Genesis 41:6 - De Beebaa Dabu

⁶ Gai tilo, e hidu ange gau looloa grain gu hhaa mai hogi i olaadeu dua, gai denga gau looloa laa e hua vaaligiligi ma de moosugia, i hiidinga de saudia i de madangi mai i dua,

Genesis 41:6 Referans Kwoze

Hosea 13:15

e dee galemu donu dono hagadagadaga age i magavaa o ono daina. Gai de madangi i dua mai i daho Tagi Maolunga e ssau mai naa i de vao; ono vai e deai naa vai iai, gai ono vai geli e maamasa naa. Goloa hagamogomogo alodahi i lodo ono mommee doange e gaiaadia naa.

Ezekiel 19:12

Gai hanu ne llili ga unusi age de grapevine laa, ga hagabaguu iho gi honga de gelegele, gai de madangi mai i dua ne ili ga mmae, ono hua gu malili, gai ono laa makaga laa gu mmae, gai de ahi ne dudu de manu laa alodahi.

Ezekiel 17:10

Gai tilo, e maua naa gi somo danuaa noo gu sigi? E aha, e dee mmae naa donu huu i de ssau mai o de madangi i dua ga hagaili, gai gu mmae i de mommee e somo ai laa?’ ”

Genesis 41:5

Gai ia ne seni ange hogi, gai ia gu hai ange dahi midi: ia ne gidee e hidu gau looloa grain hhua nnui gu hhaa mai i dahi grain.

Genesis 41:7

gai denga gau looloa grain hua ligi laa ga holo denga gau looloa grain hua nnui e hidu laa. Gai Pharaoh gu alahage, gai ia gu iloo bolo ia gu hai dahi midi.

Genesis 41:23

Au ne gidee hogi e hidu gau looloa grain hua ligi ne hhaa mai i olaadeu dua, gai gu moosugia i de hai a de madangi mai i dua,

Hosea 12:1

Ephraim e gai de madangi, ma de doolohi de madangi mai i dua i taiao ga boo ai. Gilaadeu e dee modu de hadu muna ma de vaivai hai dangada; gilaadeu e hai dahi hagatoo donu hagaheloongoi madali Assyria, ma de kave denga lolo gi Egypt.

Jonah 4:8

Gai de masavaa huu ne dii age ai de laa, gai de Maadua ne hai gi humai de madangi hagavvela i dua, gai de laa gi dii ange gi honga de ngadi biho o Jonah, gai ia gu dai ssili mada. Gai ia gu lodo gi magau ia, gai ia ga hagadaba, “E danuaa ange donu dogu magau i dogu mouli.”