Genesis 32:24 - De Beebaa Dabu

²⁴ Gai go Jacob donu huu e noho i kilaa. Gai dahi daane ne daudau ma ia ga dae ai gi de ao de mee.

Genesis 32:24 Referans Kwoze

Ephesians 6:12

Go hiidinga gidaadeu e dee hebagi ange gi dangada, aagai e hebagi ange gi denga hagasaalunga ni dagi laa, ma hagasaalunga iai ssauaa, ma denga hagasaalunga mmahi e dagina laa henua i lalo gohu nei, aama hagasaalunga baubau i lo te langi i lunga.

Luke 13:24

“Goodou hagaduu ngae gi ulu goodou i de haitoga mada damaa mee; go hiidinga e soa naa dangada e hagatale de ulu ai gai e dee maua e gilaadeu.

Genesis 32:28

Gai ia ga hai ange, “Koe gu dee hagaingoo ange go Jacob, aagai go Israel, go hiidinga koe gu daudau ange gi de Maadua ma dangada, gai koe gu kii.”

Ephesians 6:18

Goodou dalodalo ma de dangidangi i ssauaa o de Hagasaalunga i masavaa alodahi. Gai goodou dagitilo i masavaa alodahi, ma de dalodalo i dangada alodahi o de Maadua.

Genesis 32:30

Gai Jacob ga hagaingoo ange de mommee laa go Peniel, go hiidinga ia e hagadaba, “Au gu gidee luu mada o de Maadua, gai au tee magau.”

Luke 22:44

Gai ia ne dalodalo hagammahi i de daemaha mmao ono lodo, gai ono daadaa gu bei denga madaua dodo nnui gu too iho gi honga de gelegele.

Genesis 30:8

Gai Rachel ga hagadaba, “Au ne daudau hagammahi ange gi dogu daina hahine, gai au gu kii.” Gai ia ne hagaingoo ange ia go Naphtali.

1 Corinthians 15:47

Tahi dangada ne hai i gelegele o henua i lalo; gai togolua dangada ne humai i de langi.

Colossians 4:12

Epaphras se dangada mai i oodou daha, gai se dangada hai hegau niio Klisdo Iesu, e gaavadu hogi dana hagaboo. Ia e kona de hagammahi ma e dalodalo i goodou, gi maua e goodou i de tuu gi makaga, ma de maatua abodonu i lodo hagatau a de Maadua.

Song of Songs 2:17

Ga dae ai gi de ao de mee, gai gu ui de gohu, dogu dau soa, ahe mai; koe gi bei dagodo o dahi gazelle aabe go dahi dia daane gauligi i honga denga mounga haduhadua.

Genesis 48:16

go tangada de langi ne hagaola ina mai au i denga hai ngadaa alodahi — gi hagamanuuia ina hogi luu gauligi daane nei. Gai gilaau gi gaavee dogu ingoo ma ingoo o luoogu damana go Abraham ma Isaac gai gilaau gi hagadili gi soa i henua i lalo.”

Hebrews 5:7

Gai de masavaa o Iesu ne mouli ai i henua i lalo, gai ia ne dalodalo aama de dangidangi i de dangi see aama de ssali ono loimada ange gi de ia e maua laa i de hagaola ia mai i de magau, gai de Maadua ne hagallongo dana dangidangi, i hiidinga ia e hai hegau i de hagadubu ma de madagu.

Colossians 2:1

Au e lodo goodou gi iloo bolo go oodou hiidinga oogu e hagaduu ngae ai nei, ma hiidinga o denga daina i Laodicea, aama dangada alodahi tigi gidee e gilaadeu au.

Romans 15:30

Denga daina, au e dangidangi adu gi goodou, i de ingoo o Tagi Maolunga go Iesu Klisdo ma de aloha o de Hagasaalunga ⌊Dabu⌋, goodou balea mai au i talodalo ange gi de Maadua i ogu hiidinga,

Isaiah 32:2

Gai dahi ma dahi e bei naa de mommee e buibui ai dangada i de ssau de madangi, gai e bei denga saalingaa vai i de vao, e bei de malu i lalo dahi hadu laumalie i de henua e deai manu e ssomo ai.

Exodus 14:27

Deelaa ai, Moses ne haalo ange dono lima gi honga de vai, gai gu ahe ange ga bei ono dagodo i mua i de masavaa ne ao ai de mee. Gai denga daane hebagi o Egypt tee maua i de saavini e hulo gee ai. Gai Tagi Maolunga ne hagaabulu gilaadeu gi lo te vai.

Genesis 18:2

Gai Abraham ga dangage age gu gidee adu e ia e dogodolu daane e tuu mai. De masavaa aana ne gidee ai gilaadeu, gai ia ga hidi age ga savini ga hedae ange gi gilaadeu, ga ino gi honga de gelegele.

Genesis 32:23

Gai ia ne hai gilaadeu gi hulo gi de baasi gee o de vai madali denga goloa.

Genesis 32:25

Gai ga gidee huu e taane laa bolo ia gu dee bau ange gi Jacob, gai ia ga poo ange gi ssuguinga o dono gauanga, gai de gauanga o Jacob gu maaguluaa, i de masavaa oona ne daudau ange ai gi taane laa.

Joshua 5:13

De masavaa o Joshua ne duu ai i gaogao Jericho, gai ia ne gidee dahi daane e poo dana gadilaasa ma e duu ai i ono mada i mua; gai Joshua ga hano ga ssili ange gi de ia, “Koe se dangada madali gimaadeu, aabe koe se dangada e hai baasi mai gi gimaadeu?”

Daniel 10:8

Gai go au donu huu e doe i kilaa, gai au ne gidee de midi hagaago ange hagamaatagu. Gai gu deai donu ogu mahi, luoogu mada gu mada tea bei dagodo o tangada magau, gai au gu dee maua i de ngalue.