Genesis 4:22 - De Beebaa Dabu

²² Gai Zillah ne haanau hogi Tubal-Cain, go ia e agona ange gilaadeu e hai hegau i bronze ma iron. Gai taina haahine o Tubal-Cain go Naamah.

Genesis 4:22 Referans Kwoze

2 Chronicles 2:7

Gai koe gaamai hogi dahi labagau o denga goolo ma selevaa, ma bronze, ma iron, ma de hai malo i denga huga malo purple, ma de mmea, ma de buluu, gai se daane e labagau i de maaga mee, gi hai hegau madali denga labagau e nnoho madali au i Judah ma Jerusalem, go dangada a dogu damana go David gu lava laa i de hili.

Deuteronomy 33:25

Mee e hagamakaga ai oo haitoga e hai i iron ma bronze, oo mahi e duudagi naa donu huu i taulooloa doo mouli!

Deuteronomy 8:9

Gai se henua e dee maua gi odi gai iai, gai e deai naa donu se mee daudahi oodou e duasala ai. Gai lo te hadu iai denga iron, gai goodou e geli age naa denga copper i honga denga mounga.

Numbers 31:22

denga goolo, ma selevaa, ma bronze, ma iron, ma dini, aama lead,

Exodus 25:3

Gai aanei denga hagadaagangaa goloa alaadeu e daohi age e gaavadu gi de goe, go goolo, ma selevaa, ma bronze,

Genesis 4:21

Gai de ingoo o dono daina daane go Jubal, go ia tamana o dangada alodahi e hagadangidangi i de harp ma de flute.

Genesis 4:23

Gai Lamek ga hai ange gi luoono bodu: “Adah ma Zillah, gooluu nnoho mai hagalaangona agu muna, luu bodu o Lamek gi kana ange gi hagalaangona agu muna: au gu daa dahi daane ma gu magau, i hiidinga dana lagohia au, go tama daane ne hagammae ina au.