Genesis 36:31 - De Beebaa Dabu

³¹ Gai aanei denga hodooligi ne dagina de henua go Edom i mua de dahi hodooligi o de gau Israel:

Genesis 36:31 Referans Kwoze

Genesis 17:6

Gai au e hai naa goe gi hagadili ina gi soa au dama, ma de hai goe gi ni huaahenua soa, gai e hanu naa hodooligi e haanau mai i daho doo aamuli.

Genesis 17:16

Gai au e hagamanuuia naa ia, ga gaavadu gi de goe dahi dama daane mai i ono daha. Au e hagamanuuia naa ia ga hai ia go tinana o huaahenua, gai hodooligi o denga huaadangada e loomai naa i ono daho.”

Deuteronomy 33:29

De gau Israel, goodou gu manuuia! Goai e bei oodou dagodo, dangada a Tagi Maolunga gu hagaola? Ia e bei doodou mee hungihungi ma doodou bale aama doodou gadilaasa e kii ai. Oodou hagadaumee e maatagu naa i goodou, gai goodou e dagadagahi naa olaadeu mommee daumaha.”

Deuteronomy 33:5

Tagi Maolunga gu hodooligi i Jeshurun, i de masavaa o denga dagi o de huaadangada ma denga aamuli o Israel ne hagabuni ai.

Numbers 20:14

Gai Moses ne hai gi hulo hanu dangada hagailoo, mai i Kadesh gi hai ange gi de hodooligi o Edom, “Aanei muna a doo daina go Israel: koe e iloo dagodo o denga hai ngadaa alodahi gu hai mai gi gimaadeu.

Genesis 25:23

Gai Tagi Maolunga ne hai ange gi de ia, “E lua huaahenua i lo too dinae, gai luu huaadangada i oo lodo naa e dee nnoho hagabuni; dahi e mmahi ange i de ia ange laa, gai tama madua e hai hegau ange naa gi tama gauligi.”

Genesis 35:11

Gai de Maadua ga hai ange gi de ia, “Go au go El-Shaddai; koe gi hagadili gi soa. Dahi huaahenua ma de huaadangada soa e humai naa i oo daha, gai koe e hagadili naa denga hodooligi.

Genesis 36:30

ma Dishon, ma Ezer, aama Dishan. Aanei dagi o de gau Hor ma olaadeu vaaenga i de henua o Seir.