Genesis 42:2 - De Beebaa Dabu

² Gai ia ga hai ange, “Au gu langona bolo e hanu grain i Egypt. Goodou hulo gi kilaa hagao ina mai ai hanu gai maadaadeu, gi dee maakau ai gidaadeu gai gi mouli.”

Genesis 42:2 Referans Kwoze

Genesis 43:8

Gai Judah ga hai ange gi dono damana go Israel, “Dugua tama naa gi hano madali au, gai gimaadeu ga hagamoolau e hulo, gi dee maakau ai gidaadeu ma adaadeu dama, gai gi mouli.

Matthew 4:4

Aagai ia ga hai ange, “Gu sisi e hai ange, ‘Tangada e dee mouli donu huu i pelaoaa, aagai ia e mouli donu i muna alodahi e tala i de ngudu o de Maadua.’ ”

Isaiah 38:1

De masavaa laa gai Hezekiah ne magi ga dai magau. Gai de pelaabisi go Isaiah, tama daane a Amoz ne humai gi ono daha, ga hai ange gi de ia, “E hagadaba Tagi Maolunga: Hagadabena ina mee i doo hale, go hiidinga koe e dee ieiangi naa donu gai e magau.”

Psalm 118:17

Au e dee magau donu aagai e mouli, ga tala dagodo hegau hagalele mouli a Tagi Maolunga.

Genesis 45:9

Gai goodou hagamoolau aahe gi daho dogu damana, ga hai ange gi de ia, ‘Aanei muna a dau dama go Joseph ne hai mai: De Maadua gu hai au gi se dangada aamua i Egypt alodahi. Gai koe hagamoolau humai gi dae mai goe gi ogu daha.

Genesis 43:4

Noo koe e dugu demaadeu daina daane gi hano madali gimaadeu, gai gimaadeu gu maua i de hulo e hagao mai hanu gai maadaadeu.

Genesis 43:2

Gai ga odi huu denga grain alaadeu ne gaamai laa i Egypt, gai delaadeu damana ga hai ange gi gilaadeu, “Goodou aahe hulo hagao ina mai ange hanu momo gai maadaadeu.”

Acts 7:12

Gai ga langona huu e Jacob bolo e hanu grain i Egypt, gai ia ga hai odaadeu dubuna madagidagi gi hulo i tahi hanonga.

Genesis 42:3

Gai e dinoangahulu daina daane o Joseph ne hulo gi Egypt e hagao ai grain.

Psalm 33:18

Aagai Tagi Maolunga e daumada gilaadeu e maatagu i de ia, ma gilaadeu e tali hagalodolodo ange gi dono abodonu,

Psalm 33:19

gai ia e hagaola gilaadeu mai i de magau, ma de tilo gi mouli gilaadeu i de masavaa o de onge.