ange e Tagi Maolunga?

Lamentations 3:37

Goai e maua i de tala dahi muna gai e hai ga bei, noo de Ia Aamua laa e dee dugu ange?

Lamentations 2:17

Tagi Maolunga gu hai gi bei dana hagatau, gai gu hagassula ana muna, go ana muna gu hagasauaa madagidagi loo. Ia gu oha de aduhale, ia tee lodo aloha ange donu aagena; ia gu hai de hagadaumee gi malangilangi i mee gu hai adu gi de goe, ma de hai oo hagadaumee gi mmahi ange i de goe.

Isaiah 45:7

Au ne hagaholi de maalama ma de hagadau de gohu; go au e haia de nnoho paba ma de hai ngadaa; go au go Iahweh, ne haia mee nei alodahi.

Song of Songs 5:6

Au ne hhuge ange de abaaba gi dogu dau soa, aagai ia gu huli ma gu hano. Gu deai ogu mahi i dagu langona dono leo. Au ne ssala ia, aagai au tee gidee ia; au ne hagaagahi ia, aagai ia tee basa mai.

Psalm 61:2

Au e hagahi adu goe mai i de bido laa o henua i lalo, i de masavaa e baageaa ai ogu lodo; dagina ange au gi de baba makaga e maolunga ange laa i de au.

1 Kings 10:5

ma denga gai i honga dono deebele, ma de hai e hagannoho ai denga dagi o de henua, ma ono dangada hai hegau ma olaadeu malo, ma dangada e hagadabena ina ana mee unu, ma denga sigidaumaha dudu a Solomon e hai i de hale o Tagi Maolunga, gai ia gu lele ono mouli.

Deuteronomy 28:65

Gai goodou e dee nnoho paba naa i daho denga huaahenua, gai e deai se mommee e hagammabu iho ai oodou vae. Aagai Tagi Maolunga e hai naa ga manavasaa oo lodo, gai koe e ino naa gi lalo, gu deai donu sau tali.

Leviticus 26:36

Gai au e hai naa gi maatagu dangada e doe i de henua o olaadeu hagadaumee. Gilaadeu e maatagu naa ga saavini i de ssau mai o de madangi ga ili saele denga lau manu. Gilaadeu e saavini naa bei dagodo o tangada e savini ga hano gee mai i de gadilaasa, gai gilaadeu e baakuu naa donu, e dee galemu e deai donu dangada e dolohia gilaadeu.

Genesis 43:23

Gai ia ga hai ange, “E danuaa, goodou aude maatagu. Doodou Maadua, go de Maadua o doodou damana gu hhao ange hanu mee hagamogomogo gi lodo oodou beagi; oodou sseene gu i ogu daha.” Gai ia ga hagasao mai Simeon gi olaadeu daha.

Genesis 42:36

Gai delaadeu damana go Jacob ga hai ange gi gilaadeu, “Goodou gu hai au ga hinangalosaa i agu dama: Joseph gu dee maleva, gai Simeon gu dee maleva hogi, gai iainei goodou gu llodo hogi e kave gee Benjamin. Mee alodahi e hai baasi mai donu gi de au!”

Genesis 27:33

Gai Isaac gu bolebole mmao, gai ia ga ssili ange, “Gai goai ne gaamai laa hanu gai ga gai au i mua doo humai? Gai au ga hagamanuuia ai ia, gai ia e manuuia naa donu!”

Genesis 42:29

Gai ga aahe huu gilaadeu ga tae gi daho delaadeu damana go Jacob i de henua go Canaan, gai gilaadeu ga tala ange gi de ia mee alodahi ne hai ange gi gilaadeu, ga hai ange,