Genesis 31:42 - De Beebaa Dabu

⁴² Gai noo de Maadua o dogu damana tee noho madali au, go de Maadua o Abraham, go de ia o Isaac e madagu ai laa, gai koe ne hai donu huu au gi ngadi hano. Aagai de Maadua gu gidee dogu hai ngadaa ma dogu hai hegau hagaduasala, gai ia gu hagasee goe anaboo.”

Genesis 31:42 Referans Kwoze

Psalm 31:7

Au e lodo danuaa ma de malangilangi i doo lodo aloha, i hiidinga koe e gidee dogu hagaduasala ina, ma de donu ange gi de duasala ogu lodo,

Genesis 31:29

Au e maua donu i de hagalagohia goe, aagai de Maadua o doo damana ne hai mai gi de au anaboo, ‘Koe gi kana ange gi au muna e basa ai gi Jacob, e dee hilihili be e danuaa aabe e baubau.’

Genesis 31:53

Gai de Maadua o Abraham ma Nahor, go de Maadua o delaau damana gi hagamodu ina mee i odaau magavaa.” Gai Jacob ne hagatoo donu i de ia o Isaac e madagu ai laa.

Genesis 29:32

Gai Leah gu hai dama ga haanau dahi dama daane, gai ia ga hagaingoo ange ia go Reuben, gai ia ne hagadaba, “Tagi Maolunga gu gidee dogu duasala, dua iainei gai dogu bodu e aloha donu i de au.”

Isaiah 8:13

Aagai koe hagadabu ina Tagi o denga hagabuulinga hebagi; gai koe gi madagu donu huu i de ia, ma de manavasaa donu huu i de ia,

Genesis 31:24

Gai de Maadua ne hakide ange gi Laban, taane Syria i de midi, i de boo laa, ga hai ange gi de ia, “Koe kana ange gi au muna e basa ange ai gi Jacob, e dee hilihili be e danuaa aabe e baubau.”

Jude 1:9

Aagai de masavaa donu hogi o tangada de langi maolunga go Michael, ne hagadaumee ange ai gi de ia hagabaubau laa i de angaanga o Moses, gai ia tee basa hagamalaia donu ia i ana muna hagabaubau laa, aagai ne hai ange donu huu, “Tagi Maolunga gi hagaseegina goe!”

1 Chronicles 12:17

Gai David ne humai ga hedae ange gi gilaadeu, ga hai ange, “Noo goodou se loomai e hagaheloongoi mai gi de au ma de bale mai au, gai au e hagabuni adu gi goodou; gai noo goodou e kave denga longo gi ogu hagadaumee, gai tigi ai donu agu mee dee heohi ne hai, gai de Maadua o odaadeu dubuna madagidagi gi hagaduasala ina goodou.”

Exodus 3:7

Gai Tagi Maolunga ga hai ange gi de ia, “Au gu gidee donu de duasala o ogu dangada i Egypt, au gu langona hogi delaadeu tangi i hiidinga de hai a olaadeu dagi e hagaduasala ai gilaadeu; au gu iloo donu dagodo o delaadeu duasala.

Genesis 31:12

Gai ia ga hai mai, ‘Galo ange diiloo bolo denga guudi daane alodahi e loange laa gi denga manu haahine e sissisi, ma de daubulebule aama de dongidongi, go hiidinga au gu gidee mee alodahi a Laban gu hai adu gi de goe.

Genesis 31:5

gai ia ga hai ange gi gilaau, “Au gu gidee bolo dooluu damana gu dee malangilangi i de au bei taamada age, gai de Maadua o dogu damana e noho madali au.

Genesis 27:33

Gai Isaac gu bolebole mmao, gai ia ga ssili ange, “Gai goai ne gaamai laa hanu gai ga gai au i mua doo humai? Gai au ga hagamanuuia ai ia, gai ia e manuuia naa donu!”

Genesis 16:13

Gai ia ne hagaingoo ange Tagi Maolunga ne basa ange laa gi de ia, “Go koe de Maadua e gidee au,” go hiidinga ia ne hagadaba, “Au gu gidee donu de ia e gidee e dagidiiloo mai au.”

Genesis 16:11

Gai tangada de langi o Tagi Maolunga ne hai ange hogi, “Tilo, koe gu hai dama, koe e haanau naa dahi dama daane, gai koe ga hagaingoo ange ia go Ishmael, go hiidinga Tagi Maolunga gu langona dagodo o doo vaivai haia.

Genesis 11:5

Aagai Tagi Maolunga ne hano iho e tilo de aduhale ma de hale maolunga a dangada gu hagaduu laa.

Genesis 32:9

Gai Jacob ne dalodalo ga hai ange, “De Maadua o dogu dubuna go Abraham, ma de Maadua o dogu damana go Isaac, go Tagi Maolunga, koe ne hai mai gi de au, ‘Ahe gi doo henua ma daho oo dangada, gai au e hai naa gi hagadagadaga age goe.’

Genesis 35:3

Gai gidaadeu ga hulo gi Bethel, gai au ga bae dahi mommee o ssigidaumaha ange gi de Maadua i kilaa, go de ia ne balea mai au i de masavaa oogu ne duasala ai, gai ia ne noho madali au i mommee alodahi oogu ne hano aagena.”

Genesis 46:1

Gai Israel ne kave ono mee alodahi ga hano ai. Gai ga dae huu ia gi Beersheba, gai ia ga hai dahi sigidaumaha, ange gi de Maadua o dono damana go Isaac.

Daniel 2:23

De Maadua o ogu dubuna, au e hagaahe adu de abodonu ma de tuhi goe: koe gu gaamai gi de au de heiangi ma de mmahi; koe gu hagaago mai gi de au mee amaadeu gu dangidangi adu ai gi de goe, koe gu hagaago mai gi gimaadeu de mee a de hodooligi e lodo gi iloo.”

Deuteronomy 15:13

Gai de masavaa naa huu aau e dugu ai ia gi hano, aagai koe e dee hai ia gi ngadi hano ma teai ana mee.